ប្រសិនជាអ្នកម្តាយកើតមានអាការៈទល់លាមកក្នុងពេលមានផ្ទៃពោះ គួរតែពិសារអាហារទាំងនេះ ព្រោះវាអាចជួយឲ្យអ្នកបត់ជើងធំស្រួល ។ តើមានអ្វីខ្លះទៅ ?
អ្នកម្តាយអាចបរិភោគផ្លែចេកបាន ព្រោះសារធាតុដែលមានក្នុងនោះនឹងជួយជំរុញលាមករបស់អ្នកឲ្យចេញមកក្រៅយ៉ាងស្រួល ។ ដូចនេះពេលដែលអ្នកម្តាយពិបាកបត់ជើងធំអាចពិសារផ្លែចេកនេះចំនួនមួយទៅពីរផ្លែក្នុងមួយថ្ងៃបាន ឬអ្នកអាចបរិភោគក្នុងពេលមិនទាន់ញ៉ាំអីក៏បានដែរ ។
ក្រោយពេលដែលអ្នកម្តាយក្រោកពីគេង អាចញ៉ាំទឹកឃ្មុំបាន ព្រោះវាអាចជួយអ្នកឲ្យងាយ ស្រួលបត់ជើងធំដូចគ្នា ។ ដូចនេះអ្នកម្តាយអាចយកទឹកឃ្មុំចំនួន ៦០ក្រាម ទៅលាយជាមួយទឹកមួយកែវ ហើយកូរឲ្យសព្វញ៉ាំបាន ។ អ្នកម្តាយអាចពិសារមួយកែវជារៀងរាល់ថ្ងៃបាន ព្រោះវាអាចជួយអ្នកមិនឲ្យទល់លាមកនោះទេ ។
ក្រោយពេលដែលអ្នកម្តាយក្រោកពីគេង អាចញ៉ាំទឹកលាយជាមួយអំបិលបន្តិចក៏អាចជួយកាត់បន្ថយអាការៈទល់លាមកផងដែរ ។ អ្នកម្តាយអាចបរិភោគអាហារដែលមានផ្ទុកសារធាតុសរសៃដូចជា ផ្លែគីវី ទំពាំងបាយជូរ ដំឡូងផ្អែម ឬពោតជាដើម ព្រោះសុទ្ធតែជាអាហារដែលធ្វើឲ្យអ្នកងាយស្រួលបត់ជើងធំទាំងអស់ ៕
ចែករំលែកព័តមាននេះ