«ឆាយណា ដេលី» របស់ចិនផ្សាយកាលពីពេល ថ្មីៗនេះថា ប៉មបុរាណអាយុជិត១.០០០ឆ្នាំស្ថិតនៅលើកំពូលភ្នំធៀនម៉ាសាន ក្រុងសៀង ហៃ បានបង្កើតឯតទគ្គកម្មផ្អៀងនាំមុខអគារប៉មផ្អៀងនៅក្រុងពីហ្សា
«ឆាយណា ដេលី» របស់ចិនផ្សាយកាលពីពេល ថ្មីៗនេះថា ប៉មបុរាណអាយុជិត១.០០០ឆ្នាំស្ថិតនៅលើកំពូលភ្នំធៀនម៉ាសាន ក្រុងសៀង ហៃ បានបង្កើតឯតទគ្គកម្មផ្អៀងនាំមុខអគារប៉មផ្អៀងនៅក្រុងពីហ្សា ប្រទេសអីុតាលី ។
អគារប៉មដែលមានរាង៨ជ្រុងនោះសាងសង់ឡើងនៅឆ្នាំ១០៧៩ ក្នុងសម័យរាជវង្សសុងខាងជើងអំឡុងពុទ្ធសករាជ ១៥០៣-១៦៧០ មានកម្ពស់ប្រហែល២០ម៉ែត្រ ដែលពីអតីតកាលជាទីតាំងរក្សាទុកវត្ថុសំខាន់ផ្នែកពុទ្ធសាសនា។ អគារប៉មសៀងហៃ ចាប់ផ្តើមផ្អៀងទៅទិសខាងកើតឆៀងខាងត្បូងប្រហែល៦,៥១អង្សា នៅក្នុងឆ្នាំ១៩៧៨ ដោយនៅផ្នែកខាងចុងផ្អៀងឃ្លាតឆ្ងាយពីអក្សប្រហែល២,២៥ម៉ែត្រ ប៉ុន្តែលទ្ធផលអង្កេតចុងក្រោយនេះឃើញថា វាផ្អៀងកាន់តែខ្លាំងក្នុងកម្រិតប្រហែល៧,១០អង្សា ។
លោកសាស្ត្រាចារ្យ រួន អីុសាន មហាវិទ្យាល័យថុងជី និយាយថា អគារប៉មនោះមានប្រវត្តិយូរលង់ជិត១០០០ឆ្នាំ ចាត់ទុកថាជាឫសគល់នៃវប្បធម៌ដ៏សំខាន់របស់ក្រុងសៀងហៃ ។
មន្ត្រីផ្នែកបេតិកភណ្ឌវប្បធម៌លោកលី ឃុងសាន បញ្ជាក់ថា អ្នកជំនាញបានត្រួតពិនិត្យអគារប៉មចំនួន២លើកក្នុងមួយឆ្នាំដោយស្ថានភាពនៃការផ្អៀងនេះនៅតែស្ថិតក្រោមការអភិរក្សដោយគ្រោងសំណង់របស់អគារនៅរឹងប៉ឹង មានតែផ្នែកខាងក្រៅសឹករេចរឹល និងមានស្នាមប្រេះតែគ្រោងនឹងជួសជុលនៅពាក់កណ្តាលឆ្នាំក្រោយនេះ ។
នាយកដ្ឋានទេសចរណ៍សៀងហៃ អះអាងថា អគារសៀងហៃបាននាំមុខអគារប៉មនៅក្រុងពីហ្សាទាំងលើអាយុកាលនិងការផ្អៀង ។ អ្នកជំនាញផ្នែកវត្ថុបុរាណសន្និដ្ឋានថាការផ្អៀងនៃអគារប៉មសៀងហៃមកពីកត្តាគ្រឹស្ត ស្ថិតលើផ្ទៃដីមានលក្ខណៈខុសប្លែកគ្នា២យ៉ាង គឺស្រទាប់ថ្មភ្នំធៀនម៉ាសាន និងស្រទាប់ថ្ម Ballast នៅផ្នែកផ្សេងពីគ្នា ៕
ចែករំលែកព័តមាននេះ