សហរដ្ឋអាមេរិក ៖ កាសែតញូវយ៉កថែមរាយការណ៍កាលពីថ្ងៃទី២២ វិច្ឆិកាថា នៅសហរដ្ឋ
អាមេរិកអាជ្ញាធរបានស៊ើបអង្កេតលើការបាត់បង់ជីវិតរបស់ក្មេងជំទង់ស្បែកខ្មៅ២នាក់ ដែលជិះក្នុងរថយន្តមួយគ្រឿងនៅរដ្ឋផ្លរីដា កាលពីថ្ងៃទី១៣វិច្ឆិកា កន្លងទៅពេលប៉ូលិសបាញ់លើពួកគេ។
វីដេអូមួយពីឆាកនៃការបាញ់ប្រហារនោះត្រូវបានចេញផ្សាយ កាលពីថ្ងៃទី១៧ វិច្ឆិកាដោយការិយាល័យប៉ូលិសក្រុង BREVARD រដ្ឋផ្លរីដា ចម្ងាយប្រមាណជា៧០កីឡូម៉ែត្រខាងកើតអ័រឡានដូ ។ រឿងនោះកើតមានកាលពីថ្ងៃទី១៣វិច្ឆិកា វេលាម៉ោង១០និង៣០នាទីម៉ោងក្នុងស្រុក ។
យោងតាមអ្នកនាំពាក្យម្នាក់របស់អាជ្ញាធរថា ប៉ូលិស២នាក់បានដេញតាមរថយន្ត១គ្រឿងដែលពួកគេគិតថា ជារថយន្តដែលលួច ហើយបើករត់គេច ។ ក្រោយដេញតាមទាន់រថយន្តនោះប៉ូលិសម្នាក់បានចេញពីរថយន្តប៉ងជួបប្រាស្រ័យជាមួយក្មេងជំទង់ទាំងនោះ ។ តែអ្នកបើករថយន្តត្រូវដេញតាមបានបើកសម្រុកមកលើប៉ូលិស ដែលបាញ់តបតជាកិច្ចការពារខ្លួនស្របច្បាប់ ។ ប៉ូលិសបានបាញ់អស់៨គ្រាប់ ។
ក្មេងជំទង់២នាក់បានត្រូវគ្រាប់កាំភ្លើងបញ្ជូនមកកាន់មន្ទីរពេទ្យហើយពួកគេក៏បានបាត់បង់ជីវិត ដោយសារតែរបួសធ្ងន់ធ្ងរពេក ។ មនុស្សទី៣ក្នុងរថយន្តជាមួយពួកគេ មិនរងរបួសឡើយ ។
មេធាវីរបស់គ្រួសារក្មេងជំទង់រងគ្រោះទាំង២នាក់អះអាងថា ពួកគេទាំង២គ្រាន់តែភ័យ ដោយសារប៉ូលិសដេញតាម ហើយពួកគេក៏បើករត់ក៏ព្រោះតែភ័យ ។
មេធាវីរូបនោះក៏និយាយដែរថា ប៉ូលិសដែលចេញថាចង់និយាយជាមួយពួកគេតាមពិតក៏មិនស្ថិតក្នុងគ្រោះថ្នាក់ដែរ ពេលសម្រេចចូលទៅជិតពួកគេ ក៏ដើម្បីងាយបាញ់ឲ្យចំ ។ ប៉ូលិសរូបនោះបានបាញ់ក្នុងបំណងសម្លា.ប់ ហើយបន្តបាញ់ទៀតពេលរថយន្តឈប់ទៅហើយ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ