សារព័ត៌មានបរទេសកាលពីពេល ថ្មីៗកន្លងមកផ្សាយថា ទស្សនាវដ្តី «រ៉េស្តូរ៉ង់» របស់អង់គ្លេស បានប្រកាសឈ្មោះ និងផ្តល់រង្វាន់ដល់ភោជនីយដ្ឋានល្អបំផុតនៅលើពិភពលោកចំនួន៥០ចំណាត់ថ្នាក់ប្រចាំ
សារព័ត៌មានបរទេសកាលពីពេល ថ្មីៗកន្លងមកផ្សាយថា ទស្សនាវដ្តី «រ៉េស្តូរ៉ង់» របស់អង់គ្លេស បានប្រកាសឈ្មោះ និងផ្តល់រង្វាន់ដល់ភោជនីយដ្ឋានល្អបំផុតនៅលើពិភពលោកចំនួន៥០ចំណាត់ថ្នាក់ប្រចាំឆ្នាំ២០១៥ កាលពីថ្ងៃទី១ មិថុនា ២០១៥ ដោយចំណាត់ថ្នាក់ទី១ បានទៅលើភោជនីយដ្ឋាន «Fl Celler De Can Roca»។
ភោជនីយដ្ឋាននោះមានទីតាំងស្ថិតនៅក្រុងជីរ៉ូណា ខណ្ឌកាតាឡាន ភាគខាងជើងប្រទេសអេស្ប៉ាញ ដោយមានអ្នកគ្រប់គ្រងចំនួន៣នាក់ ត្រូវជាបងប្អូននឹងគ្នាជនជាតិអេស្ប៉ាញ គឺលោកជួន លោកជ័រឌី និងលោកចូសេប រ៉ូកា ដោយបំពេញតួនាទីជាលក្ខណៈប្រព័ន្ធ ខណៈពេលលោកជួន រ៉ូកា ស្ថិតក្នុងតំណែងប្រធានចុងភៅ លោកជ័រឌី រ៉ូកា ទទួលតួនាទីជាប្រធានគ្រប់គ្រងបង្អែម និងលោកចូសេប ពិនិត្យផ្នែកស្រា រួមទាំងភេសជ្ជៈ ផ្សេងៗទៀតនៅក្នុងហាង ។
ចំណាត់ថ្នាក់លេខ២ ភោជនីយដ្ឋាន «Osteria Francescana »ពីអីុតាលី ។ ចំណាត់ថ្នាក់លេខ៣ ភោជនីយដ្ឋាន Noma ។
ការរៀបចំណាត់ថ្នាក់នោះ ស្ទាបស្ទង់តាមរយៈអ្នកឯកទេសផ្នែកម្ហូបអាហារចំនួន៩៧២នាក់ ពី២៧ប្រទេស រួមមានប្រធានចុងភៅ ម្ចាស់ភោជនីយដ្ឋាន និងផ្នែកបញ្ជីម្ហូបអាហារ ដោយបុគ្គល នីមួយៗនឹងផ្តល់ពិន្ទុលើភោជនីយដ្ឋាននៅទូទាំងពិភពលោក ដែលពួកគេមានឱកាសបានធ្វើដំណើរទៅទទួលទាន ក្នុងរយៈពេល១៨ខែកន្លងមក ៕
ចែករំលែកព័តមាននេះ