រាជធានីភ្នំពេញ៖ កាលពីពេលថ្មីៗនេះ លេចមុខនារីស្រស់ស្អាតម្នាក់ បានប្រកាសអោយមហាជន និងអ្នកលេងបណ្តាញសង្គមហ្វេសប៊ុក បានដឹងពីទំនាក់ទំនងដ៏ស្និទ្ធស្នាលរបស់នាងជាមួយនឹងតារាសម្តែងប្រុសលោក ប៉ែន ចំរ៉ុង ក្នុងនាមជាបងប្អូនគ្នានោះ គឺ…
រាជធានីភ្នំពេញ៖ កាលពីពេលថ្មីៗនេះ លេចមុខនារីស្រស់ស្អាតម្នាក់ បានប្រកាសអោយមហាជន និងអ្នកលេងបណ្តាញសង្គមហ្វេសប៊ុក បានដឹងពីទំនាក់ទំនងដ៏ស្និទ្ធស្នាលរបស់នាងជាមួយនឹងតារាសម្តែងប្រុសលោក ប៉ែន ចំរ៉ុង ក្នុងនាមជាបងប្អូនគ្នានោះ គឺ ត្រូវបានកាត់ផ្តាច់ហើយបង្កឲ្យមានការភ្ញាក់ផ្អើលពីសំណាក់មិត្តរួមអាជីពនិងអ្នកគាំទ្ររបស់តារាសម្តែងប្រុសរូបនេះ ។
នារីរូបស្រស់ដែលមានឈ្មោះនៅក្នុងបណ្តាញសង្គមហ្វេសប៊ុកថា « LiLy Queen » បានបង្ហោះសារ និង វីដេអូ បង្ហាញទៅមហាជនអ្នកគាំទ្រថា នាង លែងមានទំនាក់ទំនងអ្វី នឹងតារាសម្តែងលោក ប៉ែន ចំរុង ទៀតហើយដោយនាងបានពោលពាក្យច្បាស់ៗថា « គ្មានទៀតទេពាក្យថាបងប្អូន គ្រប់យ៉ាងគ្រាន់ជាអតីត។ ឆ្អែតខ្លាំង »។
យ៉ាងណាមិញ ជុំវិញនៃរឿងរ៉ាវទាំងនេះ បានធ្វើអោយមហាជនមានការងឿយឆ្ងល់យ៉ាងខ្លាំង អំពីរឿងរ៉ាវរបស់នាងជាមួយនឹងតារាប្រុសរូបនេះ រហូតធ្វើអោយនាងបានលើកឡើងន្លែមទៀតថារូបនាងមិនសាកសមនឹងទទួលយកមិត្តភាពមួយបន្តទៅទៀតថា« ខ្ញុំមិនល្អគ្រប់គ្រាន់នឹងបន្តមិត្តភាពហ្នឹងបានទេ។ យកល្អ យកត្រូវទៅចុះ ខ្ញុំអោយ ខ្ញុំអាក្រក់យូរណាស់មកហេីយ។ ចាត់ទុកថាកន្លងមកស្គាល់គ្នាដេីម្បីលាងកម្មចុះ។ ពីពេលនេះទៅរស់នៅជីវិតរៀងៗខ្លួន។ ជម្រាបលាម្ចាស់កម្មពៀ» ។
គួរបញ្ជាក់ផងដែរថា មកទល់ពេលនេះ មិនទាន់មានការបកស្រាយណាមួយរបស់ លោក ប៉ែន ចំរ៉ុង ឆ្លើយតបទៅកាន់នារីរូបស្រស់នោះ ទៅលើរឿងរ៉ាវផ្តាច់ការទាក់ទង ក្នុងនាមជាបងប្អូនធម៌ជាមួយរួបលោកនោះទេ ។ ក៏ប៉ុន្តែបើតាមរូបភាពដែលបានបង្ហោះនោះ ឃើញថាស្រីស្រស់រូបនេះ ពិតជាមានភាពស្និតស្នាលយ៉ាងខ្លាំងជាមួយនឹងលោក ប៉ែន ចំរ៉ុង ដោយមានរូបភាពថតជាមួយលោកប៉ែន ចំរ៉ុង ថ្ងៃរៀបការនិងរូបថតរួមជាមួយលោកប៉ែន ចំរ៉ុង និងប្រពន្ធរបស់តារាសម្តែងនេះផងដែរ ៕
ចែករំលែកព័តមាននេះ