ថៃ៖ បើទោះបីជាស្ថិតនៅក្នុងស្ថានីយទូរទស្សន៍ប៉ូសលេខ៧ ជាមួយគ្នាក៏ដោយ តែតារាប្រុសស្រស់សង្ហាលោក Weir Sukollawat មិនងាយបានជួបដៃគូចាស់ស្រីស្អាត Pinky Savikaនោះទេ ។ ដោយឡែក កាលពីពេលថ្មីៗនេះ ស្រាប់តែ តារាប្រុសរូបនេះបង្ហោះរូបមួយសន្លឹកនៅលើបណ្តាញសង្គម Instagram ជាមួយដៃតារាស្រី Pinky មើលទៅពិតជាស្រស់សង្ហានិងស្រស់ស្អាតទាំងព្រម ។
យ៉ាងណាមិញ បន្ទាប់ពីឃើញរូបភាពមួយសន្លឹកនោះរបស់តារាប្រុសស្រីថៃទាំង ២នាក់នេះ នៅក្នុងការផ្តល់ស្នាមញញឹមយ៉ាងស្រស់ស្អាតរួចមក ស្រាប់តែធ្វើអោយអ្នកគាំទ្រជាច្រើនបានចូលទៅបញ្ចេញមតិ ស្នើអោយតារាប្រុស Weir និងតារាស្រី Pinky បង្ហោះរូបជាមួយគ្នាស្រីស្អាតនេះអោយបានច្រើន ពីព្រោះតែពួកគេកម្ររបានឃើញអ្នកទាំង២ ជួបគ្នាណាស់។
មិនត្រឹមតែប៉ុណ្ណោះ នៅក្នុងនោះក៏មានមហាជននិងអ្នកគាំទ្រ បានស្នើរសុំអោយស្ថានីយទូរទស្សន៍ប៉ូសលេខ៧ ថៃ ដឹកនាំរឿងអោយលោក Weir និងនាង Pinky ចាប់ដៃគូសម្តែងជាមួយគ្នាសារជាថ្មីម្តងទៀត ពីព្រោះតែអ្នកគាំទ្រនឹកពីស្នាដៃសម្តែងរបស់ពួកគេនាពេលកន្លងមកនេះ ។ សូមមើលលីងនេះ ៖ https://www.thaiupdate.info/weir-pinky-reunite-new-drama/
គួរបញ្ចាក់ផងដែរថា តារាប្រុស Weir Sukollawat ស្រីស្អាត Pinky Savika ធ្លាប់ជាដៃគូចាស់ ដែលបានសម្តែងខ្សែភាគយន្តជាមួយគ្នា តាមរយៈរឿង « អូនគឺជាជិវិតបង» កាលពីឆ្នាំ២០០៨ និង រឿង« បង្វិលបេះដូង» កាលពីឆ្នាំ២០០៩ កន្លងទៅនេះ ដោយទទួលបានសម្លេងគាំទ្រយ៉ាងខ្លាំងសម្រាប់រឿងភាគទូរទស្សន៍ដែលអ្នកទាំងពីរបានសម្តែងរួមគ្នានោះ ៕
ចែករំលែកព័តមាននេះ