ទើបតែភ្ជាប់ពាក្យ ប៉ុន្តែស្រីស្អាត ហេង ចន្ថាបង្ហោះសារថាកំពុងឯកាគ្មានអ្នកដឹង
- ភ្នំពេញ
រាជធានីភ្នំពេញ៖ កន្លងមកប្រិយមិត្តបានដឹងហើយថា អតីត Miss Grand Cambodia ឆ្នាំ ២០១៦ ហេង ចន្ថា…
រាជធានីភ្នំពេញ៖ កន្លងមកប្រិយមិត្តបានដឹងហើយថា អតីត Miss Grand Cambodia ឆ្នាំ ២០១៦ ហេង ចន្ថា…
រាជធានីភ្នំពេញ៖ កន្លងមកប្រិយមិត្តបានដឹងហើយថា អតីត Miss Grand Cambodia ឆ្នាំ ២០១៦ ហេង ចន្ថា បានសម្រេចចិត្តបញ្ចប់ចាប់ភាពនៅលីវរបស់អស់នាងរយៈពេលជិតកន្លះឆ្នាំមកហើយដោយនាងបានភ្ជាប់ពាក្យជាមួយបុរសម្នាក់ទៅតាមប្រពៃណីខ្មែរនាពេលកន្លងមកនេះ ប៉ុន្តែបើទោះបីជាមានឈ្មោះជាគូដណ្តឹងក៏ដោយ តែនាងមិនទាន់បានបង្ហើយប្រាប់មហាជនជាសាធារណៈនោះទេថានាងមានគូដណ្តឹង ។ ហើយកាន់តែគួរឲ្យភ្ញាក់ផ្អើលនោះ ស្រីស្រស់រូបនេះ បែរជាបង្ហោះសារមួយឃ្លា ហាក់មានសញ្ញាមិនស្រួលអំពីទំនាក់ទំនងជាមួយគូដណ្តឹង ។
ស្របពេលដែលមហាជនចង់ដឹងអំពីអត្តសញ្ញាណគូដណ្តឹងរបស់នាងថាជានរណា និងថ្ងៃរៀបការនៅពេលណានោះ ស្រាប់តែតារាស្រីរូបនេះដែលហាក់ស្ងប់ស្ងាត់នៅក្នុងរង្វង់សិល្បៈ បានបង្ហោះសារប្លែកៗគួរអោយចាប់អារម្មណ៍ ដោយលើកឡើងថារូបនាងកំពុងតែស្ថិតនៅក្នុងភាពឯកកានិងគ្មាននរណាម្នាក់យល់ចិត្តនាងឡើយ។
អតីត Miss Grand ស្រស់ស្អាតរូបនេះបានបង្ហោះសារមានខ្លឹមសារប្លែកៗយ៉ាងដូច្នេះថា «សើចសប្បាយមានអ្នកដឹងច្រើន តែពេលខ្ញុំកើតទុក្ខគ្មានអ្នកឮ ខ្ញុំយំគ្មានអ្នកស្តាប់ ខ្ញុំឯកាគ្មានអ្នកដឹង គ្មានអ្នកដឹងទេ មានតែយើងទេដែរដឹងពីខ្លួនឯងច្បាស់ អ៊ីចឹងក៏មានតែខ្លួនឯងទេដែលដឹងច្បាស់គ្រប់ពេល លួងខ្លួនឯងបានគ្រប់ពេល មែនអត់បងប្អូន??» ។
យ៉ាងណាមិញ បន្ទាប់ពីឃើញសារនេះរួចមកមានមហាជនជាច្រើន មានការងឿងឆ្ងល់យ៉ាងខ្លាំងថានាងកំពុងតែមានវិបត្តិអ្វីក្នុងចិត្ត ទើបធ្វើអោយរូបនាងបង្ហោះសារបែបនេះ ប៉ុន្តែយ៉ាងណាក៏មហាជននៅមិនទាន់បានដឹងនៅឡើយនោះទេថានាងកំពុងតែមានបញ្ហាអ្វីអោយពិតប្រាកដនោះទេ៕
ចែករំលែកព័តមាននេះ