រាជធានីភ្នំពេញ ៖ ជុំវិញរឿងរ៉ាវក្តៅគគុកពាក់ព័ន្ធនឹងការចោទប្រកាន់ថា តារាចម្រៀង និងតារាសម្តែងស្រី អ្នកនាង ឈិន សុធារី ថាយកប្តីគេនោះ ពេលនេះអ្នកមេម៉ាយរូបស្រស់បានប្រកាសឲ្យដឹងថា នាងនឹងរៀបចំពាក្យបណ្តឹងប្តឹងស្ត្រីរូបនេះពីបទ «បរិហារកេរ្តិ៍» ។
ការប្រកាសរបស់អ្នកនាង ឈិន សុធារី ធ្វើឡើង បន្ទាប់ពីមានស្ត្រីមួយរូបបានចេញមកប្រកាសក្តែងៗជាសាធារណៈថា តារាសម្តែងស្រីអ្នកនាង ឈិន សុធារី បានដណ្តើមស្វាមីរបស់ខ្លួនដែលរៀបការអស់រយៈពេលប្រមាណដប់ឆ្នាំមកហើយនោះ ។
តារាសម្តែងនាង ឈិន សុធារី បានអះអាងប្រាប់កោះសន្តិភាពតាមសារអេឡិចត្រូនិចកាលពីថ្ងៃទី២៦ ខែតុលា ឆ្នាំ២០២០នេះថា ការចោទប្រកាន់របស់ស្ត្រីខាងលើនេះ គឺ «មិនមែនជាការពិតឡើយ» ហើយនាងក៏មិនចង់បកស្រាយអំពីរឿងនេះឲ្យវែងឆ្ងាយនោះដែរ។
នាងបញ្ជាក់ថា «ខ្ញុំមិនខុស ព្រោះរឿងគំនុំ លុយ សោះ បែរជាមករករឿងខ្ញុំ ខ្ញុំនឹងប្តឹងពីករណីបរិហារកេរ្តិ៍ ព្រោះរឿងវាមិនពិត» ។ យ៉ាងណា បើតាម ឈិន សុធារី បុរសដែលស្ត្រីខាងលើចោទប្រកាន់ដោយភ្ជាប់ទំនាក់ទំនងជាមួយនាងនោះ គឺជាមនុស្សដែលស្គាល់គ្នា និងជាមិត្ត ជាដៃគូររកស៊ីតែប៉ុណ្ណោះ មិនមានអ្វីលើសហ្នឹងឡើយ ។
សូមរម្លឹកថាថ្មីៗនេះ ស្ត្រីមួយរូបដែលមានគណនេយ្យហ្វេសប៊ុកថា Somrith Ya Nuth បានបង្ហោះសារកាលពីថ្ងៃទី២៤ ខែតុលា ឆ្នាំ២០២០ នេះថា «ក្នុងនាមខ្ញុំជាម្តាយ ជាប្រពន្ធស្របច្បាប់ក្រាបក្បាលដល់កន្ទេលជាមួយបុរសជាប្តីអស់រយៈពេលដប់ឆ្នាំ លំបាកវេទនាតាំងពីបាតដៃទទេរ មកដល់ឥលូវបែរជាលោកប្តីរូបនេះតបស្នងនូវការឈឺចាប់អោយរូបនាងនឹងកូន ដែលចុះចេញពីផ្ទះរយៈពេលជិតមួយឆ្នាំទៅរស់នៅដើរបណ្តើរគ្នាចេញមុខ ដោយមិនខ្លាចញញើតរូបនាងជាប្រពន្ធដើម ទាំងមិនទាន់លែងលះគ្នាចប់សព្វគ្រប់» ។
ស្ត្រីរូបនេះក៏បានសរសេរបន្តថា នាងក៏ចង់សួរថា លោកកែវ ពិសិដ្ឋ និងនាង ឈិន ចាន់សុធារី តារាសម្តែងស្រែកក្តែងៗគេយកប្តីនាងពីមុនដើរតួរកំសត់នេះ យល់អារម្មណ៍គេជាប្រពន្ធទេនាង ហើយខ្ញុំមិនបន្ទោសនាងទេ ព្រោះប្រុសម្នាក់នេះខ្ញុំស្គាល់ចរិតច្បាស់ហ៊ានអះអាងណាស់ តែបើនាងជាមនុស្សស្រីមានក្រមសីលធម៌ នាងក៏មិនត្រូវចូលមកពាក់ព័ន្ធក្នុងកំឡុងពេលដែលមានបញ្ហាមិនទាន់បានលែងលះ មិនទាន់ចេញសាលក្រមដែរនាង ហើយខ្ញុំក៏មិនដែលចង់បានមនុស្សម្នាក់នឹងមកវិញដែរ សំខាន់ដោះស្រាយបញ្ចប់អោយខ្ញុំ ដែលបានសន្យា ហើយខ្ញុំទុកពេលអោយរយៈមួយឆ្នាំនេះហើយ នៅតែមិនបញ្ចប់ដោយរកលះគ្រប់យ៉ាង ។
យ៉ាងណាមិញ ជុំវិញការលើកឡើងរបស់អ្នកនាង ឈិន សុធារី ដែលចង់ប្តឹងស្ត្រីដែលអះអាងថា ជាប្រពន្ធដើមនោះ ស្ត្រីខាងលើក៏បានបង្ហោះសារឆ្លើយតបវិញថា «ខ្ញុំភ័យណាស់នាងអើយខ្លាចចូលគុក ព្រោះគ្មានលុយតបទៅនាង គ្មានភស្តុតាង ។ ខ្ញុំស្វាគមន៍ណានាង ជនរងគ្រោះ អ៊ីចឹងរាល់ថ្ងៃនឹងអត់បានទាក់ទងគ្នាមែនទេនាង ខ្ញុំគ្មានលុយសូម្បីតែប្តឹងនាងនិងប្តីដែលជាសាហាយស្មន់គ្នា ព្រោះខ្ញុំក្រគ្មានខ្សែដូចនាង ភ័យណាស់»។
ស្ត្រីខាងលើនេះក៏បានបន្ថែមថា សូមជំរាបទៅនាង ឈិន ចាន់សុធារី ខ្ញុំមិនខ្លាចទទួលការពិតទេនាង ហើយចង់យ៉ាងមិចខ្ញុំស្វាគមន៍ណា អរគុណបញ្ហាគ្រប់យ៉ាងដែលចូលមកក្នុងជីវិតខ្ញុំ ហើយខ្ញុំជឿជាក់លើច្បាប់ និងអំពើល្អផលបុណ្យដែរបានសាង នឹងទាមទាររកយុត្តិធម៌ មកអោយខ្ញុំនិងកូន ខ្ញុំស្វាមគមន៍ចំពោះសាហាយស្មន់ទាំងពីរ »។
ចំណែកបុរសដែលត្រូវបានចោទប្រកាន់ថា មានទំនាក់ទំនងជាមួយ ឈិន សុធារី ដែលមានឈ្មោះគណនីហ្វេសប៊ុកថា Keo Piseth ក៏បានបង្ហោះសារបកស្រាយពីបញ្ហាខាងលើនេះ ក្នុងនោះក្រៅពីការបកស្រាយពីការកាត់ផ្តាច់ចំណងជាប្តីប្រពន្ធជាស្ត្រីខាលើនេះ បុរសរូបនេះក៏បានបញ្ជាក់ថា ពីទំនាក់ទំនងរវាងលោក និង ឈិន សុធារី ផងដែរ ។
លោកថា ម៉េចក៏ស្ត្រីជាប្រពន្ធមកមកបរិហារកេរ្ត៍រូបលោក និងអ្នកនាង សុធារីទៅវិញ? ការបញ្ចប់កិច្ចសន្យាមាត់ជាមួយគ្នារយៈពេលជិត៣ឆ្នាំហើយ ខ្ញុំទើបតែបានជួបអ្នកនាង សុធារី រយៈពេល១ឆ្នាំចុងក្រោយនេះទេ។ គាត់ជាអ្នករងគ្រោះមិនបានដឹងអ្វីទាល់តែសោះ មកចោទប្រកាន់គេឯង ហើយក៏បានជេរគេ ផុសបរិហាកេរ្តិ៍គាត់មិនពិត។ តាមពិតគាត់ គឺក៏ជាដៃគូររកស៊ីជាមួយខ្ញុំទេ ។
បើនិយាយពីការរាប់អាន គឺការពិត ខ្ញុំព្រមទទួលស្គាល់ថា ហាក់បីដូចជាសិទ្ធិស្នាលមែន តែបើចំពោះថារឿងស្នេហា គឺមើលគាត់ បើគាត់ល្អក៏គិតគូរថ្ងៃអនាគត បើមិនល្អក៏មិនយក ព្រោះដើម្បីកុំឲ្យខុសដូចអ្នកមុនទៀត។ ហើយអ្នកដែលមិនដឹងរឿង គឺឈប់តែស្ករទៅ ជាចុងក្រោយខ្ញុំបាទ សុំធ្វើការសុំទោសជាសាធារណៈទៅដល់អ្នកនាង សុធារី ដែលមិនធ្លាប់ពាក់ព័ន្ធរវាងខ្ញុំ និងអ្នកជាអតីតបន្តិចសោះ» ។
គួររំលឹកថា ៖ ស្ត្រីម្នាក់ចេញមុខចោទប្រកាន់ ឈិន សុធារី ដណ្តើមស្វាមីខ្លួន តែការពិតនោះ ៕
ចែករំលែកព័តមាននេះ