ខេត្តព្រះសីហនុ ៖ នាព្រឹកថ្ងៃទី១៧ ខែតុលា ឆ្នាំ២០២០ លោក គួច ចំរើន អភិបាលនៃគណៈអភិបាលខេត្តព្រះសីហនុ បានដឹកនាំមន្ត្រីជំនាញពាក់ព័ន្ធសហការជាមួយក្រុមហ៊ុនមួយ…
ខេត្តព្រះសីហនុ ៖ នាព្រឹកថ្ងៃទី១៧ ខែតុលា ឆ្នាំ២០២០ លោក គួច ចំរើន អភិបាលនៃគណៈអភិបាលខេត្តព្រះសីហនុ បានដឹកនាំមន្ត្រីជំនាញពាក់ព័ន្ធសហការជាមួយក្រុមហ៊ុនមួយ សម្រេចកាយផ្តាច់ខ្នងទំនប់ទី៣ របស់ក្រុមហ៊ុននោះ ដើម្បីឱ្យទឹកហូរបានលឿន រំដោះការជន់លិចក្រុមទី១០ និងក្រុមទី១១ ភូមិ១ សង្កាត់លេខ១ ក្រុងព្រះសីហនុ ដោយជំនន់ទឹកភ្លៀង បន្ទាប់ពីក្រុមហ៊ុនបានបើកទ្វារទឹកជាប្រចាំចំនួនពីរបីថ្ងៃជាប់គ្នា ដើម្បីរំដោះទឹកប៉ុន្តែមិនស្រក។
ដើម្បីបញ្ចៀសការលិចលង់ដោយជំនន់ទឹកភ្លៀងនៅទីតាំងខាងលើ ក្រៅពីបើកទ្វារទឹកជាប្រចាំចំនួនពីរបីថ្ងៃជាប់ ហើយទឹកនៅតែមិនស្រក កាលពីព្រឹកថ្ងៃទី១៧ ខែ តុលា ឆ្នាំ ២០២០ កន្លងទៅនេះ រដ្ឋបាលខេត្តព្រះសីហនុដឹកនាំដោយលោក គួច ចំរើន អភិបាល នៃគណៈអភិបាលខេត្តព្រះសីហនុ សហការជាមួយ ក្រុមការងារក្រុមហ៊ុន បានសម្រេចកាត់ផ្តាច់ខ្នងទំនប់ទី៣ និងបានធ្វើការចុះពិនិត្យទាំងព្រឹក ទាំងពេលរសៀល និងពេលយប់ដើម្បីឲ្យប្រាកដថាទឹកហូរបានលឿនបន្ទាប់ពីបានកាយផ្តាច់ខ្នងទំនប់ហើយ បញ្ចៀសផលប៉ះពាល់ពីតំបន់រងការលិចលង់ ដោយមិនមានពាក្យថានឿយហត់ទេ ដើម្បីក្ដីសុខរបស់ប្រជាជន ៕ (កែសម្រួលដោយ ៖ ធីតា)
ចែករំលែកព័តមាននេះ