ADផ្ទាំងផ្សព្វផ្សាយពាណិជ្ជកម្ម

ក្តុកក្តួលណាស់! ពៅ បញ្ញា​ពេជ្រ ៖ « ចង់​ដើរ​បាន​វិញ​ដូច​គេឯង »

2 ខែ មុន
  • Phnom Penh

រាជធានី​ភ្នំពេញ​៖ មហាជន​នៅចាំច្បាស់អតីតតារាចម្រៀងស្រីល្បីឈ្មោះ កញ្ញា ​ពៅ បញ្ញា​ពេជ្រ ដែល​ត្រូវ​បាន​រង​ការ​បាញ់ប្រហារដោយ​ខ្មាន់កាំភ្លើង​កាលពី ១៣​ឆ្នាំ​មុននៅខាងកើតផ្សារថ្មីពេលនាងកំពុងជាតារាចម្រៀងស្រីដ៏ល្បីឈ្មោះមួយដួងក្នុងពិភពសិល្បៈ គឺពេលនេះនាងកំពុងតស៊ូនឹងជីវិតនិងប្រឹងពង្រឹងស្មារតីឲ្យរឹងមាំផងដែរ ព្រោះក្រោយ រងការបាញ់ប្រហារដ៏ឃោរឃៅកណ្តាលថ្ងៃចេស…

រាជធានី​ភ្នំពេញ​៖ មហាជន​នៅចាំច្បាស់អតីតតារាចម្រៀងស្រីល្បីឈ្មោះ កញ្ញា ​ពៅ បញ្ញា​ពេជ្រ ដែល​ត្រូវ​បាន​រង​ការ​បាញ់ប្រហារដោយ​ខ្មាន់កាំភ្លើង​កាលពី ១៣​ឆ្នាំ​មុននៅខាងកើតផ្សារថ្មីពេលនាងកំពុងជាតារាចម្រៀងស្រីដ៏ល្បីឈ្មោះមួយដួងក្នុងពិភពសិល្បៈ គឺពេលនេះនាងកំពុងតស៊ូនឹងជីវិតនិងប្រឹងពង្រឹងស្មារតីឲ្យរឹងមាំផងដែរ ព្រោះក្រោយ រងការបាញ់ប្រហារដ៏ឃោរឃៅកណ្តាលថ្ងៃចេស បានបណ្តាលឲ្យស្រីស្រស់រូបនេះ ក្លាយជានារីម្នាក់ដែល​ត្រឹមតែ​អង្គុយ​នៅ​លើ​រទេះរុញរហូតមកដល់បច្ចុប្បន្ន ។

កន្លងមក ពៅ បញ្ញាពេជ្រ បានព្យាយាមបង្ហាញដល់មហាជននិងអ្នកគាំទ្ររូបនាងឲ្យបានឃើញពីការតស៊ូទាំងកម្លាំងចិត្ត កម្លាំងកាយ ប្រយុទ្ធដើម្បីរស់នៅបន្តទៀត ហើយនាងបានប្រឹងរកចំណូលដើម្បីផ្គត់ផ្គង់ជីវភាពតាមរយៈការលក់ឥវ៉ា់ន់អនឡាញ និងធ្វើការ Live វីដេអូពីប្រទេសថៃជារៀងរាល់ថ្ងៃដើម្បីលក់ខោអាវ និងវត្ថុប្រើប្រាស់ផ្សេងទៀត ។ កន្លងមកក្រុមគ្រួសាររបស់នាងបានបង្ហើបឲ្យដឹងនូវការលក់អស់ទ្រព្យសម្បត្តិដើម្បីសង្រ្គោះនិងព្យាបាលរូបនាងរហូតមក ។ ហើយជានិច្ចជាកាល កញ្ញា ពៅ បញ្ញាពេជ្រ តែងតែបង្ហាញនូវស្នាមញញឹម និងជូនកាលទៅច្រៀងលេងឲ្យអ្នកដែលចូលជាវឥវ៉ាន់របស់បានស្តាប់កំសាន្ត ដែលមើលទៅនាងហាក់រីករាយប្រសើរជាងមុន ។

ក៏ប៉ុន្តែ មិនមែនគ្រប់គ្នាសុទ្ធតែអាចធ្វើចិត្តនិងទទួលស្គាល់នូវជីវិតដែលមិនអាចដើរបានដោយខ្លួនឯងនោះទេ ហេតុដូច្នេះហើយទើបកាលពីថ្ងៃ​ទី ១៨ ខែតុលានេះ អតីត​តារាចម្រៀង​ស្រីដែលមានសម្លេងស្រទន់ ​រូប​នេះ បាន​បង្ហោះ​សារ​ធ្វើ​ឲ្យ​មហាជន​អ្នកគាំទ្រ និង​ជា​ពិសេស​អ្នកលេង​បណ្តាញ​សង្គម ហាក់ខ្លោចចិត្តអាណិតអាសូរ​ចំពោះ​រូប​នាង​យ៉ាង​ខ្លាំង ក្រោយ​ពី​ពៅ បញ្ញា​ពេជ្រ ពោល​ពាក្យថានាង​ចង់​ដើរ​ដូច​ដើម​វិញ ដោយ​មិន​ចាំបាច់​មាន​អ្នក​ចាំ​រុញ​ពីក្រោយ ។

​ពៅ បញ្ញាពេជ្រ បានសរសេរសារយ៉ាងខ្លី ដែលន័យពិតជាចាក់ដោតនិងក្តុកក្តួលបំផុតថា ​« ចង់​ដើរ​បាន​វិញ​ដូច​គេឯង ទៅ​ណា​មក​ណា​បាន​លឿន​» ។

យ៉ាងណាមិញ បន្ទាប់​ពី​ឃើញ​សារ​បែប​នេះ​រួច​មក បាន​ធ្វើ​អោយ​មហាជន​លើកទឹកចិត្ត​ទៅ​ដល់​រូប​នាង​យ៉ាង​ខ្លាំង និង​បាន​លើក​ឡើង​ថា បើ​ទោះបីជា​រូប​នាង​តែងតែ​បង្ហាញ​ពី​សកម្មភាព​ប្រចាំ​ថ្ងៃ​របស់​នាង នៅ​ក្នុង​ដំណើរ​កម្សាន្ត​ជា​ច្រើន​កន្លែង និង​ផ្តល់​ស្នាមញញឹម​ទៅ​ដល់​អ្នក​គ្រប់​គ្នា​ក៏​ដោយ ក៏​នាង​នៅ​តែ​មាន​អារម្មណ៍​អាកអន់ចិត្ត​ចំពោះ​ខ្លួនឯង ដែល​មិន​អាច​ដើរ​បាន​បែប​នេះ​។

គួរ​បញ្ជាក់​ផង​ដែរ​ថា បើ​ទោះបីជា​បាន​ត្រឹមតែ​អង្គុយ​នៅ​លើរ​ទះ​រុញ​ក៏​ដោយ ក៏​អតីត​តារាចម្រៀង​រូប​នេះ នៅ​តែ​ប្រើ​ជីវិត​ប្រចាំ​ថ្ងៃ​នៅ​លើ​បណ្តាញ​សង្គម​ហ្វេ​ស​ប៊ុ​ក​ជា​និច្ច តាម​រយៈ​ការ​លក់​សម្លៀក​បំពាក់​អន​ឡាញ ដើម្បី​ជិ​វិត​ប្រចាំ​ថ្ងៃ​អោយ​កាន់តែ​ស្រស់បំព្រង​ផង​ដែរ​ ៕