ជំនន់​ទឹកភ្លៀង​បង្ក​ផល​ប៉ះពាល់​ស្រុក​មួយ​ចំនួន​ក្នុង​ខេត្តកំពង់ធំ


ខេត្តកំពង់ធំ ៖ តាម​សេចក្ដីរាយការណ៍​បាន​ឲ្យ​ដឹង​ថា ក្នុង​រយៈពេល​២​ថ្ងៃ​គឺ​ថ្ងៃ​ទី​១៦ និង​១៧ ខែ​តុលា ឆ្នាំ​២០២០ ជំនន់​ទឹកភ្លៀង​បណ្តាល​ឱ្យ​ប៉ះពាល់​ស្រុក​មួយ​ចំនួន ក្នុង​នោះ​មាន ស្រុក​ស​ន្ទុ​ក
ប៉ះពាល់​ឃុំ​កំពង់ថ្ម បាក់​ស្រុត​ដី​ក្រោមផ្ទះ​១​ខ្នងបាក់​របង​៥០​ម៉ែត្រ លិច​បរិ​វណ​សាលា​១​កន្លែង​។

ស្រុក​ប្រាសាទ​បល្ល័ង្ក​ប៉ះពាល់​២​ឃុំ គឺ​ឃុំ​សា​គ្រាម និង​ឃុំ​ដូង លិច​ផ្លូវ​៣​ខ្សែ​ប្រវែង​៧៨១​ម៉ែត្រ លិច​ស្ពាន​៣​កន្លែង​ប្រវែង​៥៦៥​ម៉ែត្រ​។

ស្រុក​កំពង់ស្វាយ​ប៉ះពាល់​៣​ឃុំ គឺ​ឃុំ​កំពង់​គោ ឃុំ​សាន​គរ និង​ឃុំ​នី​ពេ​ជ លិច​ផ្លូវ​៥​ខ្សែ​ប្រវែង​៥២០​ម៉ែត្រ លិច​ក្រោមផ្ទះ និង​លិច​បរិ​វេ​ណ​សាលា​២​កន្លែង ។

ស្រុក​តាំងគោក​ប៉ះពាល់​៣​ឃុំ លិច​ផ្លូវ​៣​ខ្សែប្រវែង​៣៥០​ម៉ែត្រ លិច​បរិវេណ​ក្រោមផ្ទះ​៧៥​ខ្នង ។
ស្រុក​បារាយណ៍​ប៉ះពាល់​១​ឃុំ លិច​ផ្លូវ​១​ខ្សែ​ប្រវែង​៦០​ម៉ែត្រ លិច​ស្រូវ​វស្សា​និង​ស្រូវប្រាំង​២៩៣,៥៤​ហិ​កតា ។ ស្រុក​ស្ទោង លិច​កំណាត់​ផ្លូវជាតិ​លេខ​៦ លិច​ផ្លូវលំ លិច​បរិវេណ​ផ្ទះ​ពលរដ្ឋ និង​សាលារៀន​មួយ​ចំនួន ។

លោក យូ ឡា ប្រធាន​មន្ទីរ​ធនធានទឹក​និង​ឧតុនិយម​ខេត្ត បាន​ឲ្យ​ដឹង​ថា នៅ​ព្រឹក​ថ្ងៃ​ទី​១៨ ខែ​តុលា ឆ្នាំ​២០២០ ទឹកស្ទឹង​សែន​នៅ​ស្ថានី​យ​កំពង់ធំ​មាន​កម្ពស់​១៣,១៤​ម៉ែត្រ ហើយ​ចំណុច​ប្រកាស​អាសន្ន​គឺ​១៣,៥០​ម៉ែត្រ ។

ស្ថិត​ក្នុង​គ្រោះ​ជំនន់​ទឹកភ្លៀង​នេះ អាជ្ញាធរ​ខេត្ត​បាន​ចេញ​សេចក្តី​ប្រកាស​ដល់​បងប្អូន​ប្រជាពលរដ្ឋ សូម​ប្រុង​ប្រយ័ត្ន​ឲ្យ​បាន​ខ្ពស់​បំផុត ចំពោះ​គ្រោះ​ទឹកជំនន់ ខ្យល់ព្យុះ ដែល​ធ្វើ​ឲ្យ​ទឹកនឹង​ហក់​ឡើង​ជា​បន្តបន្ទាប់ ។ ឪពុក​ម្តាយ​ដែល​មានកូន​តូច​ៗ ត្រូវ​ប្រុង​ប្រយ័ត្ន​ឲ្យ​បាន​ខ្ពស់ ឲ្យ​កូនចៅ​ស្ថិត​ក្នុង​​ក្រសែភ្នែក​របស់​លោក​អ្នកជា​និច្ច ។

ឯកឧត្តម សុខ លូ អភិបាលខេត្ត ព្រមទាំង​សហការី និង​លោក​ឧត្តមសេនីយ៍ទោ សោម ស៊ុន មេ​បញ្ជាការ​តំបន់​ប្រតិបត្តិការ​សឹក​រង​កំពង់ធំ ក៏​បាន​នាំ​យក​អំណោយ​មួយ​ចំនួន​ទៅ​ផ្តល់​ជូន​ដល់​បងប្អូន​ប្រជាពលរដ្ឋ​ដែល​រង​ការ​ប៉ះពាល់​ដោយ​សារ​ជំនន់​ទឹកភ្លៀង​នេះ​ដែរ ដើម្បី​ជួយ​សម្រាល​បន្ទុក​ដោះស្រាយ​ជីវភាព​ក្នុង​គ្រា​លំបាក​នេះ ៕

Facebook Google Twitter Email

Live

Sponsored News

១១:២៩ | ក្នុងស្រុក

ក្រុមហ៊ុន KB Kookmin Card និង ធនាគារឯកទេស ខេប៊ី ដេហាន ម.ក ឧបត្ថម្ភថវិកាចំនួន ១០ម៉ឺនដុល្លារ ដើម្បីផ្ដល់អាហារូបករណ៍ និងគាំទ្រគម្រោងកែលម្អហេដ្ឋារចនាសម្ព័ន្ធក្នុងខេត្តកំពង់ធំ

ការស្ទង់មតិគេហទំព័រថ្មី




សូម​អរគុណ