រាជធានីភ្នំពេញ ៖ តារាចម្រៀងស្រី ដែលមានរហស្សនាមថា ស៊ិចស៊ីគ្រប់ពេលនោះ អ្នកនាងឆៃលី ដាឡែន បានធ្វើអោយមហាជនមានស្រងាត់ចិត្តមែនទែន ក្រោយរូបនាង បង្ហាញពីអារម្មណ៍ពិតមួយទៅកាន់កំពូលតារាចម្រៀងស្រី…
រាជធានីភ្នំពេញ ៖ តារាចម្រៀងស្រី ដែលមានរហស្សនាមថា ស៊ិចស៊ីគ្រប់ពេលនោះ អ្នកនាងឆៃលី ដាឡែន បានធ្វើអោយមហាជនមានស្រងាត់ចិត្តមែនទែន ក្រោយរូបនាង បង្ហាញពីអារម្មណ៍ពិតមួយទៅកាន់កំពូលតារាចម្រៀងស្រី មាស សុខសោភា ទៅកាន់មហាជនជាសាធារណៈ ។
ការទម្លាយពីអារម្មណ៍ពិតរបស់ ឆៃលី ដាឡែន ទៅកាន់តារាស្រីរូបនេះ ស្របពេលដែលអ្នកទាំង ២ បានចូលរួមនៅក្នុងកម្មវិធីតែមួយ ហើយក៏បានសរសើរពេញៗមាត់ពីចរិតខាងក្រៅ មិនចេះវាយឭកឆ្មើងឆ្មៃ ឃើញកន្លែងណាស្រែកហៅកន្លែងនោះថា « Good morning my love Meas Soksophea ស្រឡាញ់ណាស់ ទាំងសំឡេង ទាំងចរិត មិនចេះឆ្មើងឆ្មៃ ឃើញកន្លែងណាក៏ដោយនិយាយពីស្រែកហៅ រួសរាយណាស់ នេះបានស័ក្ដិសមជាកំពូលតារាចម្រៀងល្បីមែន »។
មិនត្រឹមតែប៉ុណ្ណោះ អ្នកមេម៉ាយស្រីរូបស្រស់ អ្នកនាង ឆៃលី ដាឡែន ក៏បានឆ្លៀតទម្លាយអត្តចរិយារបស់អ្នកសិល្បៈមួយចំនួនទៀត មិនដូច តារាចម្រៀងស្រី មាស សុខសោភាថា « មិនដូចតារាមួយចំនួនតូច ដែលទើបចេញក្បាលមក ហើយមិនមែនល្បីក្នុងវិស័យសិល្បៈទេ តែម៉ែអើយនិយាយខ្មើត ពើងទ្រូង កើតបូសក្លៀក ហើយនិយាយពីអួតអើយអួត តែបើសមត្ថភាពដូចគ្មានទេ (សុំទោសណាខ្ញុំមិនបាននិយាយប៉ះពាល់អ្នកណាទេ តែបើមានខ្លួនទទួលយកចុះ)» ។
យ៉ាងណាមិញ បន្ទាប់ពីអ្នកនាង ឆៃលី ដាឡែន បានលើកឡើងបែបនេះមក ក៏នាងមិនបានបង្ហើបអោយដឹងថា ជាអ្នកសិល្បៈមួយរូបណានោះឡើយ បើទោះបីជាមានអ្នកខមមិនសួរនាំនាងជាច្រើន តាមរយៈការបង្ហោះនៅក្នុងបណ្តាញសង្គមហ្វេសប៊ុក កាលពីម្សិលមិញនេះក៏ដោយ ។
គួរបញ្ចាក់ផងដែរថា នៅក្នុងសង្គមសិល្បៈតែងតែមានរឿងបែបនេះកន្លងមក ដែលបានលេចពាក្យចចាមអារ៉ាមជារឿយៗពីមហាជន ចំពោះអ្នកសិល្បៈមួយចំនួនតូចពេលជួបមិនញញឹមញញែម មិនរួសរាយរាក់ទាក់ ល្អតែនៅក្នុង សិល្បៈតែប៉ុណ្ណោះ ៕
ចែករំលែកព័តមាននេះ