វិធីសាស្ត្រលេបថ្នាំល្វីងបានដោយជោគជ័យ
ពុំមានមនុស្សណាម្នាក់ចូលចិត្តលេបថ្នាំឡើយហើយបើរស់ជាតិវាល្វីងទៀតនោះគឺកាន់តែជំរុញឱ្យមានការស្អប់ថ្នាំកាន់តែខ្លាំង ។ ប៉ុន្តែទោះបីជាយ៉ាងណាការលេបថ្នាំក៏ពុំអាចចៀសផុតបាន
ពុំមានមនុស្សណាម្នាក់ចូលចិត្តលេបថ្នាំឡើយហើយបើរស់ជាតិវាល្វីងទៀតនោះគឺកាន់តែជំរុញឱ្យមានការស្អប់ថ្នាំកាន់តែខ្លាំង ។ ប៉ុន្តែទោះបីជាយ៉ាងណាការលេបថ្នាំក៏ពុំអាចចៀសផុតបាន
ពុំមានមនុស្សណាម្នាក់ចូលចិត្តលេបថ្នាំឡើយហើយបើរស់ជាតិវាល្វីងទៀតនោះគឺកាន់តែជំរុញឱ្យមានការស្អប់ថ្នាំកាន់តែខ្លាំង ។ ប៉ុន្តែទោះបីជាយ៉ាងណាការលេបថ្នាំក៏ពុំអាចចៀសផុតបានឡើយប្រសិនបើជាអ្នកមានជំងឺមកយាយី ។ ដូច្នេះកោះសន្ដិភាពសូមណែនាំពីវិធីស្រួលលេបថ្នាំល្វីងតទៅ ៖
ក-ការលេបជាមួយចាហួយឬទឹកឃ្មុំ
ប្រសិនបើជាការប្រើឱសថបញ្ជាក់ថាអាចលេបវាជាមួយអាហារបាននោះអ្នកធ្វើឱ្យស្រាលរសជាតិល្វីងដោយការកិនថ្នាំដាក់ទៅក្នុងពែងចាហ៊ួយឬទឹកឃ្មុំជាការស្រេច ។ រសជាតិផ្អែមរបស់អាហារនឹងជួយបំបែកជាតិល្វីងរបស់ថ្នាំគ្រាប់នោះបានមួយចំណែកធំ ។
ខ-ការលេបជាមួយទឹកដោះគោ ឬទឹកក្រូច
-លេបថ្នាំមួយដងជាមួយនឹងទឹកដោះគោមួយកែវនោះវានឹងអាចកាត់បន្ថយឬបំបែកជាតិល្វីងរបស់ថ្នាំបានយ៉ាងច្រើន ។
-ព្យាយាមញ៉ាំនិងបៀមទឹកក្រូចបន្តិចក្នុងមាត់មុននឹងអ្នកលេបថ្នាំ ធ្វើបែបនេះគួរតែអាចធ្វើឱ្យថ្នាំមានរសជាតិល្វីងកាន់តែតិច ។ ត្រូវប្រុងប្រយ័ត្ននិងដឹងថាមានថ្នាំខ្លះមិនអាចលេបជាមួយទឹកក្រូចបានឡើយឧទាហរណ៍(ទឹកក្រូចថ្លុង) ។ ដូច្នេះលោកអ្នកគួរពិគ្រោះយោបល់ជាមួយឱសថការី-ការិនី មុននឹងប្រើប្រាស់វិធីនេះ ។
គ-ការជួយលក្ខណៈទូទៅ
-ព្យាយាមបិទច្រមុះអ្នកនៅពេលលេបថ្នាំចូល ។ ព្រោះក្រពេញនៃឃានវិញ្ញាណរបស់អ្នកនិងរសជាតិដែលពន្លកចេញនោះ(ល្វីង)នឹងធ្វើការជាមួយគ្នាដូច្នេះការអនុវត្តបែបនេះនឹងជួយដល់ការបិទបាំងរសជាតិថ្នាំដែលអ្នកទទួលទាននោះមិនខាន ។
-ព្យាយាមដាក់គ្រាប់ថ្នាំ ថ្នាំរាវ ឬជាតិអន្ធិលៗឱ្យចូលជ្រៅពីក្នុងមាត់តាមដែលអាចធ្វើទៅបានចៀសវាងដាក់លើអណ្ដាតហើយលេប ។ ប្រសិនបើអ្នកដាក់វាចូលមាត់មិនប៉ះនឹងចុងអណ្ដាតនោះវានឹងមិនមានរសជាតិអ្វីឡើយ ។
-សម្អាតឬដុសធ្មេញអ្នកបន្ទាប់ពីលេបថ្នាំរួច ។
-លេបវាឱ្យបានលឿនតាមដែលអាចធ្វើទៅបានដើម្បីចៀសវាងការឈ្លក់ឬស្លាក់ថ្នាំ ។
-ប្រសិនជាអ្នកពុំបានអនុវត្តតាមចំណុចទាំងអម្បាលមាណនេះទេចូរតាំងចិត្តឱ្យក្លាហាននិងរីករាយហើយលេបវាចូលភ្លាមជាការស្រេច ។
*ចំណាំ
-មិនត្រូវលេបថ្នាំដែលពុំមានវេជ្ជបញ្ជាឡើយ។
-ប្រសិនជាអ្នកចង់ប្រើវិធីសាស្ត្រខាងលើនេះត្រូវសួរយោបល់ពីវេជ្ជបណ្ឌិតជាមុនសិន ៕
ចែករំលែកព័តមាននេះ