រាជធានីភ្នំពេញ ៖ រថយន្តពាក់ស្លាកលេខនគរបាលបានបុកម៉ូតូមួយគ្រឿងអូសប្រមាណជាជិត១០ម៉ែត្រ បណ្តាលឲ្យនារី៣នាក់រងរបួសធ្ងន់ស្រាល។ ហេតុការណ៍នេះកើតឡើងកាលពីវេលាម៉ោង១០និង១៥នាទីយប់ ថ្ងៃទី០៤ ខែតុលា ឆ្នាំ២០២០ ស្ថិតនៅតាមបណ្តោយផ្លូវសហព័ន្ធរុស្សី កែងផ្លូវណតប្រ៊ីត…
រាជធានីភ្នំពេញ ៖ រថយន្តពាក់ស្លាកលេខនគរបាលបានបុកម៉ូតូមួយគ្រឿងអូសប្រមាណជាជិត១០ម៉ែត្រ បណ្តាលឲ្យនារី៣នាក់រងរបួសធ្ងន់ស្រាល។ ហេតុការណ៍នេះកើតឡើងកាលពីវេលាម៉ោង១០និង១៥នាទីយប់ ថ្ងៃទី០៤ ខែតុលា ឆ្នាំ២០២០ ស្ថិតនៅតាមបណ្តោយផ្លូវសហព័ន្ធរុស្សី កែងផ្លូវណតប្រ៊ីត សង្កាត់អូបែកក្អម ខណ្ឌសែនសុខ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញនារី៣នាក់ជិះម៉ូតូម៉ាកZoomer-X មួយគ្រឿងពណ៌ស ពាក់ស្លាកលេខកំពង់ចាម 1R-9995 បើកតាមបណ្តោយផ្លូវហាណូយទិសដៅពីជើងទៅត្បូងបម្រុងបត់ទៅកើតស្រាប់តែមានរថយន្តកាមរីឆ្លាម ពណ៌ខ្មៅមួយគ្រឿង ដាក់ឡូហ្គោនាយកដ្ឋាននគរបាលព្រហ្មទណ្ឌ ពាក់ស្លាកលេខ នគរបាល 2-1970 បើកតាមបណ្តោយផ្លូវសហព័ន្ធរុស្សីទិសដៅពីលិចទៅកើតក្នុងល្បឿនលឿនវាក់ចាប់ហ្វ្រាំងមិនទាន់ក៏ជ្រុលទៅបុកម៉ូតូខាងលើបណ្តាលឲ្យនារី៣នាក់រងរបួសធ្ងន់ស្រាលត្រូវបានរថយន្តដឹកយកទៅសង្គ្រោះបន្ទាន់នៅមន្ទីរពេទ្យ។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់ទីតាំងកើតហេតុឃើញថា មានអ្នករងរបួសច្រើននាក់ពេកក៏បានទាក់ទងបន្តទៅកាន់សមត្ថកិច្ចជំនាញឲ្យមកវាស់វែងយករថយន្ត និងម៉ូតូយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញដើម្បីរង់ចាំដោះស្រាយទៅតាមនិតិវិធី៕ ដោយ ៖ យឹម ឈឿន
ចែករំលែកព័តមាននេះ