ទៅពិនិត្យផ្ទាល់នៅទីតាំងដីព្រៃមួយកន្លែងដែលត្រូវគេឈូសយករាប់រយហិកតា
- មណ្ឌលគិរី
ខេត្តមណ្ឌលគិរី ៖ ទីបំផុត គណៈកម្មធិការថ្នាក់ជាតិ ដែលដឹកនាំដោយលោក ហ៊ូ សាគុណ និងលោកហុង វិណុល បានចុះទៅត្រួតពិនិត្យដីព្រៃមួយកន្លែង…
ខេត្តមណ្ឌលគិរី ៖ ទីបំផុត គណៈកម្មធិការថ្នាក់ជាតិ ដែលដឹកនាំដោយលោក ហ៊ូ សាគុណ និងលោកហុង វិណុល បានចុះទៅត្រួតពិនិត្យដីព្រៃមួយកន្លែង…
ខេត្តមណ្ឌលគិរី ៖ ទីបំផុត គណៈកម្មធិការថ្នាក់ជាតិ ដែលដឹកនាំដោយលោក ហ៊ូ សាគុណ និងលោកហុង វិណុល បានចុះទៅត្រួតពិនិត្យដីព្រៃមួយកន្លែង ដែលត្រូវគេ
ឈូសឆាយរាប់រយហិកតា នៅចំណុចភ្នំក្បាលខ្មោច ជិតព្រំដែនកម្ពុជា-វៀតណាមស្ថិត ក្នុងភូមិពូឆប ឃុំដាក់ដាំ ស្រុកអូររាំង ខេត្តមណ្ឌលគិរី ក្រោយឃាត់ខ្លួនមនុស្សមួយចំនួនដាក់ពន្ឋនាគារ ដែលជាប់ពាក់ព័ន្ឋករណីរុនរានដីព្រៃយកជាកម្មសិទ្ឋផ្ទាល់ខ្លួន។
ជាក់ស្តែង នៅព្រឹកថ្ងៃទី៣០ កញ្ញា នេះ កម្លាំងសមត្ថកិច្ចចម្រុះប្រមាណជាង១០០នាក់ ត្រូវបានគេមើលឃើញថា បានបើកប្រតិបត្តិការដ៏ធំប្រើប្រាស់រថយន្តរាប់សិបគ្រឿង ចុះទៅកន្លែងកើតមានករណីរុករានដីព្រៃរបស់រដ្ឋដ៏ធំសម្បើម។ប៉ុន្តែជាការសោកស្តាយអ្នកកាសែតមិនអាចទទួលព័ត៌មានលម្អិតក្នុងប្រតិបត្តិការនេះទេ ដ្បិតត្រូវសមត្ថកិច្ចហាមឃាត់ដាច់ខាតមិនឲ្យចូលទៅទីតាំងនោះឡើយ។
បើតាមព័ត៌មានដែលកោះសន្តិភាពទទួលបានក្រៅផ្លូវការថា ទីតាំងដីខាងលើនោះ ម្ចាស់ដីដែលប្រើគ្រឿងចក្រធុនធំវាយព្រៃយកដី តាមខ្សែបន្ទាត់ព្រំដែន សុទ្ធតែមានបុណ្យសក្តិធំៗក្នុងជួរកងកម្លាំង និងមានមន្ត្រីរដ្ឋាភិបាលខ្លះផង។
ប្រភពបន្តថា ដីព្រៃដែលរងការឈូសឆាយពីជនខិលខូចនេះ ជាដីព្រៃស្រោងមានដើមឈើធំៗ ភ្នំជាប់គ្នារដឹកទេសភាពស្អាតពេកក្រៃ មានសត្វព្រៃស្រែកយំទ្រហឹង ពិតជាអាសូរខ្លាំងណាស់។
គិតត្រឹមវេលាម៉ោង១១ព្រឹក ថ្ងៃទី៣០ កញ្ញា ២០២០ កោះសន្តិភាពមិនអាចសុំការបំភ្លឺបន្ថែមជុំវិញ ប្រតិបត្តិការរបស់ក្រុមការងារថ្នាក់ជាតិដែលចុះស្រាវជ្រាវ បទល្មើសធនធានធម្មជាតិ នៅចំនុចភ្នំក្បាលខ្មោចនោះបានទេ។ ជុំវិញបញ្ហាដីធ្លីដូចករណីខាងលើនេះដែរ ក្នុងខេត្តមណ្ឌលគិរីកំពុងមានរលកកម្តៅជាខ្លាំងក្នុងជួរមន្ត្រីរាជការខេត្ត ដោយមានមន្ត្រីខ្លះត្រូវជាប់ពាក្យបណ្តឹងនៅតុលាការ មន្ត្រីខ្លះត្រូវអស់តំណែង ខ្លះទៀតជាប់ គុក ព្រោះតែលោភលន់យកដីព្រៃ ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ