តារា​ហង្ស​មាស​មាន​ទឹកមាត់​លេប​ទៀត​ហើយ ក្រោយ​ល្បី​ថា មាន​អ្នកនិពន្ធ​ល្អ​ចូល​ពង្រឹង


រាជធានី​ភ្នំពេញ ៖ ស្រប​ពេល​ដែល​លោក ព្រាប សុវត្ថិ​បាន លាឈប់​ពី​ហង្ស​មាស គេ​ឃើញ​ថា ខាង​ផលិតកម្ម​ជើង​ខ្លាំង​នេះ បាន​ប្តូរ​យុទ្ធវិធី​ថ្មី​ទៀត ដោយ​សម្រេច​ទទួលយក​ឱកាស ដល់​អ្នក​និពន្ធ​បទ​ចម្រៀង​ជើង​ថ្មី​។ នេះ​ជា​ការ​ទម្លាយ​ឱ្យ​ដឹង​ប្រភព​មួយ​ក្រោយ​ពេល​ឆាប់​ៗ​នេះ​នឹង​មាន​អ្នកនិពន្ធ​មួយ​រូប​ចូល​បម្រើ​ការងារ​។

យ៉ាងណា មានការ​លើក​ឡើង​ថា អ្នកនិពន្ធ​បទ​ភ្លេង​មួយ ដែល​ចម្រាញ់​តារាចម្រៀង​មួយ​ចំនួន បាន​ចូល​ទៅ​កាន់​ផលិតកម្ម​ហង្ស​មាស​។ អ្នកនិពន្ធ​រូប​នោះ​ឈ្មោះ​នោះ គឺ លោក Tho Meet ដែល​បច្ចុប្បន្ន គឺជា​អ្នកនិពន្ធ​បទ​ភ្លេង​របស់​ផលិតកម្ម Galaxy ដែល​បាន​សាង​ស្នាដៃ តាម​រយៈ​បទ​ចម្រៀង​ជា​ច្រើន ដូច​ជា បទ «​កាក​សង្សារ​» «​ចង់​លក់​ផ្ទះ​ចោល​» និង​បទ «​ដណ្ដឹង​អូន​ទៅ​» ជាដើម​។

លោក Tho Meet ត្រូវ​បាន​ហង្ស​មាស សម្រេច​យកចិត្ត​ដោយ​ផ្តល់​សិទ្ធិ​អោយ​លោក​និពន្ធ​បទ​ចម្រៀង ដែល​រាល់​ថ្ងៃនេះ នៅ​ខ្វះ​អ្នកនិពន្ធ ខណៈ​មាន​អ្នកចម្រៀង​ច្រើន​ដួង​។ អ្នកនិពន្ធ​ខាងលើ​នេះ ត្រូវ​វ​គេ​លើក​ឡើង​ថា អាច​មាន​ចម្រៀង​ចាក់​ដោត ហើយ​ធ្វើ​អោយ​ផលិតកម្ម​ខាងលើ​ផ្ទុះ​ម្តង​ទៀត​។

លោក​Tho Meet គឺជា​អតីត​អ្នកនិពន្ធ​បទ​ភ្លេង​នៅ​ផលិតកម្ម​ថោ​ន និង​សាន់​ដេ មុន​មក​រួម ការងារ​ជាមួយ​លោក​យឹ​ម តា​ស្រង់ នៅ Galaxy ប្រមាណ​ជិត​១​ឆ្នាំ​នេះ​។ ប្រសិនបើ​អ្វី​ៗ​ដើរ ដូច​ការ បង្ហើប​​របស់​ប្រភព​កំបាំង​នោះ ហង្ស​មាស គឺជា​ផលិតកម្ម​ទី​៤​ហើយ សម្រាប់ Tho Meet នៅ​ក្នុង​សិល្បៈ​តែង​និពន្ធ​បទ​ភ្លេង​។ នេះ​ជា​ការ​បែកធ្លាយ ហើយ​ក៏​ដឹង​ថា តារា​មួយ​ចំនួន​ដឹង​រឿង​នេះ​ខ្លះ មានការ​រីករាយ ព្រោះ​ស្គាល់​ច្បាស់​ពី​លោក Tho Meet មាន​ទេព​កោសល្យ​បែប​ណា​។

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ