រាជធានីភ្នំពេញ ៖ គ្រោះថ្នាក់ចរាចរណ៍ទូទាំងប្រទេសរយៈពេល៣ថ្ងៃនៃបុណ្យភ្ជុំបិណ្ឌគិតពីថ្ងៃទី១៦ ដល់ថ្ងៃទី១៨ ខែកញ្ញា ឆ្នាំ២០២០ គឺកើតឡើង៣០លើក បណ្តាលឲ្យមនុស្សបាត់បង់ជីវិត១៥នាក់ និងរបួសធ្ងន់ស្រាល៦២នាក់ ។
អ្នកបាត់បង់ជីវិតសរុបទាំង១៥នាក់ ៖ ចំពោះម៉ូតូ (បាត់បង់ជីវិត១១នាក់ របួសធ្ងន់៣០នាក់ និងរបួសស្រាល១៤នាក់), រថយន្តតូច (បាត់បង់ជីវិតម្នាក់ របួសធ្ងន់៩នាក់ និងស្រាល៥នាក់), រីឯអ្នកថ្មើរជើង (បាត់បង់ជីវិត៣នាក់ របួសធ្ងន់២នាក់ និងរបួសស្រាលម្នាក់។
ចំពោះមូលហេតុនៃគ្រោះថ្នាក់ ៖ ល្បឿន១៥លើកបាត់បង់ជីវិត៨នាក់, មិនគោរពសិទ្ធិ៣លើក បាត់បង់ជីវិត១នាក់, មិនប្រកាន់ស្តាំ៧លើក បាត់បង់ជីវិត៣នាក់, ប្រជែងគ្រោះថ្នាក់១លើក, បត់មិនប្រយ័ត្ន១លើក បាត់បង់ជីវិត១នាក់, ស្រវឹង១លើក បាត់បង់ជីវិត១នាក់, ងងុយ២លើក បាត់បង់ជីវិត១នាក់។
គ្រោះថ្នាក់មិនពាក់មួកសុវត្ថិភាព ៖ អ្នកបើកបរបាត់បង់ជីវិត៣នាក់, របួសធ្ងន់១៣នាក់, របួសស្រាល៥នាក់, សរុប២១នាក់។ ចំណែកអ្នករួមដំណើរ ៖ របួសធ្ងន់១០នាក់, របួសស្រាល៧នាក់ សរុប១៧នាក់ ។ បណ្តាលឲ្យខូចខាតយាន ៖ ម៉ូតូ៣៤គ្រឿង, រថយន្តតូច១៦គ្រឿង, រថយន្តធំ១គ្រឿង, យានផ្សេងៗ៤គ្រឿង និងអ្នកថ្មើរជើង៦នាក់។
រីឯគ្រោះថ្នាក់ប៉ះទង្គិច ៖ ម៉ូតូនិងម៉ូតូ៨លើក បាត់បង់ជីវិត១នាក់,ម៉ូតូនិងរថយន្តតូច៨លើក បាត់បង់ជីវិត៤នាក់, ម៉ូតូនិងអ្នកថ្មើរជើង១លើក, ម៉ូតូដួលខ្លូនឯង១នាក់ បាត់បង់ជីវិត១នាក់, ម៉ូតូនិងផ្សេងៗ៥លើក បាត់បង់ជីវិត៥នាក់, រថយន្តតូចនិងរថយន្តតូច១លើក, រថយន្តតូចនិងអ្នកថ្មើរជើង៤លើក បាត់បង់ជីវិត២នាក់, រថយន្តតូចនិងផ្សេងៗ១លើក បាត់បង់ជីវិត១នាក់, រថយន្តធំនិងអ្នកថ្មើរជើង១លើក បាត់បង់ជីវិត១នាក់។
ដោយឡែក លទ្ធផលនៃត្រួតពិនិត្យមធ្យោបាយរយៈពេល១៨ថ្ងៃ គឺគិតពីថ្ងៃទី០១ដល់១៨ ខែកញ្ញា ឆ្នាំ២០២០ ៖ មធ្យោបាយចូលគោលដៅ១០១.៧៥៩គ្រឿង និងម៉ូតូ៧២.០០០គ្រឿង, មធ្យោបាយល្មើស១៣.៤៥០គ្រឿង និងម៉ូតូ៩.៤៩៨គ្រឿង, មធ្យោបាយពិន័យ១៣.៤៥០គ្រឿង និងម៉ូតូ៩.៤៩៨គ្រឿងផងដែរ ៕
ចែករំលែកព័តមាននេះ