ខេត្តរតនគិរី ៖ ជនសង្ស័យម្នាក់ត្រូវបានកម្លាំងកងរាជអាវុធហត្ថស្រុកកូនមុំធ្វើការឃាត់ខ្លួនបញ្ជូនទៅសាលាដំបូងខេត្ត ពីបទករណីរំលោភសេពសន្ថវៈបានសម្រេចលើក្មេងស្រីពិការភាព.គ ក្នុងគុម្ពចេក ។ ការឃាត់ខ្លួនជនសង្ស័យនោះ បន្ទាប់ពីមានបណ្តឹងផ្ទាល់មាត់របស់ម្តាយក្មេងស្រីរងគ្រោះភ្លាមៗ នៅព្រឹកថ្ងៃទី១៣ ខែកញ្ញា…
ខេត្តរតនគិរី ៖ ជនសង្ស័យម្នាក់ត្រូវបានកម្លាំងកងរាជអាវុធហត្ថស្រុកកូនមុំធ្វើការឃាត់ខ្លួនបញ្ជូនទៅសាលាដំបូងខេត្ត ពីបទករណីរំលោភសេពសន្ថវៈបានសម្រេចលើក្មេងស្រីពិការភាព.គ ក្នុងគុម្ពចេក ។
ការឃាត់ខ្លួនជនសង្ស័យនោះ បន្ទាប់ពីមានបណ្តឹងផ្ទាល់មាត់របស់ម្តាយក្មេងស្រីរងគ្រោះភ្លាមៗ នៅព្រឹកថ្ងៃទី១៣ ខែកញ្ញា ឆ្នាំ២០២០ ស្ថិត ឃុំសិរីមង្គល ស្រុកកូនមុំ ខេត្តរតនគិរី ។
យោងតាមការរៀបរាប់ពីម្តាយក្មេងស្រីរងគ្រោះប្រាប់សមត្ថកិច្ចថា ជនសង្ស័យបានធ្វើសកម្មភាពរំលោភសេពសន្ថវៈមកលើក្មេងស្រីរងគ្រោះ នៅវេលាម៉ោង១៥.០០នាទីថ្ងៃទី០៧ ខែកញ្ញា ឆ្នាំ២០២០ ត្រង់ចំនុចគុម្ពចេក ក្នុងការដ្ឋានទី០៦ ក្រុមហ៊ុនមួយ ស្ថិតក្នុងភូមិស្រែពកធំ ឃុំសិរីមង្គល ស្រុកកូនមុំ ខេត្តរតនគិរី ។
ប្រភពបន្តថា ជនសង្ស័យដែលកម្លាំកងរាជអាវុធហត្ថឃាត់ខ្លួននោះឈ្មោះ ព្រឹម អេន ហៅមើម អាយុ៦១ឆ្នាំ ជនជាតិខ្មែ មុខរបរកម្មករចំការចេកក្រុមហ៊ុនមួយ មានទីលំនៅបណ្តោះអាសន្ននៅភូមិឃុំកើតហេតុខាងលើ ។
ជនរងគ្រោះមានអាយុ១៩ឆ្នាំ ជាក្រមុំពិការភាព (គ)មានទីលំនៅបណ្តោះអាសន្ន ភូមិឃុំកើតហេតុខាងលើដែរ ។
ប្រភពពីសមត្ថកិច្ចថា ក្រោយពីទទួលបណ្តឹងផ្ទាល់មាត់ភ្លាមពីម្តាយជនរងគ្រោះ កម្លាំងជំនាញក៏បានចុះអន្តរាគមន៍ភ្លាមៗធ្វើការឃាត់ខ្លួនជនសង្ស័យមកកាន់អង្គភាពភ្លាមៗដែរនឹងបញ្ជូនទៅជំនាញកងរជអាវុធហត្ថខេត្ត កសាងសំណុំរឿងបញ្ជូនបន្តទៅសាលាដំបូងចាត់តាមនិតិវិធីច្បាប់៕
ចែករំលែកព័តមាននេះ