ជប៉ុនពេញនិយមត្រាំទឹកក្តៅព្យាបាលជំងឺនិងជម្រះបញ្ហាផ្លូវចិត្ត
ការសម្រាកលំហែកាយទេសចរណ៍ និងទស្សនាទេសភាពធម្មជាតិគឺជាទីពេញនិយមបំផុតរបស់ជនជាតិជប៉ុនដូចជាការត្រាំទឹកក្តៅ ឧណ្ហៗ ឬ «Onsen »ជាដើម ដោយទេសចរណ៍ប្រភេទ
ការសម្រាកលំហែកាយទេសចរណ៍ និងទស្សនាទេសភាពធម្មជាតិគឺជាទីពេញនិយមបំផុតរបស់ជនជាតិជប៉ុនដូចជាការត្រាំទឹកក្តៅ ឧណ្ហៗ ឬ «Onsen »ជាដើម ដោយទេសចរណ៍ប្រភេទ
ការសម្រាកលំហែកាយទេសចរណ៍ និងទស្សនាទេសភាពធម្មជាតិគឺជាទីពេញនិយមបំផុតរបស់ជនជាតិជប៉ុនដូចជាការត្រាំទឹកក្តៅ ឧណ្ហៗ ឬ «Onsen »ជាដើម ដោយទេសចរណ៍ប្រភេទនេះមានច្រើនរូបភាពទាំងការកម្សាន្តជាលក្ខណៈគ្រួសារ ជាមិត្តភក្តិ និងលក្ខណៈជាក្រុមនៅតាមក្រុមហ៊ុន ជារូបភាពទេសចរណ៍តាមទំនៀមទម្លាប់របស់ជនជាតិជប៉ុន ។
ទេសចរណ៍ប្រភេទ«Onsen» គឺជាជំនឿលក្ខណៈប្រពៃណី និងវប្បធម៌ ។ លើសពីនេះក៏នៅមានជំនឿជាច្រើនទៀតដូចជាពួកគេមានជំនឿថា ការត្រាំទឹករ៉ែខនិជ ទឹកក្តៅអាចជួយព្យាបាលជំងឺជាការលាងជម្រះរាងកាយ និងផ្លូវចិត្ត ។ ទីតាំងទេសចរណ៍កម្សាន្តប្រភេទ«Onsen» មានជាច្រើនប្រភេទ មានទាំងទីតាំងធំ ជាឧទ្យានកម្សាន្ត អាងសម្រាប់ជ្រើសរើសក្នុងការដេកត្រាំទឹកជាច្រើនកន្លែង ទាំងអាងតូចធំ ប្រភេទមានម្លប់ និងនៅទីវាល ។ ក្រៅពីនេះក៏នៅមានលក្ខណៈជាទីក្រុងនិងធម្មជាតិ ដោយភាគច្រើនបានចែកដាច់ដោយឡែកពីគ្នារវាងបុរស-ស្ត្រី ។
បច្ចុប្បន្នអាងត្រាំទឹកក្តៅ ឬរ៉ែខនិជ ភាគច្រើនមិនអនុញ្ញាតឱ្យអ្នកដែលមាន«ស្នាមសាក់» ចូល ប៉ុន្តែទីតាំងមួយចំនួនទៀតអនុញ្ញាតឱ្យចូល ដូច្នេះអតិថិជនបើចង់ចូលត្រូវសាកសួរជាមុនសិន រីឯឧបករណ៍នៅជាប់តាមខ្លួន មុនពេលចូលអាងទឹកត្រូវមានកន្សែងពោះគោ ប៉ុន្តែមិនអនុញ្ញាតឱ្យស្លៀកពាក់ឈុតហែលទឹក មានតែខោស្ល៊ីបទេ ។
វិធីសាស្ត្រក្នុងការប្រតិបត្តិ និងបម្រាមក្នុងពេលត្រាំទឹកមាន ៖
១-ត្រូវលាងសម្អាតខ្លួនប្រាណឱ្យបានស្អាត មុនពេលចុះទៅត្រាំទឹកក្តៅ ។
២-ហាមយកកន្សែងពោះគោ ដាក់ចូលក្នុងអាង និងហាមយកកន្សែង ឬវត្ថុផ្សេងទៅដាក់តម្កល់តាមកន្លែងដែលខ្លួនត្រូវការ ឬសម្គាល់ទុក ។
៣-ហាមយកទូរស័ព្ទ ឬម៉ាស៊ីនថតចូល ។
៤-ហាមហែល ឬប្រលែងលេងក្នុងអាងទឹក ។
៥-ហាមត្រាំសក់ ឬលាងសក់នៅក្នុងអាង ។
៦-ហាមដុសធ្មេញ ឬខ្ពុរមាត់នៅក្នុងអាង និងនៅតាមផ្លូវដើរ ។
៧-ហាមនិយាយឮខ្លាំង ។
៨-ហាមដេកនៅតាមដងផ្លូវ និងនៅបន្ទប់ Sauna។
៩-ពេលងូតទឹកមិនត្រូវព្រួសទៅលើអ្នកជិតខាង។
១០-ក្រោយពេលត្រាំទឹករួច កុំចូលបន្ទប់ផ្លាស់សម្លៀកបំពាក់ទាំងដងខ្លួនទទឹកជោក ៕
ចែករំលែកព័តមាននេះ