ខេត្តមណ្ឌលគិរី ៖ ឈើខុសច្បាប់ជិត២០០ដុំត្រូវបានអាជ្ញាធរស្រុកកែវសីមារកឃើញនៅក្នុងដែនជម្រកការពារសត្វព្រៃកែវសីមា កាលពីល្ងាចថ្ងៃទី២៤ ខែសីហា ឆ្នាំ២០២០ នៅភ្នំគួស ស្ថិតក្នុងភូមិព្រះ ឃុំស្រែឈូក ស្រុកកែវសីមា…
ខេត្តមណ្ឌលគិរី ៖ ឈើខុសច្បាប់ជិត២០០ដុំត្រូវបានអាជ្ញាធរស្រុកកែវសីមារកឃើញនៅក្នុងដែនជម្រកការពារសត្វព្រៃកែវសីមា កាលពីល្ងាចថ្ងៃទី២៤ ខែសីហា ឆ្នាំ២០២០ នៅភ្នំគួស ស្ថិតក្នុងភូមិព្រះ ឃុំស្រែឈូក ស្រុកកែវសីមា ។
សេចក្តីរាយការណ៍បានឲ្យដឹងថា អាជ្ញាធរស្រុកកែវសីមាដឹកនាំដោយលោក យិន សុខឡេងអភិបាលរងស្រុក ដែលមាននគរបាលប៉ុស្តិ៍ស្រែឈូកសហការជាមួយកម្លាំងគណៈបញ្ជាការឯកភាពស្រុក បានចុះបង្ក្រាបនិងរកឃើញឈើខុសច្បាប់ចំនួន១៨០ដុំ ដែលជាប្រភេទកូនក្រឡឹង សុក្រំ និងផ្ចឹក នៅក្បែរក្រុមហ៊ុន អាន ជីង។
ក្រោយពីប្រទះឃើញ ឈើទាំងអស់នេះត្រូវបានមន្ត្រីជំនាញដឹកយកទៅរក្សាទុកនៅស្នាក់ការដែនជម្រកសត្វព្រៃកែវសីមា ។ជុំវិញការរកឃើញទីតាំងលាក់ឈើនៅក្នុងដែនជម្រកការពារសត្វព្រៃកែវសីមា ដែលមានលោក ព្រំ វិបុលរតនៈ ជានាយកគ្រប់គ្រង ត្រូវ
បានអ្នកតាមដានបញ្ហាបរិស្ថានលើកឡើងថា សព្វថ្ងៃជំនួញឈើខុសច្បាប់ក្នុងព្រៃការពារនេះបានកើតមានរាល់ថ្ងៃ ខណៈដើមឈើប្រណីតធំៗប្រភេទធ្នង់ បេង នាងនួន បានបាត់វត្តមានពីក្នុងព្រៃទាំងនេះ ពោលនៅមានសល់តែកូនតូចៗប៉ុណ្ណោះ ។
ក្រុមអ្នកតាមដានលើកឡើងទៀតថា កាលពី៥ឆ្នាំមុន នៅក្នុងព្រៃដែនជម្រកការពារសត្វព្រៃកែវសីមា សម្បូរខ្លាំងណាស់ដើមបេង ធ្នង់ នាងនួន ប៉ុន្តែបច្ចុប្បន្នដើមឈើប្រភេទអស់នេះមិនងាយប្រទះឃើញទេ ដ្បិតក្រុមឈ្មួញបានកាប់ដឹកជញ្ជួនយកទៅលក់នៅស្រុកយួនអស់ទៅហើយ ។ដោយសារតែលែងមានឈើប្រណីត ក្រុមឈ្មួញទុច្ចរិតបានងាកមកកាប់ឈើប្រភេទ សុក្រំ ផ្ចឹក កកោះ ស្រឡៅ វិញម្តងដើម្បីលក់ឲ្យថៅកែយួន ៕
ចែករំលែកព័តមាននេះ