ស្រុកស្ទឹងហាវ ៖ តំបន់ឆ្នេរជាប់ៗគ្នាចំនួន៥ នៅក្នុងឃុំកែងផុស ស្រុកស្ទឹងហាវ ខេត្តព្រះសីហនុ កំពុងត្រូវបានចាប់អារម្មណ៍ទៅលេងកំសាន្តក្នុងពេលឈប់សម្រាកនេះពីសំណាក់ភ្ញៀវជិតឆ្លាយផងដែរ។ បើគិតតាមប្រជាពលរដ្ឋដែលអញ្ជើញទៅលេងមានការចាប់អារម្មណ៍ថា មានខ្សាច់.ស ឆ្នេរស្អាត…
ស្រុកស្ទឹងហាវ ៖ តំបន់ឆ្នេរជាប់ៗគ្នាចំនួន៥ នៅក្នុងឃុំកែងផុស ស្រុកស្ទឹងហាវ ខេត្តព្រះសីហនុ កំពុងត្រូវបានចាប់អារម្មណ៍ទៅលេងកំសាន្តក្នុងពេលឈប់សម្រាកនេះពីសំណាក់ភ្ញៀវជិតឆ្លាយផងដែរ។
បើគិតតាមប្រជាពលរដ្ឋដែលអញ្ជើញទៅលេងមានការចាប់អារម្មណ៍ថា មានខ្សាច់.ស ឆ្នេរស្អាត អនាម័យ បរិស្ថានល្អ ជាពិសេសអាហារតាមបែបលក្ខណៈគ្រួសារងាយៗ ដោយភាគច្រើនរៀបចំពីផ្ទះយកទៅហូបលេងកំសាន្ត ឯខ្លះទៀតក៏បានជាវនៅកន្លែងនោះក្នុងតំលៃសរម្យ ផងដែរ។
តាមដែលពលរដ្ឋដែលទៅលេងតំបន់ឆ្នេរទាំងនោះតែងតែហៅថា «ឆ្នេរពយតាបារាំង» «ឆ្នេរ ពយយាយម៉ី» «ឆ្នេរ ពយតេជោ» «ឆ្នេរ ខ្សាច់សរ» និង«ឆ្នេរ ពយតាឈួន»។
តំបន់ឆ្នេរនេះ អាចចូលទៅកំសាន្តបាន ដោយធ្វើដំណើរមកពីភ្នំពេញតាមផ្លូវជាតិលេខ៤ រួចបត់ចូលតាមផ្លូវកំពង់ផែឧញ៉ាម៉ុង នៅចំណុចភូមិតា នៃទិសដៅពីខេត្តព្រះសីហនុ បន្ទាប់មកហួសទៅប្រជុំផ្សារវាលរេញ រួចចូលតាមផ្លូវសម្តេចសង្ឈរាជ្យ (វាលរេញ-ស្ទឹងហាវ) លុះមកដល់ចំណុចផ្លូវល្បឿនលឿនបត់ស្តាំទៀតនឹងទៅដល់តំបន់ឆ្នេរនោះមិនខានឡើយ៕
ចែករំលែកព័តមាននេះ