របកគំហើញវេជ្ជសាស្ត្រថ្មីធ្វើឡើងដោយអ្នកវិទ្យាសាស្ត្រអាមេរិកបានបង្ហាញថា ការបរិភោគមីជារឿយៗហាក់មិនផ្តល់អត្ថប្រយោជន៍ចំពោះសុខភាពនោះទេ ។ ផ្ទុយទៅវិញ វាបានបង្កើតឱ្យមានភាពវឹកវរដល់សុខភាពអ្នកបរិភោគច្រើនរាប់មិនអស់ ។
ការពិសោធបានរកឃើញថា បុគ្គលដែលបរិភោគមីស្រុស ២-៣ដងក្នុងមួយសប្តាហ៍ក្នុងនោះបូករួមទាំងមីជប៉ុន ឈ្មោះ Ramenផងដែរគឺង្កើនហានិភ័យកើតមានលក្ខខណ្ឌ Cardiometabolic Syndrome ក្នុងកម្រិតមួយគួរឱ្យព្រួយបារម្ភ ។ Cardiometabolic Syndrome គឺជាលក្ខខណ្ឌវេជ្ជសាស្ត្រមួយដែលអាចបណ្តាលឱ្យកើតមានជំងឺបេះដូង ជំងឺដាច់សរសៃឈាមខួរក្បាលនិងជំងឺទឹកនោមផ្អែម ។
ដូចជាអាហារកែច្នៃច្រើនប្រភេទទៀតដែរមីផ្ទុកយ៉ាងខ្ពស់នូវសារធាតុអំបិល ហើយការទទួលទានបណ្តាអាហារដែលសម្បូររ៉ែមួយនេះគឺអាចបង្កើនហានិភ័យពីជំងឺបេះដូងនិងដាច់សរសៃឈាមខួរក្បាល ។
មី ជាពិសេសគឺ មីរបស់ជប៉ុនឈ្មោះ Ramenដែលមានរសជាតិច្រើនមុខដូចជា រសជាតិសាច់មាន់ សាច់ជ្រូក សាច់គោនិងរសជាតិផ្សិតត្រូវបានបរិភោគយ៉ាងទូលំទូលាយក្នុងចំណោមប្រជាជាតិអាស៊ី ជាពិសេសក្នុងប្រទេសកូរ៉េខាងត្បូងដែលជាទីកន្លែងមានអ្នកនិយមចូលចិត្តមីខ្ពស់ជាងគេបំផុតក្នុងលោក ។ បច្ចុប្បន្ន ប្រជាជនក្នុងប្រទេសនេះកាន់តែច្រើនឡើងកើតមានបញ្ហាសុខភាព ក្នុងនោះ តួលេខអ្នកធាត់លើសទម្ងន់និងអ្នកជំងឺបេះដូងកើនឡើងយ៉ាងរហ័ស ។
ចុះផ្សាយក្នុងព្រឹត្តិបត្រ The Journal of Nutrition វេជ្ជបណ្ឌិត Hyun Joon Shinជាអ្នកដឹកនាំការស្រាវជ្រាវបានបញ្ជាក់ថា៖ «បណ្តាមីកំប៉ុងនិងកញ្ចប់គឺជាអាហារសម្រន់ដែលបំផ្លាញដល់សុខភាពបេះដូង ជាពិសេសគឺស្ត្រី។ សុខភាពបេះដូងស្ត្រីអាចនឹងមានបញ្ហា ប្រសិនជាគេទទួលទានមីស្រុសមួយចានរាល់ថ្ងៃ»។
កាលពីដើមឆ្នាំនេះ លោក Braden Kuoអ្នកឯកទេសខាងក្រពះពោះវៀនមន្ទីរពេទ្យ Massachusetts General Hospitalនៅក្រុងបូស្តុនសហរដ្ឋអាមេរិកបានពិសោធឃើញថា រាងកាយជួបការលំបាកខ្លាំងដើម្បីរំលាយមី នៅឆៅ ។ លោកថា មី ជាពិសេសមី Ramenមានដាក់សារធាតុគីមីឈ្មោះ Tertiary-butyl hydroquinone (TBHQ)គឺជាសារធាតុបន្ថែមពណ៌ឬរសជាតិទៅលើអាហារដែលជាផលិតផលសម្រេចរបស់ឧស្ម័នប៊ូតានប្រើក្នុងឧស្សាហកម្មប្រេងឥន្ទនៈ ។
ខាងក្រោមនេះជាគុណវិបត្តិមួយចំនួនទៀតរបស់មី ៖
១-ទប់ស្កាត់ការស្រូបយកសារធាតុចិញ្ចឹមសម្រាប់ក្មេងអាយុក្រោម៥ឆ្នាំ
២-សារធាតុក្នុងមីឈ្មោះ Styrofoamអាចបណ្តាលឱ្យកើតជំងឺមហារីក
៣-បរិភោគអំឡុងពពោះអាចបណ្តាលឱ្យកូនរលូត
៤-សម្បូរតែកាបូអុីដ្រាត ប៉ុន្តែគ្មាន វីតាមីន សារធាតុសរសៃ និងរ៉ែ
៥-ផ្ទុកសារធាតុបន្ថែមរសជាតិ ម៉ូណូសូដ្យូម គ្លុយតាម៉ាត ។ ការទទួលទានច្រើន សារធាតុនេះនឹងបណ្តាលឱ្យឈឺក្បាល រកកលចង់ក្អួត…។
៦-រំខានដល់ចលភាពពោះវៀន ប៉ះពាល់ការរំលាយអាហារ
៧-សារធាតុដែលរក្សាមីឱ្យមានសំណើមជាតិខ្លាញ់ Propylene Glycol អាចធ្វើឱ្យចុះខ្សោយប្រព័ន្ធការពាររាងកាយ …. ៕
ចែករំលែកព័តមាននេះ