ព្រះពុទ្ធសាសនាអប់រំមនុស្សឲ្យមានព្រហ្មវិហារធម៌ ចេះស្រឡាញ់រាប់អានគោរពគ្នាទៅវិញទៅមក ជាសាសនាសន្តិភាព ហើយអប់រំមនុស្សតាមបែបសន្តិភាព មិនមែនដោយអំពើហិង្សានោះឡើយ ។
ព្រោះថាពិភពលោកនេះពុំទាន់មានសន្តិភាពពិតប្រាកដទេ ដោយយើងពុំទាន់ធានាបាននូវសន្តិសុខ សុវត្ថិភាពបរិបូណ៌ឡើយ ។ សន្តិភាពទាល់តែប្រជាពលរដ្ឋយើងរស់នៅលែងភ័យខ្លាចទើបឈ្មោះថាយើងមានសន្តិភាព ។ ការបំភិតបំភ័យ ភេរវកម្ម ចោរកម្ម ឃាតកម្ម ភ័យនឹងមេរោគកូវីដជារៀងរាល់ថ្ងៃ និងអ្នកក្រភ័យព្រួយដោយគ្មានហូប ឯអ្នកមានភ័យខ្លាចចោរប្លន់ ។
បញ្ហាសន្តិភាពផ្លូវចិត្តសំខាន់ណាស់ កាលណាចិត្តស្ងប់ ធ្វើឲ្យបុគ្គលស្ងប់, កាលណាបុគ្គលស្ងប់ ធ្វើឱ្យគ្រួសារស្ងប់, កាលណាគ្រួសារស្ងប់ ធ្វើឱ្យស្រុកភូមិស្ងប់ គឺស្ងប់រហូតដល់ពិភពលោកទាំងមូល ប៉ុន្តែបច្ចុប្បន្នអសន្តិសុខព្រោះតែកូវីដ-១៩ ។ សាន សារិន
ចែករំលែកព័តមាននេះ