ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្ត សហការជាមួយកម្លាំងការិយាល័យ នគរបាលព្រហ្មទណ្ឌកំរិតធ្ងន់កម្លាំងអធិការដ្ឋាននគរបាលក្រុងសៀមរាប និងកម្លាំងនគរបាលប៉ុស្តិ៍រដ្ឋបាលសង្កាត់សាលាកំរើក និងកម្លាំងការិយាល័យនគរបាលចរាចរណ៍ខេត្ត បានចុះត្រួតច្បាប់ចរាចរណ៍តាមដងផ្លូវ និងពិនិត្យរដ្ឋបាលចំហរ នៅចំណុចបន្ទប់ជួល…
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្ត សហការជាមួយកម្លាំងការិយាល័យ នគរបាលព្រហ្មទណ្ឌកំរិតធ្ងន់កម្លាំងអធិការដ្ឋាននគរបាលក្រុងសៀមរាប និងកម្លាំងនគរបាលប៉ុស្តិ៍រដ្ឋបាលសង្កាត់សាលាកំរើក និងកម្លាំងការិយាល័យនគរបាលចរាចរណ៍ខេត្ត បានចុះត្រួតច្បាប់ចរាចរណ៍តាមដងផ្លូវ និងពិនិត្យរដ្ឋបាលចំហរ នៅចំណុចបន្ទប់ជួល រួចក៏ធ្វើការឃាត់ខ្លួនជនសង្ស័យប្រុស-ស្រី៣នាក់ ពីបទរក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន ២ទីតាំងផ្សេងគ្នា រួចយកមកសួរនាំនៅការិយាល័យជំនាញ ដើម្បីរៀបចំកសាងសំណុំរឿងបញ្ជូនខ្លួនបន្តទៅតុលាការខេត្ត ចាត់ការតាមនីតិវិធីច្បាប់។
ហេតុការណ៍ប្រតិបត្តិការណ៍ខាងលើនេះធ្វើឡើងរយៈពេល១ថ្ងៃ នៅទីតាំង២ផ្សេងគ្នា កាលពីថ្ងៃ៣១ ខែកក្កដា ឆ្នាំ២០២០ ស្ថិតនៅក្នុងក្រុងសៀមរាប។ ដោយជនសង្ស័យទី១-ឈ្មោះ វង់ ឌី ហៅ ប៊ី ភេទប្រុស មុខរបររត់ម៉ូតូឌុប ស្នាក់នៅភូមិវត្តដំណាក់ សង្កាត់សាលាកំរើក (រក្សាទុកជួញដូរ និងប្រើប្រាស់ និងមានសារធាតុញៀននៅក្នុងខ្លួន)។ ២-ឈ្មោះ រ៉ូយ ភីរុណ ហៅទូច ភេទប្រុស មុខរបររត់ម៉ូតូកង់បី ស្នាក់នៅភូមិត្រពាំងសេះ សង្កាត់គោកចក (រក្សាទុកជួញដូរ ចាត់ចែង និងប្រើប្រាស់ និងមានសារធាតុញៀននៅក្នុងខ្លួន)។ និង៣-ឈ្មោះ សុខ ស្រី ភេទស្រី មុខរបរម៉ាស្សា ស្នាក់នៅភូមិត្រៀក សង្កាត់សៀមរាប (ចាត់ចែង និងប្រើ ប្រាស់ និងមានសារធាតុញៀននៅក្នុងខ្លួន)។
ប្រភពដដែលបានបន្ថែមថា ចំណែកវត្ថុតាងដែលកម្លាំងសមត្ថកិច្ចដកហូតបានរួមមាន ៖ ម្សៅមេតំហ្វេតាមីនចំនួន៤១កញ្ចប់ ស្មើនឹងទំងន់១៤.៣ក្រាមទាំងសំបក, ទូរស័ព្ទដៃចំនួន៤គ្រឿង និងសម្ភារៈប្រើប្រាស់មួយចំនួនទៀត។
បច្ចុប្បន្នជនសង្ស័យប្រុស-ស្រី៣នាក់ រួមទាំងវត្ថុតាងត្រូវបានកម្លាំងការិយាល័យជំនាញរៀបចំកសាងសំណុំរឿងបញ្ជូននទៅសាលាដំបូងខេត្តសៀមរាប នាថ្ងៃទី០១ ខែសីហាដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ