សារព័ត៌មាន «មីរ័រ» ផ្សាយកាលពីពេល ថ្មីៗនេះថា នារីជាច្រើននាក់នៅប្រេស៊ីលបានប្រមូលផ្តុំគ្នាស្រាតសម្លៀកបំពាក់ សល់តែឈុតហែលទឹកក្នុងកិច្ចព្យាយាមទាមទារសិទ្ធិស្រាតបង្ហាញដើមទ្រូង
សារព័ត៌មាន «មីរ័រ» ផ្សាយកាលពីពេល ថ្មីៗនេះថា នារីជាច្រើននាក់នៅប្រេស៊ីលបានប្រមូលផ្តុំគ្នាស្រាតសម្លៀកបំពាក់ សល់តែឈុតហែលទឹកក្នុងកិច្ចព្យាយាមទាមទារសិទ្ធិស្រាតបង្ហាញដើមទ្រូងនៅលើឆ្នេរខ្សាច់ដែលស្ថិតក្រោមច្បាប់ហាមឃាត់ជាយូរមកហើយ ។
ច្បាប់របស់ប្រេស៊ីលកំណត់ថា ការស្រាតរបស់ស្ត្រីជាអំពើអាសអាភាស ដោយច្បាប់នេះចែងតាំងពីទសវត្ស១៩៤០ និងដាក់ទោសឱ្យជាប់គុក ឬពិន័យជាប្រាក់ ។ ទោះជាយ៉ាងណាក៏ដោយ ពលរដ្ឋទទួលស្គាល់ថា មិនមានការយកទោសពៃរ៍ឱ្យស្របតាមច្បាប់នោះជាញឹកញាប់ទេ ។
លោកស្រីអាណា ប៉ូឡា ណូហ្គូអេរ៉ា មេដឹកនាំក្រុមសកម្មជនសង្ឃឹមថា ការបំផុសចលនាលើកនេះនឹងជួយលើកស្ទួយពលរដ្ឋទូទៅឱ្យយល់ថា ការស្រាតគឺជារឿងធម្មតា ។ លោកស្រីអាណា បញ្ជាក់ថា «យើងមានជំនឿចិត្តថា ត្រូវចំណាយពេលមួយរយៈទៀត វាជាផ្នែកវប្បធម៌ ត្រូវអូសបន្លាយពេលដើម្បីផ្លាស់ប្តូរ ប៉ុន្តែមិនមែនជារឿងមួយដែលយើងត្រូវព្រងើយកន្តើយដោយគ្មានប្រតិបត្តិអ្វីទេ ។ ដូច្នេះទើបយើងព្យាយាមធ្វើឱ្យវាក្លាយជារឿងសប្បាយរីករាយ វាមិនមែនជាការតវ៉ាអ្វីឡើយ» ។
សកម្មជនទូទៅពេញចិត្តចំពោះការទទួលបានការគាំទ្រពីមហាជនទូទៅកាន់តែច្រើនបែបនេះ ។
នាងបាបារ៉ា កាល់ម៉ូ មេដឹកនាំសកម្មជនមួយរូបទៀតថ្លែងថា «នេះជាទីតាំងស្មើភាពត្រូវរួមគ្នា និងដោះអាវចេញបង្ហាញនូវបរិវេណដើមទ្រូង ។ នៅប្រេស៊ីលមានច្បាប់ហាមបង្ហាញសុដន់នៅតាមឆ្នេរខ្សាច់ ដោយខុសពីប្រទេសផ្សេងទៀតដែលមនុស្សមានសិទ្ធិសេរីភាពក្នុងការស្រាតសម្លៀកបំពាក់» ៕
ចែករំលែកព័តមាននេះ