គ្រាប់បាល់បញ្ចូលទីនៅលីគវៀតណាម កក្រើកដល់សារព័ត៌មានល្បីអេស្ប៉ាញ
ប្រទេសវៀតណាម ៖ គ្រាប់បាល់ទាត់ត្រឡប់ក្រោយ (Bicycle Kick) ដ៏គួរឱ្យភ្ញាក់ផ្អើលមួយនៅការប្រកួតលីគកំពូល V.League 1 ពីខ្សែប្រយុទ្ធប្រេស៊ីល Rodrigo…
ប្រទេសវៀតណាម ៖ គ្រាប់បាល់ទាត់ត្រឡប់ក្រោយ (Bicycle Kick) ដ៏គួរឱ្យភ្ញាក់ផ្អើលមួយនៅការប្រកួតលីគកំពូល V.League 1 ពីខ្សែប្រយុទ្ធប្រេស៊ីល Rodrigo…
ប្រទេសវៀតណាម ៖ គ្រាប់បាល់ទាត់ត្រឡប់ក្រោយ (Bicycle Kick) ដ៏គួរឱ្យភ្ញាក់ផ្អើលមួយនៅការប្រកួតលីគកំពូល V.League 1 ពីខ្សែប្រយុទ្ធប្រេស៊ីល Rodrigo Dias បានធ្វើឱ្យកក្រើកដល់សារព័ត៌មានល្បីរបស់អេស្ប៉ាញ។
គ្រាប់បាល់ដ៏អស្ចារ្យរបស់ខ្សែប្រយុទ្ធពាក់លេខ១១រូបនេះ រកបាននៅនាទី៦២ ក្នុងជំនួបដែលក្រុមរបស់គេ Quang Nam ប្រកួតតទល់ជាមួយក្រុមកំពូលតារាង Sai Gon កាលពីថ្ងៃសុក្រសប្តាហ៍មុន។ ខណៈក្រុមទាំងពីរបញ្ចប់ទៅដោយលទ្ធផល ៣-៣។ ហើយគ្រាប់បាល់នេះ ត្រូវបានអ្នកគាំទ្របាល់ទាត់វៀតណាម ប្រដូចទៅនឹងការស៊ុតរបស់ខ្សែប្រយុទ្ធឆ្នើម Ronaldinho របស់ក្រុម Barcelona ទល់នឹងក្រុម Villarreal កាលពីឆ្នាំ២០០៦។
កាសែតកីឡាដ៏ល្បីរបស់អេស្ប៉ាញ Marca បានសរសេរថា «ក្រឡេកមកមើលគ្រាប់បាល់របស់លីគវៀតណាម។ វាជាការបញ្ចប់ទីដ៏ល្អឥតខ្ចោះពីកីឡាករប្រេស៊ីល។ តើវាគឺជាគ្រាប់បាល់ដ៏អស្ចារ្យក្នុងប្រវត្តិសាស្ត្រ?»។ មិនខុសគ្នាកាសែតដ៏ល្បីល្បាញមួយទៀតគឺ AS បានហៅគ្រាប់បាល់នេះថា ជាគ្រាប់បាល់ដ៏ល្អឥតខ្ចោះ និងអស្ចារ្យ។ ចំណែកឯកាសែត Mundo Deportivo វិញថែមទាំងបានហៅគ្រាប់បាល់នេះ អាចប្រជែងឈ្នះពានរង្វាន់ Puskas របស់ FIFA ប្រចាំឆ្នាំថែមទៀតផង។
សូមជម្រាបជូនថា គិតត្រឹមសប្តាហ៍ទី១១ក្រុម Sai Gon កំពុងបន្តកាន់កាប់តំណែងកំពូលតារាង ដោយមាន២៣ពិន្ទុ ខណៈក្រុម Quang Nam ស្ថិតនៅបាតតារាងដោយមាន ៨ពិន្ទុ៕ (ដកស្រង់ចេញពី vnexpress)
ចែករំលែកព័តមាននេះ