ចូលរួម​អបអរ​! Xavi ជា​សះស្បើយ​ពី​កូ​វី​ដ​១៩​ហើយ


ប្រទេស​កា​តា ៖ Xavi បាន​បញ្ជាក់​កាលពី​ថ្ងៃ​ពុធ ទី​២៩ ខែកក្កដា​ថា លោក​បានជា​សះស្បើយ​ពី​វីរុស​កូ​វី​ដ​១៩ ហើយ​បាន​វិល​ត្រឡប់​ទៅ​ផ្ទះ​វិញ ដើម្បី​ត្រៀមខ្លួន​មក​បំពេញ​តួនាទី​ជា​គ្រូបង្វឹក​របស់​ក្រុម Al-Sadd វិញ​ក្នុង​ពេល​ឆាប់​ៗ​។

អតីត​ខ្សែបម្រើ​ឆ្នើម​របស់​ក្រុម Barcelona និង​ក្រុម​ជម្រើសជាតិ​អេ​ស្ប៉ា​ញ​រូប​នេះ បាន​សរសេរ​នៅ​លើ​បណ្តាញ​សង្គម Instagram របស់​ខ្លួន​ដោយ​ភ្ជាប់​ជាមួយ​រូបភាព​ពកូន​ស្រី​ថា «​អរគុណ​ច្រើន​ចំពោះ​សារ​ជូនពរ និង​យកចិត្តទុកដាក់ ដែល​ខ្ញុំ​បាន​ទទួល​ក្នុងអំឡុងពេល​ប៉ុន្មាន​ថ្ងៃនេះ​។ ខ្ញុំ​ចង់​ចែករំលែក​ជាមួយ​អ្នក​ទាំងអស់​គ្នា​ថា ខ្ញុំ​បានជា​សះស្បើយ ហើយ​ត្រឡប់​មក​ផ្ទះ​វិញ​ជាមួយ​ក្រុម​គ្រួសារ និង​ក្រុម Al-Sadd»​។

សូម​រំលឹក​ថា Xavi ដែល​ឈាន​ដល់​វ័យ ៤០​ឆ្នាំ ត្រូវ​បាន​ប្រកាស​កាលពី​ថ្ងៃ​សៅរ៍​ស​ប្តា​ហ៍​មុន​ថា បាន​ធ្វើតេស្ត​វិជ្ជមាន​លើ​វីរុស​នេះ បន្ទាប់​ពី​ទទួល​ការ​ត្រួតពិនិត្យ​ជា​ទៀងទាត់​ទៅ​លើ​កីឡាករ និង​បុគ្គលិក​នៅ​ក្នុង​ក្រប​ខណ្ឌ​លី​គ​កំពូល​របស់​ប្រទេស​កា​តា​។

សូម​បញ្ជាក់​ថា ប្រទេស​កា​តា​គិត​ត្រឹម​ព្រឹក​ថ្ងៃ​ទី​៣០ ខែកក្កដា​នេះ ត្រូវ​បាន​រាយការណ៍​ថា​មាន​អ្នក​ឆ្លង​វីរុស​កូ​វី​ដ​១៩​សរុប​ចំនួន ១១០,១៥៣​ករណី និង​មាន​អ្នក​ស្លាប់​សរុប ១៦៩​នាក់​ ដែល​មាន​ន័យ​ថា​ជា​ប្រទេស​មួយមាន​អត្រា​អ្នក​ស្លាប់​ ដោយសារ​វីរុស​ទាប​បំផុត​មួយ​នៅ​លើ​ពិភពលោក ខណៈ​អ្នកឆ្លង​រហូត​ដល់ ១០៦,៨៤៩​នាក់​បានជា​សះស្បើយ​ពី​វីរុស​នេះ​៕ (​ដកស្រង់​ចេញពី AFP)

Facebook Google Twitter Email

Live

Sponsored News

០៨:៤៦ | ក្នុងស្រុក

ក្រុមហ៊ុនបុត្រសម្ព័ន្ធ រ៉ូយ៉ាល់គ្រុប ទទួលស្វាគមន៍ទស្សនកិច្ចពិសេសរបស់ឯកឧត្តម ឧត្តមសេនីយ៍ឯក ហ៊ុន ម៉ាណែត សម្រាប់ដំណើរស្វែងយល់អំពីឌីជីថលនីយកម្ម និងបច្ចេកវិទ្យាបណ្តាញ 5G !

ការស្ទង់មតិគេហទំព័រថ្មី




សូម​អរគុណ