ADផ្ទាំងផ្សព្វផ្សាយពាណិជ្ជកម្ម

Picture

វិធី​ក្លាយ​ខ្លួន​ជា​អាជីវករ​ដែល​ជោគជ័យ​ក្នុង​ជំនាន់​កូ​វី​ដ ១៩

3 ឆ្នាំ មុន

ក្រៅពី​ពេល​មាន​សង្គ្រាម​ហើយ បច្ចុប្បន្ន​នេះ​ប្រៀប​បានជា​ពេល​ដែល​ពិបាក​បំផុត​សម្រាប់​ការ​ធ្វើ​ជា​អាជីវករ​មួយ​រូប​។ យ៉ាងណា​ក្តី មាន​អាជីវកម្ម​មួយ​ចំនួន​ដែល​មើលឃើញ​លទ្ធផល​ល្អ​ជាង​អាជីវកម្ម​ដទៃ​ទៀត​ក្នុង​កំឡុង​ពេ​លេ​នះ ជា​ពិសេស​អាជីវកម្ម​ដែល​ផ្តល់​នូវ​សេវា​ថ្មី​ៗ​ដូច​ជា​សេវា​ដឹក​ជញ្ជូន​ម្ហូបអាហារ និង​អាជីវកម្ម​ដែល​លក់​សម្ភារៈ​សំខាន់​ៗ​ដូច​ជា​អាល់កុល​លាងដៃ​និង​របាំងមុខ​ជាដើម​។ ដូច្នេះ​តើ​អាជីវករ​គួរ​ធ្វើ​យ៉ាងណា​ដើម្បី​ឆ្លង​ឲ្យ​ផុត​វិបត្តិ​ដ៏​ធំ​នេះ​ដោយ​ជោគជ័យ? ១. ផ្នត់គំនិតជាដំបូង អាជីវករ​ដែល​ព្យាយាម​គ្រប់គ្រង​អាជីវកម្ម​ក្នុង​កំឡុង​ពេល​នេះ​ត្រូវ​តែ​មាន​ផ្នត់គំនិត​វិជ្ជមាន​។…

ក្រៅពី​ពេល​មាន​សង្គ្រាម​ហើយ បច្ចុប្បន្ន​នេះ​ប្រៀប​បានជា​ពេល​ដែល​ពិបាក​បំផុត​សម្រាប់​ការ​ធ្វើ​ជា​អាជីវករ​មួយ​រូប​។ យ៉ាងណា​ក្តី មាន​អាជីវកម្ម​មួយ​ចំនួន​ដែល​មើលឃើញ​លទ្ធផល​ល្អ​ជាង​អាជីវកម្ម​ដទៃ​ទៀត​ក្នុង​កំឡុង​ពេ​លេ​នះ ជា​ពិសេស​អាជីវកម្ម​ដែល​ផ្តល់​នូវ​សេវា​ថ្មី​ៗ​ដូច​ជា​សេវា​ដឹក​ជញ្ជូន​ម្ហូបអាហារ និង​អាជីវកម្ម​ដែល​លក់​សម្ភារៈ​សំខាន់​ៗ​ដូច​ជា​អាល់កុល​លាងដៃ​និង​របាំងមុខ​ជាដើម​។ ដូច្នេះ​តើ​អាជីវករ​គួរ​ធ្វើ​យ៉ាងណា​ដើម្បី​ឆ្លង​ឲ្យ​ផុត​វិបត្តិ​ដ៏​ធំ​នេះ​ដោយ​ជោគជ័យ?

១. ផ្នត់គំនិត
ជាដំបូង អាជីវករ​ដែល​ព្យាយាម​គ្រប់គ្រង​អាជីវកម្ម​ក្នុង​កំឡុង​ពេល​នេះ​ត្រូវ​តែ​មាន​ផ្នត់គំនិត​វិជ្ជមាន​។ ព័ត៌មាន​លើ​ទូរទស្សន៍ និង​ប្រព័ន្ធ​សង្គម​ងាយ​នឹង​ធ្វើ​ឲ្យ​អ្នក​ទុទិដ្ឋិនិយម​ណាស់ ប៉ុន្តែ​អ្នក​មិន​ត្រូវ​ធ្លាក់ខ្លួន​ក្នុង​អន្ទាក់​នេះ​ឡើយ​។ ផ្ទុយ​មក​វិញ ផ្នត់គំនិត​វិជ្ជមាន​នឹង​ផ្តល់​នូវ​ភាព​ច្បាស់លាស់​ពី​អ្វី​ដែល​អ្នក​ត្រូវធ្វើ និង​អ្វី​ដែល​អ្នក​អាច​ធ្វើ​បាន​។ ភាព​ច្នៃប្រឌិត​ក៏​កើត​មាន​ឡើង​ពេល​ដែល​មនុស្ស​មាន​ផ្នត់គំនិត​ដូចនេះ​ដែរ​។

២. ការ​គិត​ទៅ​ថ្ងៃ​មុខ
ក្រៅពី​នេះ​ហើយ អាជីវករ​ត្រូវ​តែ​គិត​ទៅ​ថ្ងៃ​មុខ ជា​ពិសេស​ទាក់ទិន​នឹង​ទិស​ដៅ​នៃ​អាជីវកម្ម​របស់​អ្នក​ដើម្បី​ជួយ​ឲ្យ​អ្នក​ត្រៀមខ្លួន​នៅ​ពេល​ដែល​ស្ថាន​ការ​ល្អ​ដូច​ដើម​វិញ​។ ឧទាហរណ៍​ដូច​ជា អ្នក​គិត​ពី​រូបភាព​ក្នុង​កំឡុង​ពេល​៦​ខែ​ទៀត បន្ទាប់​មក​ព្យាយាម​រក​ធនធាន​ដែល​ជួយ​ឲ្យ​អ្នករក​ចំណូល​បាន​ច្រើន​នៅ​ពេល​នោះ​ជាដើម​។

៣. ការ​វាយតម្លៃ​ហានិភ័យ
ជា​ចុង​ក្រោយ អាជីវករ​ត្រូវ​តែ​មាន​ភាព​ក្លាហាន ហើយ​សមត្ថភាព​ក្នុង​ការ​វាយតម្លៃ​ហានិភ័យ​ប្រៀប​បានជា​គុណសម្បត្តិ​មួយ​ដែល​សហគ្រិន​គ្រប់​រូប​គួរតែ​មាន ជា​ពិសេស​ក្នុង​បរិស្ថាន​ដែល​ពោរពេញ​ទៅ​ដោយ​ភាព​មិន​ប្រាកដប្រជា​។ ប្រសិនបើ​អ្នកមាន​ភាព​ក្លាហាន​ក្នុង​ការ​សាកល្បង​អ្វី​ថ្មី​ក្នុង​កំឡុង​ពេល​នេះ អ្នក​ត្រូវ​តែ​ត្រៀមខ្លួន​សម្រាប់​ការ​ប្រឈម​មុខ​នឹង​ឧបសគ្គ​ជា​ច្រើន​ផង​ដែរ​។

ជាក់ស្តែង ក្រៅពី​ចំណុច​ទាំង​បី​ខាងលើ អាជីវករ​ក៏​ប្រហែលជា​ត្រូវការ​ថវិកា និង​ធនធាន​ផ្សេង​ៗ​ដែរ​។ ប៉ុន្តែ​អ្នក​ត្រូវ​ចង​ចាំ​ថា ក្នុង​ពេល​ដែល​ដៃគូ​ប្រកួតប្រជែង​របស់​អ្នក​មិន​ព្យាយាម​សម្រប​ខ្លួន​ពួក​គេ​ទៅ​នឹង​ការ​ផ្លាស់​ប្តូរ​ថ្មី​នេះ វា​ជា​ឱកាស​ដែល​អ្នក​អាច​ដណ្តើម​ទីផ្សារ​ដែរ​។

អត្ថបទសរសេរ ដោយ

កែសម្រួលដោយ