ADផ្ទាំងផ្សព្វផ្សាយពាណិជ្ជកម្ម

Picture

តើ​សេដ្ឋកិច្ច​ពិភពលោក​អាច​ងើបឡើង​វិញ​ពេល​ណា? តើ​ម្ចាស់​អាជីវកម្ម និង​អ្នក​វិនិយោគ​គួរ​ធ្វើ​យ៉ាងណា?

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ ខណៈ​ដែល​វីរុស​កូ​វី​ដ​១៩ នៅ​បន្ត​រាតត្បាត​ជាស​កល​លើ​ពិភពលោក រួម​ទាំង​កម្ពុជា​ផង​នោះ​អង្គការ​សុខភាព​ពិភពលោក​ក៏​បាន​អះអាង​ថា មិន​ទាន់​មាន​វ៉ាក់សាំង​សម្រាប់​បង្ការ​វីរុស​កូ​វី​ដ​១៩ នៅ​ក្នុង​ឆ្នាំ​២០២០​នេះ​ទេ ។ តែ​យ៉ាងណាមិញ វិស័យ​មួយ​ចំនួន​អាច​នឹង​ងើបឡើង​វិញ…

រាជធានី​ភ្នំពេញ ៖ ខណៈ​ដែល​វីរុស​កូ​វី​ដ​១៩ នៅ​បន្ត​រាតត្បាត​ជាស​កល​លើ​ពិភពលោក រួម​ទាំង​កម្ពុជា​ផង​នោះ​អង្គការ​សុខភាព​ពិភពលោក​ក៏​បាន​អះអាង​ថា មិន​ទាន់​មាន​វ៉ាក់សាំង​សម្រាប់​បង្ការ​វីរុស​កូ​វី​ដ​១៩ នៅ​ក្នុង​ឆ្នាំ​២០២០​នេះ​ទេ ។

តែ​យ៉ាងណាមិញ វិស័យ​មួយ​ចំនួន​អាច​នឹង​ងើបឡើង​វិញ បាន​លឿន​ជាង​វិស័យ​ដទៃ​ទៀត នៅ​ពេល​កូ​វី​ដ​១៩ បាន​ធូរស្បើយ ។ ក៏​ប៉ុន្តែ​សំណួរ​សំខាន់​នោះ គឺថា​តើ​ជំងឺឆ្លង​ថ្មី​មួយ​នេះ​នឹង​ស្ងប់​ទៅ​វិញ​ពេល​ណា ?

សម្រាប់​លោក ង៉ែត ជូ ទីប្រឹក្សា​សេដ្ឋកិច្ច​មួយ​រូប​នៅ​កម្ពុជា​បាន​លើក​ឡើង​ថា ដូច្នេះ​ប្រសិនបើ​យ៉ាង​លឿន​បំផុត​មាន​វ៉ាក់សាំង​ត្រឹម​ដើមឆ្នាំ​២០២១ នោះ​ការ​ចែកចាយ​ចាក់​វ៉ាក់សាំង​បាន​ទូលំទូលាយ​ទូ​ទាំង​ពិភពលោក​ក៏​ត្រឹម​ចុងឆ្នាំ​២០២១​ដែរ ។ ដូច្នេះ លោក​បាន​បន្ត​ថា សេដ្ឋកិច្ច​នឹង​មិន​អាច​ងើបឡើង​វិញ​មុន​ដើមឆ្នាំ​២០២២​នោះ​ទេ ។

លោក​ង៉ែត ជូ បាន​បន្ត​ថា ហេតុ​ដូច្នេះ​ម្ចាស់​អាជីវកម្ម​នៅ​កម្ពុជា​តោង​គិត​ថា ៖ ១- ម្ចាស់​អាជីវកម្ម​ត្រូវ​ត្រៀម​ទប់ទល់​នឹង​វិបត្តិ​នេះ រហូត​ដល់​ដើមឆ្នាំ​២០២២ ។ ២- អ្នក​វិនិយោគ​លើ​វិស័យ​ដីធ្លី​មិន​គួរ​ប្រញឹក​វិនិយោគ​លឿន​ពេក​នោះ​ទេ ព្រោះ​វិបត្តិ​នឹង​អូស​បន្លាយ រយៈពេល​យូរ ហើយ​ឱកាស​វិនិយោគ​នឹង​មាន​ពេញ​១​ឆ្នាំ (​ក្នុង​ឆ្នាំ​២០២១) ។

លោក​បាន​បន្ត​ថា លោក​មើល​ថា នៅ​ពេល​វិបត្តិ​កូ​វី​ដ ១៩ បាន​ធូរស្បើយ​លោក​ជឿជាក់​ថា នឹង​មាន​វិស័យ​មួយ​ចំនួន​ឆាប់​ងើបឡើង​វិញ​ដូច​ជា វិស័យ​អចលនទ្រព្យ ដីធ្លី ហើយ​ក៏​អាច​ជា​វិស័យ​កាត់ដេរ ការ​នាំ​ចេញ​ទាក់ទង វិស័យ​ធ្វើ​ដំណើរ​អាច​មានការ​កើនឡើង ដោយសារ​អ្នក​ដែល​ប្រើប្រាស់​ផលិតផល​អស់​នឹង គឺ​គាត់​មិនសូវ​ធ្វើ​ដំណើរ​មិនសូវ​បាន​ទិញ សំលៀក​បំពាក់​អ្វី​ច្រើន ក្នុងអំឡុងពេល​វិបត្តិ​នេះ ។ ប៉ុន្តែ​ដល់​ពេល​ចាប់ផ្តើម​មាន​ស្ថាន​ភាពល្អ​ប្រសើរ ឬ​ដំណើរការ​ឡើង​វិញ​ល្អ​នឹង គឺថា គាត់​អាច​នឹង​មាន​តម្រូវការ​ច្រើន​ទាក់ទង​នឹង​ផលិតផល​ទាំងអស់​នឹង​ក៏​ដូច​ជា ការ​ធ្វើ​ដំណើរ​អី​ជាដើម ។

លោក ង៉ែត ជូ បាន​បន្ត​ថា ការ​ចេញដំណើរ​កម្សាន្ត​ទៅ​បរទេស​អាច​មាន​ច្រើន ដោយសារ​មនុស្ស​ចាប់ផ្តើម​មាន​ទំនុកចិត្ត ចាប់ផ្តើម​ជឿជាក់​ថា វា​មាន​សុវត្ថិភាព ហើយ​បន្ទាប់​ពី​គាត់​មិន​ចេញ​ទៅ​ណា​យូរ​នឹង (​និយាយ​ងាយ​ស្តាប់ មនុស្ស​ខាន​ដើរ​លេង​យូរ​) អ៊ីចឹង​ឱ្យ​តែ​មានឱកាស ឬ​ឱកាស​ហុច​ឱ្យ​នឹង​ធ្វើ​ដំណើរ​ទេសចរណ៍​ចេញ​ទៅ​ក្រៅប្រទេស ។ ហើយ​បើ​ការ​ចេញដំណើរ ឬ​ធ្វើ​ដំណើរ​ក្រៅប្រទេស គឺ​ការ​ចំណាយ​ការ​ចាយ​ក្នុង​វិស័យ​ទេសចរណ៍​នឹង​មានការ​កើនឡើង ដូចនេះ​ពួក​គាត់​អាច​ដើរ​ទិញ​សម្ភារៈ​ប្រើប្រាស់ សម្ភារៈ​ធ្វើ​ដំណើរ​កម្សាន្ត​ផ្សេង​ៗ ម្យ៉ាងវិញទៀត​ខាង​វិស័យ​អាកាសចរណ៍ មាន​ភាព​សកម្ម​ខ្លាំង​ឡើង​វិញ ដូចនេះ​ស្ថានភាព​សេដ្ឋកិច្ច​នឹង​ងាក​មក​ភាព​ធម្មតា​វិញ ៕

អត្ថបទសរសេរ ដោយ

កែសម្រួលដោយ