បិទរដូវកាល PL យប់មិញគ្មានក្រុមណារីករាយខ្លាំងដូច Aston Villa ឡើយ
ប្រទេសអង់គ្លេស ៖ លោក Dean Smith អ្នកចាត់ការទូទៅក្រុម Aston Villa បាននិយាយថាការបន្តស្នាក់នៅក្របខណ្ឌ Premier…
ប្រទេសអង់គ្លេស ៖ លោក Dean Smith អ្នកចាត់ការទូទៅក្រុម Aston Villa បាននិយាយថាការបន្តស្នាក់នៅក្របខណ្ឌ Premier League ធ្វើឱ្យលោកមានអារម្មណ៍ថារីករាយខ្លាំងជាង ពេលឡើងមកកាន់ក្របខណ្ឌនេះ (Promotion) កាលពីរដូវកាលមុន។
លទ្ធផលស្មើ ១-១ ជាមួយក្រុមម្ចាស់ផ្ទះ West Ham នៅក្នុងជំនួបបិទរដូវកាល ២០១៩-២០ កាលពីយប់មិញ បានធានាឱ្យក្រុម Aston Villa រួចផុតពីការកាត់ចោលទៅកាន់ក្របខណ្ឌលំដាប់ទី២ Championship រដូវកាលក្រោយ ដោយបាននាំមុខ ១ពិន្ទុពីក្រុមត្រូវកាត់ចោល Bournemouth ដែលនៅចំណាត់ថ្នាក់លេខ១៨។
លោក Dean Smith បានថ្លែងក្រោយចប់ការប្រកួតថា «ខ្ញុំមានអារម្មណ៍រីករាយ និងមោទនភាពយ៉ាងខ្លាំង ដែលអាចបន្តនៅក្របខណ្ឌ Premier League រដូវកាលក្រោយទៀត។ ហើយវាជាសមិទ្ធិផលដ៏អស្ចារ្យរបស់ Aston Villa។ វាមានអារម្មណ៍ប្រសើរជាងការឡើងមកកាន់ក្របខណ្ឌនេះ កាលពីឆ្នាំមុនទៅទៀត»។
សូមបញ្ជាក់ថា ក្រោយពីចប់រដូវកាល ២០១៩-២០ ក្រុម Bournemouth, Watford និង Norwich City ត្រូវធ្លាក់ទៅកាន់ក្របខណ្ឌ Championship សម្រាប់រដូវកាលក្រោយ ខណៈនៅ Championship បានរកឃើញ២ក្រុមហើយ ដែលឡើងមកកាន់ Premier Leaegue គឺក្រុម Leeds United និង West Brom ៕ (ដកស្រង់ចេញពី BBC)
ចែករំលែកព័តមាននេះ