អតីតគ្រូបង្វឹក Arsenal ត្រឡប់មកវិញ ទៅដឹកនាំក្លិបនៅ La Liga
ប្រទេសអេស្ប៉ាញ ៖ លោក Unai Emery អតីតអ្នកចាត់ការទូទៅរបស់ក្រុមកាំភ្លើងធំ Arsenal ត្រូវបានតែងតាំងជាអ្នកចាត់ការទូទៅថ្មីរបស់ក្រុម Villarreal នៅក្របខណ្ឌ…
ប្រទេសអេស្ប៉ាញ ៖ លោក Unai Emery អតីតអ្នកចាត់ការទូទៅរបស់ក្រុមកាំភ្លើងធំ Arsenal ត្រូវបានតែងតាំងជាអ្នកចាត់ការទូទៅថ្មីរបស់ក្រុម Villarreal នៅក្របខណ្ឌ La Liga ជាផ្លូវការ ក្នុងកិច្ចសន្យារយៈពេល ៣ឆ្នាំ។
គ្រូបង្វឹកសញ្ជាតិអេស្ប៉ាញវ័យ ៤៨ឆ្នាំខាងលើត្រូវបានក្លិប Villarreal ជ្រើសយកមកជំនួសតំណែងរបស់លោក Javi Calleja ដែលបានចាកចេញពីក្លិបកាលពីថ្ងៃទី២០ ខែកក្កដាកន្លងទៅ។ បើទោះបីជាក្រុមមួយនេះ ស្ថិតនៅចំណាត់ថ្នាក់លេខ៥ និងទទួលបានកៅអីពានរង្វាន់ Europa League រដូវកាលក្រោយក៏ដោយ។
ជម្រាបជូនថាលោក Unai Emery បានទំនេរគ្មានការងារធ្វើចាប់តាំងពីក្លិប Arsenal សម្រេចបញ្ចប់តួនាទីរបស់លោកកាលពីខែវិច្ឆិកា ឆ្នាំ២០១៩ បន្ទាប់ពីដឹកនាំក្រុមបានត្រឹមតែ ១៨ខែ និងត្រូវជំនួសដោយលោក Mikel Arteta រហូតមកដល់បច្ចុប្បន្ន។
សូមរំលឹកថា Unai Emery ក៏ត្រូវបានរាប់បញ្ចូលក្នុងចំណោមគ្រូបង្វឹកដែលបទពិសោធន៍ម្នាក់ បន្ទាប់ពីធ្លាប់ដឹកនាំក្លិបធំៗជាច្រើនក្នុងមានទាំង Valencia, Sevilla, PSG និង Arsenal ព្រមទាំងបានឈ្នះពានង្វាន់ជាច្រើនក្នុងនោះមានទាំង Europa League និង Ligue 1 ផងដែរ៕
ចែករំលែកព័តមាននេះ