តើកាហ្វេធ្វើឱ្យមនុស្សញៀនឬ? ចំណុចនេះពិតជាពុំត្រឹមត្រូវឡើយ ពីព្រោះអ្នកផឹកកាហ្វេរវាងពី១០ទៅ២០% មានអារម្មណ៍ថា មានការរំខានខ្លះប៉ុណ្ណោះ ក្រោយឈប់ផឹកកាហ្វេ ។ អ្នកផឹកកាហ្វេខ្លាំងបំផុតអាចមានជួបអាការៈឈឺក្បាលខ្លះ ហើយជួនកាលឆាប់ខឹង ។
-តើកាហ្វេជួយដល់ការរំលាយអាហារ ឬ? ប្រាកដណាស់ថា អាចប្រយុទ្ធប្រឆាំងនឹងរោគទល់លាមក ហើយអាចចៀស វាងកុំឱ្យកកើតដុំក្រួសក្នុងប្រមាត់ ។ កាហ្វេល្អសំរាប់សកម្មភាពកីឡាឬ? ប្រាកដណាស់ កាហ្វេជួយកាត់បន្ថយភាពហត់នឿយ ជួយកែលំអដល់ការដកដង្ហើម ហើយជួយបង្កើនសមត្ថភាពនៃចលនាសាច់ដុំ។ សំរាប់ពួកកីឡាករ កាហ្វេអ៊ីន រហូតដល់ឆ្នាំ ២០០៤ ចាត់ទុកថា ជាផលិតផលលើកកំលាំង ។
-តើកាហ្វេចៀសវាងមិនឱ្យផឹកពេលលេបថ្នាំមួយចំនួនឬ? ប្រាកដមែនហើយ ភេសជ្ជៈមានជាតិកាហ្វេអ៊ីនត្រូវហាមឃាត់ ពេលប្រើថ្នាំអង់ទីប៊ីយ៉ូទីក (ពិសេសថ្នាំអេណូ សាស៊ីន និងស៊ឺប្រូហ្វូស៊ីន) ព្រមទាំងជាមួយនឹងការប្រើឱសថមានជាតិតេអូហ្វីលីនដូចជា ស៊ឺរូមក្អកជាដើម ។
-តើកាហ្វេជាថ្នាំជួយប្រឆាំងនឹងជម្ងឺឈឺ មួយចំហៀងក្បាលឬ? ប្រាកដណាស់ កាហ្វេអ៊ីនមានតួនាទីជួយពេលខ្ចឹបសរសៃ ឈាម ហើយវាក៏ជួយបំបាត់ការឈឺចាប់ផងដែរ ជាពិសេសពេលផឹកវាជាមួយបារ៉ាសេតាម៉ុល ឬអាស្ពីរីន ។ វាជួយកាត់បន្ថយអាំងតង់ស៊ីតេ និងរយៈពេលនៃការឈឺមួយចំហៀងក្បាល។
មានជម្ងឺទឹកនោមផ្អែមចូរផឹកតែ និងកាហ្វេ
ការផឹកកាហ្វេមួយពែងក្នុងមួយថ្ងៃអាចជួយកាត់បន្ថយ៧% នៃគ្រោះថ្នាក់កើតជម្ងឺទឹកនោមផ្អែម ។ លោករ៉ាចែល ហ៊ុកឡី អ្នកស្រាវជ្រាវនៅវិទ្យាស្ថានសុខភាពអន្ដរជាតិ ចចនៃសាកលវិទ្យាល័យក្រុងស៊ីដនី ប្រទេសអូស្ដ្រាលី បានធ្វើការសិក្សាចំនួន១៨ ជាមួយសហសេវិកចេញផ្សាយរវាងឆ្នាំ១៩៦៦ និងខែកក្កដា ឆ្នាំ២០០៩ អំពីការផឹកកាហ្វេ ហើយធ្វើការវិភាគជា មួយអ្នកចូលរួមក្នុងការសិក្សាទាំងនេះចំនួន៤៥៧.៩២២នាក់ ។ ការសិក្សាទាំងនោះបញ្ជាក់ពីទំនាក់ទំនងរវាង តែ និងកាហ្វេ និងការកើតជម្ងឺទឹកនោមផ្អែម ។ បន្ទាប់ពីធ្វើការវិភាគលើការសិក្សាទាំងនោះមក ពួកអ្នកស្រាវជ្រាវសន្និដ្ឋានថា ការផឹកកាហ្វេមួយពែងមួយថ្ងៃ នឹងញ៉ាំងឱ្យមានការកាត់បន្ថយបាន៧% នៃគ្រោះថ្នាក់ កើតជម្ងឺទឹកនោមផ្អែម ។ ពួកអ្នកស្រាវជ្រាវក៏រកឃើញផងដែរថា បើផឹកកាហ្វេមួយថ្ងៃ ពី៣ឬ៤ពែងអាចជួយកាត់បន្ថយគ្រោះថ្នាក់ នៃការកើតជម្ងឺទឹក នោមផ្អែមដល់ទៅ២៥% បើប្រៀបធៀបទៅនឹងការផឹកកាហ្វេតែមួយពែង ឬ២ពែងក្នុងមួយថ្ងៃ ។ ចំណែកឯការផឹកតែពី៣ទៅ៤ពែងក្នុងមួយថ្ងៃវិញ នឹងអាចជួយកាត់បន្ថយគ្រោះថ្នាក់នៃការកើតជម្ងឺទឹកនោមផ្អែមដល់១ភាគ៥បើប្រៀបធៀបទៅនឹងការផឹកតែមួយពែងក្នុងមួយថ្ងៃ ។ ពួកអ្នកស្រាវជ្រាវពេលនេះផ្ដោតលើសមាសភាគសកម្មនៃតែ និងកាហ្វេ សំរាប់កែតម្រូវដល់ការព្យាបាលថ្មី ប្រឆាំងនឹងជម្ងឺទឹកនោមផ្អែមប្រភេទទី២ ។ បណ្ដាគ្រូពេទ្យអាចជំរុញអ្នកជម្ងឺរបស់ពួកគេដែលកើតជម្ងឺទឹកនោមផ្អែមឱ្យផឹកកាហ្វេ ឬតែបន្ថែមលើការហាត់ប្រាណ និងការបន្ថយទម្ងន់ ។
ប្រយ័ត្នការផឹកស្រាលាយជាមួយកាហ្វេ
ការលាយគ្នារវាងស្រានិងកាហ្វេអាចញ៉ាំងឱ្យមានគ្រោះថ្នាក់នានា ។ ការលាយគ្នានេះជារឿយៗធ្វើឡើងតាមរូបភាពនៃ ភេសជ្ជៈ ។ បណ្ដាមនុស្សដែលផឹកស្រាច្រើន ហើយគិតចង់បន្ថយឥទ្ធិពលស្រា ដោយផឹកកាហ្វេអាចមានគ្រោះថ្នាក់ ។ ដោយផឹក កាហ្វេក្រោយផឹកស្រាច្រើនមនុស្សទាំងនេះ អាចគិតថា រូបពួកគេមិនស្រវឹង ហើយប្រកាន់ឥរិយាបថទាំង ឡាយប្រកបដោយគ្រោះថ្នាក់ ដូចជា មានះបើករថយន្ដដែលខ្លួនកំពុងស្រវឹងជាដើម ។ បណ្ដាអ្នកស្រាវជ្រាវសន្និដ្ឋានបន្ទាប់ពីការធ្វើពិសោធន៍ជាមួយពពួកសត្វកណ្ដុរមកថា ផឹកកាហ្វេពេលផឹកស្រាស្រវឹងខ្លាំងញ៉ាំងឱ្យមនុស្សពុំសូវមានការប្រុងប្រយ័ត្ន ទោះបីជា រូបគេនៅមានសតិក៏ដោយ ៕
ចែករំលែកព័តមាននេះ