ប្រទេសអង់គ្លេស ៖ ប្រជាជនអង់គ្លេស ជាពិសេសកីឡាករបាល់ទាត់ល្បីល្បាញនៅជុំវិញពិភពលោក បាននាំគ្នាចូលរួមរំលែកទុក្ខ ចំពោះការបាត់បង់វីរបុរសបាល់ទាត់លោក Jack Charlton ដែលបានរួមចំណែកជួយអង់គ្លេសឈ្នះពានរង្វាន់ World…
ប្រទេសអង់គ្លេស ៖ ប្រជាជនអង់គ្លេស ជាពិសេសកីឡាករបាល់ទាត់ល្បីល្បាញនៅជុំវិញពិភពលោក បាននាំគ្នាចូលរួមរំលែកទុក្ខ ចំពោះការបាត់បង់វីរបុរសបាល់ទាត់លោក Jack Charlton ដែលបានរួមចំណែកជួយអង់គ្លេសឈ្នះពានរង្វាន់ World Cup 1966 បន្ទាប់ពីទទួលមរណភាពក្នុងវ័យ ៨៥ឆ្នាំ កាលពីថ្ងៃទី១០ ខែកក្កដាកន្លងទៅ។
លោក Jack Charlton ដែលត្រូវជាបងប្រុសបង្កើតរបស់ Sir Bobby Charlton គឺជាអតីតខ្សែការពារដ៏រឹងមាំម្នាក់ ដែលបានប្រកបអាជីពជាមួយក្លិបបាល់ទាត់តែមួយគត់គឺក្រុម Leeds United ត្រូវបានគ្រូពេទ្យធ្វើរោគវិនិច្ឆ័យថា មានជំងឺមហារីកកូនកណ្តុរកាលពីឆ្នាំមុន ហើយក៏មានជំងឺវង្វេងស្មារតីផងដែរ។
លោក និងប្អូនប្រុសគឺជាផ្នែកមួយដ៏សំខាន់សម្រាប់ក្រុមជម្រើសជាតិអង់គ្លេស ដែលបានឈ្នះពានរង្វាន់ FIFA World Cup បន្ទាប់ពីផ្តួលអាល្លឺម៉ង់ខាងលិច នៅឯកីឡដ្ឋានជាតិ Wembley កាលពីឆ្នាំ១៩៦៦។
លោកក៏បានបង្កើតកំណត់ត្រាដ៏លេចធ្លោមួយចំនួនសម្រាប់ក្រុម Leeds United និងទទួលបានជោគជ័យមិនធ្លាប់មានពីមុនមកជាមួយសាធារណរដ្ឋអៀរឡង់ ក្នុងនាមជាអ្នកចាត់ការទូទៅអំឡុងឆ្នាំ ១៩៨៦-១៩៩៦។ ក្រៅពីជាអ្នកចាត់ការទូទៅក្រុមជម្រើសជាតិអៀរឡង់ លោកក៏ធ្លាប់បានដឹកនាំក្រុមបាល់ទាត់អាជីពដូចជា Middlesbrough, Sheffield Wednesday និង Newcastle United ផងដែរ។
បន្ទាប់ពីទទួលបានដំណឺងនៃមរបណភាពរបស់លោក Jack Charlton បានធ្វើឱ្យបន្ទាប់ពីទទួលបានដំណឺងនៃមរណភាពរបស់លោក Jack Charlton បានធ្វើឱ្យប្រជាជនអង់គ្លេសសម្តែងការសោកស្តាយ។ ខណៈដែលកីឡាករបាល់ទាត់ល្បីល្បាញជាច្រើន ជាពិសេសក៏មានការចូលរួមរំលែកទុក្ខ ពីសំណាក់នាយករដ្ឋមន្ត្រីអង់គ្លេសលោក Boris Johnson ផងដែរ៕ (ដកស្រង់ចេញពី BBC)
ចែករំលែកព័តមាននេះ