អត្តពលិកកីឡាអត្តពលកម្ម61នាក់ធ្វើតេស្តចូលក្រុមជម្រើសជាតិ2020
- ភ្នំពេញ
រាជធានីភ្នំពេញ ៖ នារសៀលថ្ងៃទី៦ ខែកក្ដដា ឆ្នាំ២០២០ លោក ផៃ សុខជា អនុប្រធានទី១សហព័ន្ធខ្មែរអត្តពលកម្មស្ម័គ្រចិត្ត តំណាងឲ្យលោក…
រាជធានីភ្នំពេញ ៖ នារសៀលថ្ងៃទី៦ ខែកក្ដដា ឆ្នាំ២០២០ លោក ផៃ សុខជា អនុប្រធានទី១សហព័ន្ធខ្មែរអត្តពលកម្មស្ម័គ្រចិត្ត តំណាងឲ្យលោក…
រាជធានីភ្នំពេញ ៖ នារសៀលថ្ងៃទី៦ ខែកក្ដដា ឆ្នាំ២០២០ លោក ផៃ សុខជា អនុប្រធានទី១សហព័ន្ធខ្មែរអត្តពលកម្មស្ម័គ្រចិត្ត តំណាងឲ្យលោក អ៊ុក សិទ្ធិជាតិ ជាប្រធាន បានអញ្ជើញចុះពិនិត្យមើលសកម្មភាពធ្វើតេស្តសមត្ថភាពចូលជម្រើសជាតិឆ្នាំ២០២០របស់អត្តពលិកកីឡាអត្តពលកម្មដែលរៀបចំឡើងដោយសហព័ន្ធក្នុងទីលានបាល់ទាត់នៃបរិវេណពហុកីឡដ្ឋានជាតិអូឡាំពិក។
លោក ហ៊ុន បូរី អគ្គលេខាធិការនៃសហព័ន្ធខ្មែរអត្តពលកម្មស្ម័គ្រចិត្តបានប្រាប់ឲ្យដឹងថា ការធ្វើតេស្តលើកនេះមានអត្តពលិកចំនួន៦១នាក់ក្នុងនោះកីឡាការិនីមានចំនួន១៧នាក់មកពីក្លិបនិងសមាគមចំនួន១១ ដើម្បីជ្រើសរើសអត្តពលិកឆ្នើមចំនួន៥នាក់ចូលហ្វឹកហាត់ក្នុងក្រុមជម្រើសជាតិ២០២០ ។
យោងតាមស្មារតីអង្គប្រជុំ គណៈកម្មការជ្រើសរើសកីឡាករ-កីឡាការិនី៥នាក់ដែលធ្លាប់ចូលរួមព្រឹត្តិការណ៍ កីឡា SEA GAMES 2019 ទទួលបានលទ្ធផលល្អត្រូវជាប់ក្រុមជម្រើសជាតិដោយស្វ័យប្រវត្តិ ចំណែក៥នាក់ទៀត សហព័ន្ធធ្វើតេស្តសមត្ថភាពស្វែងរកបន្ថែមទៀត ដោយអនុញ្ញាតឱ្យកីឡាករ-កីឡាការិនី នៅតាមបណ្តោខេត្តនានា ចូលរួមទាំងអស់ ដើម្បីរកកីឡាករ-កីឡាការិនីមានសមត្ថភាពពិតប្រាកដ។
ចំណែកលោកគ្រូបង្វឹកចំនួន៧នាក់ ដែលឈរឈ្មោះ អង្គប្រជុំសម្រេចជ្រើសរើស៥នាក់ តាមគោលការណ៍របស់ក្រសួងអប់រំ យុវជន និងកីឡា ។ ដូច្នេះក្រុមជម្រើសជាតិអត្តពលកម្មឆ្នាំនេះ មានគ្រូបង្វឹកចំនួន៥នាក់ កីឡាករ-កីឡាការិនី១០នាក់ ។ អត្តពលកម្មថ្នាលវិញ មានគ្រូបង្វឹកចំនួន៤នាក់ កីឡាករ-កីឡាការិនី១៨នាក់៕ (កែសម្រួលដោយ ៖ បុប្ផា)
ចែករំលែកព័តមាននេះ