ADផ្ទាំងផ្សព្វផ្សាយពាណិជ្ជកម្ម

Picture

រាជរដ្ឋាភិបាល​បង្កើត​មជ្ឈមណ្ឌល​បណ្តុះ​ធុរកិច្ច​ថ្មី «​តេ​ជោ​» ផ្តល់​ឱកាស​ការ​បង្កើត និង​បណ្តុះ​ធុរកិច្ច​ថ្មី

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ រាជរដ្ឋាភិបាល​កម្ពុជា​បាន​សម្រេច​បង្កើត​មជ្ឈមណ្ឌល​បណ្តុះ​ធុរកិច្ច​ថ្មី «​តេ​ជោ​» ដែល​ជា​គ្រឹះស្ថានសាធារណៈរដ្ឋបាល ក្នុង​គោលបំណង​ផ្តល់​ឱកាស​ដល់​យុវជន និស្សិត និង​អ្នក​ស្រាវជ្រាវ​ចូលរួម​បង្កើត និង​បណ្តុះ​ធុរកិច្ច​ថ្មី (Startups)…

រាជធានី​ភ្នំពេញ ៖ រាជរដ្ឋាភិបាល​កម្ពុជា​បាន​សម្រេច​បង្កើត​មជ្ឈមណ្ឌល​បណ្តុះ​ធុរកិច្ច​ថ្មី «​តេ​ជោ​» ដែល​ជា​គ្រឹះស្ថានសាធារណៈរដ្ឋបាល ក្នុង​គោលបំណង​ផ្តល់​ឱកាស​ដល់​យុវជន និស្សិត និង​អ្នក​ស្រាវជ្រាវ​ចូលរួម​បង្កើត និង​បណ្តុះ​ធុរកិច្ច​ថ្មី (Startups) តាម​និន្នាការ និង​សន្ទុះ​នៃ​ភាព​ជឿនលឿន​លើ​វិស័យ​បច្ចេកវិទ្យា​ឌី​ជី​ថ​ល​សំដៅ​ដល់​ការ​ស្វែងរក​នវានុវត្តន៍ ដើម្បី​បង្កើត​បានជា​ក្រុមហ៊ុន​ដែល​មាន​សក្តានុពល​លូតលាស់​ឆាប់រហ័ស ស្រប​តាម​បរិការណ៍​របស់​រាជរដ្ឋាភិបាល​ក្នុង​ការ​រៀបចំ​កសាង​សេដ្ឋកិច្ច​ឌី​ជី​ថ​ល ។ នេះ​បើ​យោង​តាម​អនុក្រឹត្យ​របស់​រាជរដ្ឋាភិបាល ។

មាត្រា​២ នៃ​អនុក្រឹត្យ​ខាងលើ​បាន​បញ្ជាក់​ថា មជ្ឈមណ្ឌល​បណ្តុះ​ធុរកិច្ច​ថ្មី «​តេ​ជោ​» ហៅ​កាត់​ថា «​ម​.​ធ ត​.» ឬ​ហៅ​ថា TECHO STARTUP CENTER (TSC) ដែល​ស្ថិត​នៅ​ក្រោម​អាណាព្យាបាល​ប​ចេ្ច​ក​ទេស​និង​ហិរញ្ញវត្ថុ នៃ​ក្រសួង​សេដ្ឋកិច្ច​និង​ហិរញ្ញ​វត្ថ «​ជា​នីតិបុគ្គល​នៃ​នីតិ​សាធារណៈ និង​មាន​ថវិកា​ស្វ័​យ​ត ដែល​ត្រូវ​ឆ្លុះ​បញ្ចាំង​ជា​ឧ​ប​សម្ព័ន្ធ​នៃ​ថវិកា​របស់​ក្រសួង​សេដ្ឋកិច្ច និង​ហិរញ្ញវត្ថុ​» ។

មាត្រា ៤ នៃ​អនុក្រឹត្យ​បាន​ចែង​នូវ​ភារកិច្ច​របស់ «​ម​.​ធ ត​.» មាន​ជា​អាទិ៍​៖ ១ – ជា​សេនាធិការ​របស់​ក្រសួង​សេដ្ឋកិច្ច និង​ហិរញ្ញវត្ថុ «​ក្នុង​ការ​សិក្សា​ស្រាវជ្រាវ​នានា​ទាក់ទង​នឹង​ធុរកិច្ច​ថ្មី និង​សេដ្ឋកិច្ច​នវានុវត្តន៍ និង​ផ្តល់​ប្រឹក្សា​លើ​គោលនយោបាយ និង​ផែនការ​យុទ្ធសាស្ត្រ​លើ​ការ​អភិវឌ្ឍន៍​ធុរកិច្ច​ថ្មី និង​ប្រព័ន្ធ​អេកូឡូស៊ី​ធុរកិច្ច​ថ្មី ២ – បង្កើត បណ្តុះ និង​ប្រតិបត្តិការ​ធុរកិច្ច​ថ្មី​ក្នុង​ប្រព័ន្ធ​អេកូឡូស៊ី​ធុរកិច្ច​ថ្មី ៣- ផ្តល់​សេវា​បណ្តុះ​ពន្លក​អាជីវកម្ម និង​ព​ន្លឿ​ន​អាជីវកម្ម​តាម​គោលការណ៍​បណ្តុះ​ធុរកិច្ច​ថ្មី​នានា​ជាដើម ។ ដែល​នេះ គឺជា​ការ​គាំទ្រ​ធុរកិច្ច​ថ្មី និង​កសាង​ប្រព័ន្ធ​អេកូឡូស៊ី​ធុរកិច្ច​ថ្មី​ឱ្យ​រឹង​មាំ គឺជា​យុទ្ធសាស្ត្រ​គន្លឹះ​ក្នុង​ចំណោម​យុទ្ធសាស្ត្រ​ទាំង​ប្រាំ​នៅ​ក្នុង​សេចក្តី​ព្រាង​ក្រប​ខណ្ឌ​គោលនយោបាយ​សេដ្ឋកិច្ច​ឌី​ជី​ថ​ល​នៅ​កម្ពុជា ។

សូម​បញ្ជាក់​ថា «​ម​.​ធ ត​.» មាន​សមាជិក​ក្រុមប្រឹក្សាភិបាល​ចំនួន ៥​រូប ដែល​ក្នុង​នោះ​មួយ​រូប​ជា​ប្រធាន​និង ៤ រូប​ផ្សេង​ទៀត​ជា​សមាជិក​របស់ «​ម​.​ធ ត​.» ៕

អត្ថបទសរសេរ ដោយ

កែសម្រួលដោយ