Klopp រំពឹងថាមាន៤ក្រុម ដែលនឹងប្រជែងដណ្តើមជើងឯកលីគរដូវកាលក្រោយ
ប្រទេសអង់គ្លេស ៖ លោក Jurgen Klopp រំពឹងថាក្រុមហង្សក្រហម Liverpool នឹងប្រឈមមុខនឹងការប្រកួតប្រជែងយ៉ាងខ្លាំង ដើម្បីដណ្តើមជើងឯក Premier…
ប្រទេសអង់គ្លេស ៖ លោក Jurgen Klopp រំពឹងថាក្រុមហង្សក្រហម Liverpool នឹងប្រឈមមុខនឹងការប្រកួតប្រជែងយ៉ាងខ្លាំង ដើម្បីដណ្តើមជើងឯក Premier…
ប្រទេសអង់គ្លេស ៖ លោក Jurgen Klopp រំពឹងថាក្រុមហង្សក្រហម Liverpool នឹងប្រឈមមុខនឹងការប្រកួតប្រជែងយ៉ាងខ្លាំង ដើម្បីដណ្តើមជើងឯក Premier League ពីក្រុម Man City, Man United និង Chelsea នៅរដូវកាលក្រោយ ។
ក្រុម Liverpool ទើបតែបានក្លាយជាម្ចាស់ជើងឯកលីគកំពូលអង់គ្លេស កាលពីសប្តាហ៍មុន ដែលជាការឈ្នះលើកដំបូងរបស់ពួកគេក្នុងរយៈពេល ៣០ឆ្នាំកន្លងមក។ ពួកគេបានឈ្នះពានរង្វាន់នេះ ជាមួយនឹងការប្រកួតដែលនៅសល់ចំនួន ៧ប្រកួតទៀត ដែលត្រូវលេងមុនបញ្ចប់រដូវកាលនេះ។
ប៉ុន្តែលោក Jurgen Klopp ចង់ឈ្នះការប្រកួតនៅសល់ទាំងអស់ ដើម្បីបំបែកកំណត់ក្រុម Man City ដែលបានបង្កើតឡើងក្នុងក្របខណ្ឌ Premier League ដោយមាន ១០០ពិន្ទុពេលបញ្ចប់លីគកាលពីរដូវកាល ២០១៧-១៨។
ថ្លែងនៅមុនការប្រកួត Man City ទល់នឹង Liverpool ក្នុងរាត្រីនេះ លោក Jurgen Klopp បានឱ្យដឹងថា «អ្វីដែលមនុស្សនិយាយវានឹងមិនសំខាន់សម្រាប់រដូវកាលក្រោយនោះទេ ពីព្រោះប្រាកដថាយើង (Liverpool និង City) ត្រូវតែត្រៀមខ្លួនរួចរាល់ហើយ»។
បុរសជនជាតិអាល្លឺម៉ង់វ័យ ៥៣ឆ្នាំដដែលបានបន្ថែមថា «ប៉ុន្តែក្នុងនោះយើងឃើញថាក្រុម Man United និង Chelsea នឹងមកដល់។ គ្រប់គ្នាបានគិតថា ពួកគេគ្មានឱកាសទេ។ ប៉ុន្តែយើងបានឃើញកីឡាករម្នាក់ ឬពីរនាក់ដែលបានបង្ហាញថា ពួកគេល្អប៉ុនណា ហើយប្រាកដណាស់ថា ពួកគេនឹងមិនអាក្រក់នៅរដូវកាលក្រោយនោះទេ»៕ (ដកស្រង់ចេញពី៖ AFP)
ចែករំលែកព័តមាននេះ