រាជធានីភ្នំពេញ៖ ពុំមាននរណាម្នាក់កើតមកចង់ក្រនោះទេ យ៉ាងណាមិញជីវិតរបស់កុមារតូចៗសុទ្ធតែមានវាសនាមិនដូចគ្នា ។ ខ្លះកើតមកលើគំនរទ្រព្យសម្បត្តិមិនដែលប៉ះដីមានឈ្នួលបម្រើឆ្វេងស្តាំ ខណៈក្មេងខ្លះកើតក្នុងគ្រួសារមានជីវភាពធម្យម ទទួលបានការសិក្សាអប់រំកម្រិតល្មម។ ក៏ប៉ុន្តែជីវិតពិត មិនដូចគ្នាទាំងអស់នោះឡើយ តួយ៉ាងក្មេងប្រុសតូចមួយរូប…
រាជធានីភ្នំពេញ៖ ពុំមាននរណាម្នាក់កើតមកចង់ក្រនោះទេ យ៉ាងណាមិញជីវិតរបស់កុមារតូចៗសុទ្ធតែមានវាសនាមិនដូចគ្នា ។ ខ្លះកើតមកលើគំនរទ្រព្យសម្បត្តិមិនដែលប៉ះដីមានឈ្នួលបម្រើឆ្វេងស្តាំ ខណៈក្មេងខ្លះកើតក្នុងគ្រួសារមានជីវភាពធម្យម ទទួលបានការសិក្សាអប់រំកម្រិតល្មម។
ក៏ប៉ុន្តែជីវិតពិត មិនដូចគ្នាទាំងអស់នោះឡើយ តួយ៉ាងក្មេងប្រុសតូចមួយរូប កើតក្នុងគ្រួសារក្រីក្រ មានកាយសម្បទាមិនគ្រប់គ្រាន់ ថែមទាំងត្រូវចេញរកប្រាក់ចិញ្ចឹមឪពុក-ម្តាយបងប្អូនថែមទៀត ។
បើយោងតាមគណនីហ្វេសបុករបស់បុរសម្នាក់ដែលមានឈ្មោះ Camraman Seyha បានបង្ហោះវីដេអូមួយខ្លី បង្ហាញពីក្មេងប្រុសម្នាក់ដែលរស់នៅខេត្តសៀមរាប និងប្រកបរបរលក់ខ្សែដៃ សម្រាប់ជាវត្ថុអនុស្សាវរីយ៍ រហូតវីដេអូនោះទទួលបានការចាប់អារម្មណ៍យ៉ាងខ្លាំងពីសំណាក់មហាជនដែលកំពុងលេងបណ្ដាញសង្គមហ្វេសបុក ។
តាមប្រភពខាងលើបានឲ្យដឹងថា ក្មេងប្រុសរូបនេះឈ្មោះ ឈ័ង មានបងប្អូនចំនួន៤នាក់ ដោយប្អូនប្រុសជាកូនទី៣ ។ ថ្វីត្បិតតែប្អូនប្រុសមានកាយសម្បទាមិនគ្រប់លក្ខណៈដូចក្មេងៗដទៃ ដោយសារប្អូនកាលពីអាយុ៤ឆ្នាំ មានជំងឺរលាកស្រោមខួរក្បាល បណ្ដាលអោយដៃម្ខាងរបស់ប្អូនពិការពិតមែន ប៉ុន្តែប្អូនប្រុសខំតស៊ូ ដើរលក់ខ្សែរដៃវត្ថុអនុស្សាវរីយ៍ជំនួសឪពុក ម្ដាយ ដើម្បីរកប្រាក់កម្រៃមកជួយផ្គត់ផ្គង់គ្រួសាររបស់ប្អូនផងដែរ ។
វីដេអូស្តីអំពីប្អូនប្រុសតូចម្នាក់ដែលមិនចុះចាញ់ព្រហ្មលិខិតទទួលបានការចូលមើលពីសំណាក់មហាជនរាប់លាននាក់ និងមានការចែករំលែកវីដេអូនេះ រាប់ម៉ឺនដង ដែលបងប្អូនគ្រប់ៗគ្នាដែលបានមើលវីដេអូនេះបានបង្ហាញនូវការអាណិតអាសូរដល់ប្អូនប្រុសផង និងសរសើរលើកទឹកចិត្តប្អូនថាជាក្មេងប្រុសដែលវៃឆ្លាត ចេះជួយរកប្រាក់អោយឪពុកម្ដាយរបស់ប្អូន ទាំងវ័យក្មេងបែបនេះ ។
កោះសន្តិភាពនឹងធ្វើការផ្សាយលម្អិតអំពីជីវិតរបស់ក្មេងប្រុសខាងលើនៅលេខក្រោយបន្តទៀត ៕
ចែករំលែកព័តមាននេះ