សំណុំរឿងទំនាស់នៅ បឹងពារាំង ចោទថា មានភាពអយុត្តិធម៌ (វីដេអូ)
- សៀមរាប
ខេត្តសៀមរាប ៖ បន្ទាប់ពីប្រជាសហគមន៍ទេសចរណ៍ បឹងពារាំង ចាញ់ក្តី លោក ស៊ីម ឈីវឈានពិសិដ្ឋ អតីតអនុប្រធានមន្ទីរបរិស្ថានខេត្តសៀមរាប កាលពីពេលថ្មីៗនេះ…
ខេត្តសៀមរាប ៖ បន្ទាប់ពីប្រជាសហគមន៍ទេសចរណ៍ បឹងពារាំង ចាញ់ក្តី លោក ស៊ីម ឈីវឈានពិសិដ្ឋ អតីតអនុប្រធានមន្ទីរបរិស្ថានខេត្តសៀមរាប កាលពីពេលថ្មីៗនេះ…
ខេត្តសៀមរាប ៖ បន្ទាប់ពីប្រជាសហគមន៍ទេសចរណ៍ បឹងពារាំង ចាញ់ក្តី លោក ស៊ីម ឈីវឈានពិសិដ្ឋ អតីតអនុប្រធានមន្ទីរបរិស្ថានខេត្តសៀមរាប កាលពីពេលថ្មីៗនេះ ត្រូវបានភាគីទាំង២ មិនទទួលយកសាលក្រមតុលាការខេត្តសៀមរាប ដោយលើកឡើងថា គឺជារឿងអយុត្តិធម៌រៀងៗខ្លួន។
ជាក់ស្តែងរសៀលថ្ងៃទី២០ ខែមិថុនា ឆ្នាំ២០២០ នៅទីតាំងប៉ុស្តិ៍យាមរបស់សហគមន៍បឹងពារាំង ស្ថិតក្នុងសង្កាត់ជ្រាវ ក្រុងសៀមរាប មានបងប្អូនប្រជាសហគមន៍បឹងពារាំងជាច្រើននាក់បានមកប្រមូលផ្តុំគ្នា ដើម្បីស្នើសុំឲ្យស្ថាប័នពាក់ព័ន្ធក្នុងខេត្តសៀមរាប និងថ្នាក់ក្រសួង ជួយពិនិត្យមើលសំណុំរឿងនៅបឹងពារាំងឡើងវិញផង។
ក្នុងពេលនោះដែរ លោក អ៊ុន ភារ៉ា តំណាង មន្ត្រីសហគមន៍បឹងពារាំង បានឲ្យដឹងនៅរសៀលថ្ងៃទី២០ ខែមិថុនា ឆ្នាំ២០២០នេះថា ពួកគាត់ស្ម័គ្រចិត្តមកធ្វើការនៅបឹងពារាំងនេះគឺគ្មានប្រាក់ខែទេ ថែមទាំងចោលប្រពន្ធ និងកូន ដើម្បីធ្វើយ៉ាងណាឲ្យសហគមន៍ ដែលជាស្រុកកំណើតរបស់ខ្លួនមានការរីកចម្រើន។
លោកបន្តថា តែរឿងលោក ស៊ីម ឈីវឈានពិសិដ្ឋ អតីតអនុប្រធានមន្ទីរបរិស្ថានខេត្ត សៀមរាប ប្តឹងសហគមន៍បឹងពារាំងថា បានប្រើអំពើហិង្សាមកលើរូបគាត់ គឺជារឿងមិនត្រឹមត្រូវទេ។
លោកបញ្ជាក់ថា ចំពោះលោក ពិសិដ្ឋ បាននាំគ្នាប្រមាណជា៥នាក់ចូលមកបឹងពារាំងទាំងយប់ ដោយគ្មានការអនុញ្ញាតិ និងបានមកអុកឡុកមន្ត្រីសហគមន៍ទាំងយប់ ដោយចោទពាសវាលគ្មានដឹងខុសត្រូវ។
ចំណែកលោក សឿម សំបូរ មន្ត្រីសហគមន៍បឹងពារាំង បានឲ្យដឹងដែរថា ក្នុងករណីនេះលោកស្នើឲ្យស្ថាប័នតុលាការមេត្តាពិចារណារឿងក្តីនេះឡើងវិញផង ព្រោះការសម្រេចសាលក្រម ធ្វើឲ្យពួកគាត់ចាញ់ក្តីបែបនេះ វាគឺជារឿងអយុត្តិធម៌សម្រាប់ពួកគាត់។
ស្រដៀងគ្នានេះដែរ លោក សនសុខ មន្ត្រីសហគមន៍ បឹងពារាំង ក៏បានឲ្យដឹងដែរថា ពួកគាត់ជាម្ចាស់ផ្ទះ គេលួចចូលមកផ្ទះគាត់ទាំងយប់ ហេតុអីតុលាការសម្រេចឲ្យពួកគាត់ចាញ់ក្តីយ៉ាងដូច្នេះ?
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។ (កែសម្រួលដោយ ៖ បុប្ផា)
ចែករំលែកព័តមាននេះ