ADផ្ទាំងផ្សព្វផ្សាយពាណិជ្ជកម្ម

វិធីទុកដាក់លុយដែលអ្នកនឹងត្រូវការវាក្នុងពេល ៥ឆ្នាំទៀត

3 ឆ្នាំ មុន

១៦ ខែ មិថុនា ឆ្នាំ ២០២០ ម៉ោង ១៦:៤៤

លោក អេរិក រ៉ូបឺក (Eric Roberge) ជាអ្នកជំនាញផ្នែករៀបផែនការហិរញ្ញវត្ថុផ្នែកដែលជួយមនុស្សចាត់ចែងការវិនិយោគរបស់ពួកគេសម្រាប់រយៈពេលវែងដែលបានជួយឲ្យមនុស្សជាច្រើនចូលនិវត្តន៍យ៉ាងងាយស្រួល ។ ប៉ុន្តែដើម្បីសម្រេចគោលដៅដូចខាងលើបាន មនុស្សត្រូវយល់ដឹងពីអ្វីដែលពួកគេត្រូវធ្វើដើម្បីសន្សំសម្រាប់ការចូលនិវត្តន៍ និងអ្វីដែលពួកគេត្រូវធ្វើជាមួយលុយដែលពួកគេនឹងត្រូវការក្នុងរយៈពេល…

ប៉ុន្តែដើម្បីសម្រេចគោលដៅដូចខាងលើបាន មនុស្សត្រូវយល់ដឹងពីអ្វីដែលពួកគេត្រូវធ្វើដើម្បីសន្សំសម្រាប់ការចូលនិវត្តន៍ និងអ្វីដែលពួកគេត្រូវធ្វើជាមួយលុយដែលពួកគេនឹងត្រូវការក្នុងរយៈពេល ៥ឆ្នាំ ឬតិចជាងនេះ ។

លុយដែលអ្នកនឹងត្រូវការក្នុងរយៈពេល ៥ឆ្នាំ ឬតិចជាងនេះភាគច្រើនជាលុយសម្រាប់គ្រាអាសន្ន ។ វាអាចជាការចាយវាយប្រចាំថ្ងៃប្រមាណ ៦ ខែជាដើមសម្រាប់ជួយទ្រទ្រង់ជីវភាពរស់នៅប្រចាំថ្ងៃរបស់អ្នកពេលដែលអ្នកជួបនឹងវិបត្តិដែលនឹកស្មានមិនដល់ដូចជាការបាត់បង់ការងារជាដើម ។

ក្រៅពីនេះហើយ វាអាចជាលុយដែលជួយឲ្យអ្នកសម្រេចគោលដៅរយៈពេលខ្លីរបស់អ្នកដូចជាលុយសម្រាប់ចាប់ផ្តើមអាជីវកម្មថ្មីមួយក្នុងឆ្នាំនេះ ឬប្រាក់កក់ទិញផ្ទះជាដើម ។ លុយទាំងនេះត្រូវតែទទួលបានការទុកដាក់បានល្អដែលអនុញ្ញាតឲ្យអ្នកដកវាមកប្រើពេលដែលអ្នកត្រូវការបានដិយងាយស្រួល ។

ជាទូទៅ លោក រ៉ូបឺក ផ្តល់យោបល់ឲ្យភ្ញៀវរបស់លោកដាក់លុយតាំងនេះក្នុងគណនីធនាគារសន្សំដែលផ្តល់អត្រាការប្រាក់ខ្ពស់ ជាពិសេសដាក់នៅធនាគារលើអ៊ីនធើណេតជាដើមដែលភាគច្រើនផ្តល់អត្រាការប្រាក់ខ្ពស់ជាងធនាគារទូទៅ ។

លោកមិនផ្តល់យោបល់ឲ្យវិនិយោគលុយលើអ្វីដែលនឹងរកផលចំណេញក្នុងរយៈពេលវែងទេ ជាពិសេស គឺទីផ្សារភាគហ៊ុនព្រោះវាមានហានិភ័យខ្ពស់ ហើយអ្នកអាចនឹងបាត់បង់ថវិកាដែលបានខិតខំសន្សំទាំងស្រុងផងដែរ ។

ផ្ទុយមកវិញ ប្រសិនបើអ្នកមានចិត្តចង់វិនិយោគ លោក រ៉ូបឺក ផ្តល់យោបល់ឲ្យជ្រើសរើសការវិនិយោគដែលមានហានិភ័យទាបដែលអនុញ្ញាតឲ្យអ្នកប្តូរយកលុយវិញបានលឿននៅពេលដែលអ្នកត្រូវការវានៅថ្ងៃអនាគត ៕