កាលពី៧ឆ្នាំមុន លោកឡារី លូបាស្គី (Larry Lubarsky) មិនមានការងារធ្វើទេ ហើយមានបំណុលប្រមាណ១០ម៉ឺនដុល្លារជាប់ខ្លួនទៀត។ ប៉ុន្តែបច្ចុប្បន្ននេះ អាជីវករអាយុ ៣៨ឆ្នាំរូបនេះមានអាជីវកម្មមួយផ្ទាល់ខ្លួនដែលរកលុយរាប់លានដុល្លារដោយលក់ផលិតផលរាប់ពាន់មុខលើ…
កាលពី៧ឆ្នាំមុន លោកឡារី លូបាស្គី (Larry Lubarsky) មិនមានការងារធ្វើទេ ហើយមានបំណុលប្រមាណ១០ម៉ឺនដុល្លារជាប់ខ្លួនទៀត។ ប៉ុន្តែបច្ចុប្បន្ននេះ អាជីវករអាយុ ៣៨ឆ្នាំរូបនេះមានអាជីវកម្មមួយផ្ទាល់ខ្លួនដែលរកលុយរាប់លានដុល្លារដោយលក់ផលិតផលរាប់ពាន់មុខលើ Amazon។
លោកបានប្រាប់ដល់ CNBC Make It ថា លោករកលុយបានពីការទិញផលិតផលជាច្រើនប្រភេទក្នុងទ្រង់ទ្រាយធំ មិនថាជាគ្រឿងអេឡិចត្រូណិច ឬផលិតផលសម្រាប់កូនក្មេងដូចជារបស់លេង និងម្សៅទឹកដោះគោទេ។ ឧទាហរណ៍ដូចជាលោកទិញរបស់លេងកូនក្មេងក្នុងតម្លៃ១០ដុល្លារ តែអាចដាក់លក់ក្នុងតម្លៃ២០ដុល្លារបានលើ Amazon ដោយងាយស្រួល។
កាលពីឆ្នាំ ២០១៧ អាជីវកម្មរបស់លោករកចំណូលបានដល់ទៅ ១៨លានដុល្លារក្នុងមួយឆ្នាំ និងប្រាក់ចំណេញបាន ៤លានដុល្លារផងដែរ។ លោកបានចែករំលែកថាលោកចាប់ផ្តើមអាជីវកម្មនេះជាមួយនឹងលុយរបស់មិត្តភក្តិម្នាក់ចំនួន ៦ម៉ឺនដុល្លារ។ លោកបានចំណាយប្រមាណ ១ម៉ឺនដុល្លារលើការជួលការិយាល័យតូចមួយ និងលើសម្ភារៈសម្រាប់ផ្ញើទំនិញ។
បន្ទាប់មកលោកបានប្រើលុយដែលនៅសល់ដើម្បីទិញផលិតផលដំបូងដែលរួមមានផលិតផលខុសៗគ្នាចំនួន ១០០ មុខដែលលោកដឹងថាមានប្រជាប្រិយភាពលើ Amazon។ លោកបានទិញផលិតផលទាំងនោះពីកន្លែងលក់ដុំ ឬក្រុមហ៊ុនផ្ទាល់។
ប៉ុន្តែលោកលូបាស្គីមានថ្ងៃនេះព្រោះតែលោកបានធ្វើការស្រាវជ្រាវយ៉ាងច្បាស់លាស់លើផលិតផលមុនពេលធ្វើការសម្រេចចិត្តទិញ និងព្យាយាមជ្រើសផលិតផលដែលអាចរកប្រាក់ចំណេញបានយ៉ាងតិចក៏ ៣០%ដែរ។
ក្រៅពីនេះហើយ លោកក៏បានវិនិយោគលើអាជីវកម្មរបស់លោកវិញដែរដូចជាទិញផលិតផលកាន់តែច្រើនដើម្បីដាក់លក់ជាដើម។ លុយ ៥ម៉ឺនដុល្លារដែលលោកបានយកទៅទិញផលិតផលបានរកមកវិញបាន ៧ម៉ឺនដុល្លារ ហើយលោកយកទាំង ៧ម៉ឺនដុល្លារទៅទិញផលិតផលថ្មីទៀតដែលរកបាន ១០ម៉ឺនដុល្លារឲ្យលោកវិញ។
លោកបានផ្តល់ដំបូន្មានដល់អ្នកលក់អនឡាញដូចលោកថា អ្នកត្រូវតែចាត់ទុកវាដូចជាអាជីវកម្មពេញម៉ោងមួយដែរ ដើម្បីអាចទទួលបានការជោញជ័យបាន ព្រោះវាត្រូវការការយកចិត្តទុកដាក់ពីអាជីវករណាស់៕
ចែករំលែកព័តមាននេះ