រ៉ូ លីន បោះពាក្យយ៉ាងចាក់ដោត បើមាននារីណាព្រមទទួល លោកនឹងឯកភាព!
- ភ្នំពេញ
រាជធានីភ្នំពេញ ៖ តារាចម្រៀង រ៉ូ លីន ដែលនិយមតុបតែងកាយជានារី ហើយលេងសើច ក្រមិចក្រមើម ស្រាប់តែបោះពាក្យសំដីមួយឃ្លាយ៉ាងចាក់ដោតតែម្តង។ លោក…
រាជធានីភ្នំពេញ ៖ តារាចម្រៀង រ៉ូ លីន ដែលនិយមតុបតែងកាយជានារី ហើយលេងសើច ក្រមិចក្រមើម ស្រាប់តែបោះពាក្យសំដីមួយឃ្លាយ៉ាងចាក់ដោតតែម្តង។ លោក ស្រាប់តែ ប្រកាសជំហរចង់បានប្រពន្ធ ដោយសារក្នុងសារធាតុខ្លួនជាមនុស្សប្រុស ។
លោក ជួប ច័ន្ទកក្កដា ហៅ រ៉ូ លីន នៅតែប្រកាន់ជំហរមិនកែភេទ ហើយមិនប្តូរទិសឡើយ នៅពេលមុខ និងរើសនារីម្នាក់ធ្វើប្រពន្ធ បើសិនជាត្រូវនារីមិនប្រកាន់ចរិកពីធម្មជាតិ។ បើទោះជាពេលនេះនៅមិនទាន់ក្លាហាននិយាយថា ជាប្រុសពេញលក្ខណៈ តែចិត្តវិញចង់មាន ប្រពន្ធ និងកូនតពូជ។
យ៉ាងណា រ៉ូ លីន មិនដឹងថា អាចធ្វើចិត្តលះចេញជាប្រុសបានឬអត់ទេ? បើនៅលើឆាកសម្តែងនាងលេងសើចឡើងញែកពេញហ្នឹង ឱ្យគេយល់ច្រឡំបាត់ទៅហើយនោះ។ រ៉ូ លីន ដែលមានសំឡេងច្រៀងកាច់ស្ទីល ប៉ែន រ៉ន ថ្លែងថា បើថ្ងៃណាមួយ វាសនាប្រែប្រួល គឺ លោកនឹងប្តូរជំហរកសាងសុខសុភមង្គល មានប្រពន្ធ មានកូន តបតាមបំណងរបស់ម្តាយ ដែលធ្លាប់ផ្តាំ។
ប្រពន្ធអាចយកបាន នៅពេលលោកលាឈប់ពីសិល្បៈ ។ ម្ល៉ោះហើយទើបលោកមិនដូរភេទ ទោះជាមានគេបបួលឱ្ វះកាត់ ក៏មិនព្រមឡើយ ។ ម្យ៉ាងមិនអាចទ្រាំការចាក់ដោតមុខម្ជុលបានឡើយ។ លោកតែងខ្លួនជាស្រី តែលើឆាកទេ តែពេលចេញទៅណាមកណា តែងតួជាប្រុសឱ្យសុទ្ធ ដូចមនុស្ស២ផ្សេងគ្នា។ (កែសម្រួលដោយ ៖ បុប្ផា)
ចែករំលែកព័តមាននេះ