មានរឿងអ្វីលោក ស៊ុន ចាន់ថុល ទៅជួបភរិយាអធិរាជសំឡេងមាស ស៊ីន ស៊ីសាមុត ?
- ភ្នំពេញ
រាជធានីភ្នំពេញ៖ ថ្មីៗនេះលោកទេសរដ្ឋមន្ត្រី ស៊ុន ចាន់ថុល បានចុះសួរសុខទុក្ខភរិយាអធិរាជសំឡេងមាស ស៊ីន ស៊ីសាមុត លោកយាយ ខាវ ថងញ៉ុត…
រាជធានីភ្នំពេញ៖ ថ្មីៗនេះលោកទេសរដ្ឋមន្ត្រី ស៊ុន ចាន់ថុល បានចុះសួរសុខទុក្ខភរិយាអធិរាជសំឡេងមាស ស៊ីន ស៊ីសាមុត លោកយាយ ខាវ ថងញ៉ុត…
រាជធានីភ្នំពេញ៖ ថ្មីៗនេះលោកទេសរដ្ឋមន្ត្រី ស៊ុន ចាន់ថុល បានចុះសួរសុខទុក្ខភរិយាអធិរាជសំឡេងមាស ស៊ីន ស៊ីសាមុត លោកយាយ ខាវ ថងញ៉ុត នៅខេត្តស្ទឹងត្រែង បង្កឲ្យមានការចាប់អារម្មណ៍ជាខ្លាំងពីសំណាក់មហាជនថាតើលោករដ្ឋមន្ត្រីមានការអ្វីនៅទីនោះ ។
យ៉ាងណាមិញប្រភពព័ត៌មានពីក្រសួងសាធារណការនិងដឹកជញ្ជួនបានឲ្យដឹងថា បន្ទាប់ពីដំណើរចុះជួបសំណេះសំណាលជាមួយមន្ត្រីរាជការ បុគ្គលិក និងកម្មករនៃមន្ទីរសាធារណការ និងដឹកជញ្ជូនខេត្តរតនគិរីរួចមក នារសៀលថ្ងៃអង្គារ ទី០៩ ខែមិថុនា ឆ្នាំ២០២០ លោក ស៊ុន ចាន់ថុល រដ្ឋមន្ត្រីក្រសួងសាធារណការ បានឆ្លៀតឱកាសអញ្ជើញ ចូលសួរសុខទុក្ខលោកយាយ ខាវ ថងញ៉ុត ភរិយារបស់លោកតា ស៊ីន ស៊ីសាមុត អធិរាជសំឡេងមាស និងបានពិនិត្យមើលផ្ទះចាស់ដែលលោកតាធ្លាប់បានរស់នៅ និងដើមមៀនដែលលោកតាបានដាំមានអាយុជិត១០០ឆ្នាំ ឋិតនៅក្នុងខេត្តស្ទឹងត្រែង។
នាឱកាសនោះ លោករដ្ឋមន្ត្រី បាននាំយកនូវកន្ត្រក់ផ្លែឈើ និងថវិកាមួយចំនួនជួនដល់លោកយាយ សម្រាប់ជួយទ្រទ្រង់ជីវភាពរស់នៅប្រចាំថ្ងៃបានមួយចំណែកផងដែរ។
សូមរម្លឹកផងដែរថា កាលពីខែវិច្ឆិកា ឆ្នាំ២០១៥ ក្រោមគំនិតផ្តួចផ្តើម របស់លោក ស៊ុន ចាន់ថុល ក្នុងនាមជារដ្ឋមន្ត្រីក្រសួងពាណិជ្ជកម្មនាពេលនោះ និងជាប្រធានគណៈកម្មាធិការជាតិកម្មសិទ្ធិបញ្ញា បានដឹកនាំរៀបចំកម្មវិធីប្រគុំតន្ត្រីសប្បុរសធម៌ក្រោមចំណងជើងថា៖ «ពេលវេលាដែលត្រូវតបស្នង – វិភាគទានចំពោះ អធិរាជសំឡេង មាស លោក ស៊ីន ស៊ីសាមុត» និងបានរៃអង្គាសថវិកាដើម្បីជួលដល់ក្រុមគ្រួសារលោកយាយ។ ថវិកាដែលទទួលបានពីសប្បុរសជន បាន ជួយលើកស្ទួយកម្រិតជីវភាពលោកយាយ និងក្រុមគ្រួសារបានមួយកម្រិតផង ដែរ ។
អ្វីដែលគួរឲ្យចាប់អារម្មណ៍នោះតាមរយៈរូបថតជាច្រើនសន្លឹករបស់លោករដ្ឋមន្ត្រីពេលចុះទៅផ្ទះអធិរាជសម្លេងមាស គឺបានឃើញផ្ទះឈើចាស់ និងផ្ទាំងរូបភាពនៅច្រកទ្វារផ្ទះដាក់សម្គាល់ផ្ទះលោកស៊ីន ស៊ីសាមុត ផងដែរ ៕
ចែករំលែកព័តមាននេះ