ការផ្ទុះនូវជំងឺកូវីដ ១៩ ជុំវិញពិភពលោក បានបង្ខំឲ្យមនុស្សកាត់បន្ថយការប្រាស្រ័យទាក់ទងគ្នាផ្ទាល់មុខ ដើម្បីទប់ស្កាត់ការរាតត្បាត ។ សម្រាប់មនុស្សមួយចំនួន ពួកគេនៅមិនទាន់សម្របខ្លួនបាននៅឡើយសម្រាប់ស្ថានការថ្មីនេះទេ តែសម្រាប់មនុស្សមួយក្រុមទៀតវិញ ពួកគេបានធ្វើឲ្យវាក្លាយជាឱកាសរកលុយទៅវិញ…
ការផ្ទុះនូវជំងឺកូវីដ ១៩ ជុំវិញពិភពលោក បានបង្ខំឲ្យមនុស្សកាត់បន្ថយការប្រាស្រ័យទាក់ទងគ្នាផ្ទាល់មុខ ដើម្បីទប់ស្កាត់ការរាតត្បាត ។ សម្រាប់មនុស្សមួយចំនួន ពួកគេនៅមិនទាន់សម្របខ្លួនបាននៅឡើយសម្រាប់ស្ថានការថ្មីនេះទេ តែសម្រាប់មនុស្សមួយក្រុមទៀតវិញ ពួកគេបានធ្វើឲ្យវាក្លាយជាឱកាសរកលុយទៅវិញ ។
ការសិក្សាបានបង្ហាញមកថា មនុស្សដែលមានអារម្មណ៍ឯការច្រើនអាចបង្កការប៉ះពាល់ដល់សុខភាពផ្លូវកាយដូចជាប៉ះពាល់ដល់បេះដូងជាដើម ។ កញ្ញា ខារេន ដូលវ៉ា (Karen Dolva) ដែលជាសហស្ថាបនិកក្រុមហ៊ុន No Isolation បានយល់ដឹងពីបញ្ហានេះច្បាស់លាស់ ។
ក្នុងរយៈពេល ៥ឆ្នាំ កន្លងមកនេះ សហគ្រិនខាងលើបានព្យាយាមរកដំណោះស្រាយសម្រាប់ភាពឯការរបស់មនុស្ស និងបញ្ហាសុខភាពដែលពាក់ព័ន្ធដទៃទៀតសម្រាប់កុមារ និងមនុស្សចាស់ជរាតាមរយៈបច្ចេកវិទ្យាដែលអាចផ្តល់អារម្មណ៍កក់ក្តៅដល់អ្នកប្រើប្រាស់ ។ ផលិតផលទាំងនេះ មានគោលដៅជំនួសការទំនាក់ទំនងផ្លូវកាយ និងជួយដល់ការប្រាស្រ័យទាក់ទងគ្នាផងដែរដូចជា ថាប្លេត ដែលងាយស្រួលប្រើជាដើម ។
ប៉ុន្តែការផ្ទុះនូវកូវីដ ១៩ បានបង្កឲ្យមានការផ្លាស់ប្តូរក្នុងទីផ្សារនេះ ហើយតម្រូវការសម្រាប់ផលិតផលរបស់ No Isolation បានកើនឡើងយ៉ាងខ្លាំង ជាពិសេសក្នុងចំណោមមនុស្សចាស់ជរាដែលត្រូវស្នាក់នៅផ្ទះម្នាក់ឯងឆ្ងាយពីកូនៗ និងញាតិមិត្តដទៃ ។
ក្រៅពីនេះហើយ កូវីដ ១៩ ក៏បង្កផលប៉ះពាល់ដល់សុខភាពផ្លូវចិត្តរបស់មនុស្សដែរ ។ ដោយហេតុដូច្នេះទើបលោក ខាលវីន បេនថុន (Clavin Benton) មើលឃើញការជោគជ័យកាន់តែខ្លាំងឡើងសម្រាប់កម្មវិធី Spill របស់លោក ។ តាំងពីបានបង្កើតមកនៅឆ្នាំ ២០១៨ Spill ផ្តល់សេវាព្យាបាលបញ្ហាផ្លូវចិត្តតាមការផ្ញើសារអនឡាញ ។
សហគ្រិនអាយុ ២៧ឆ្នាំនេះ បាននិយាយថា Spill កាន់តែមានសារៈសំខាន់បន្ទាប់ពីការផ្ទុះជំងឺកូវីដ ១៩នេះ ។ ក្នុងរយៈពេល ២ខែកន្លងមកនេះ Spill ទទួលបានសំណើរអ្នកប្រើប្រាស់ច្រើនជាងគេបង្អស់ក្នុងកំឡុងពេល ២ឆ្នាំកន្លងមក ។
ក្រៅពីនេះហើយ អារម្មណ៍ឯកការអាចបង្កឲ្យមានអារម្មណ៍ធុញទ្រាន់ផងដែរ ។ អ្នកស្រី ដេនញែល បាស្គីន (Danielle Baskin) ដែលជាសហស្ថាបនិកក្រុមហ៊ុន QuarantineChat បានព្យាយាមដោះស្រាយបញ្ហានេះ ដោយបង្កើតកម្មវិធីទូរស័ព្ទជួយតភ្ជាប់ទូរស័ព្ទមនុស្សដែលមិនធ្លាប់ស្គាល់គ្នាពីមុនមកដោយចៃដន្យដើម្បីកាត់បន្ថយភាពឯកការ ៕ ដកស្រង់ចេញពីវេបសាយ ៖ cnbc
ចែករំលែកព័តមាននេះ