ការផ្ទុះជំងឺកូវីដ ១៩ បានបង្កការប៉ះពាល់យ៉ាងធ្ងន់ធ្ងរដល់សេដ្ឋកិច្ចប្រទេសចិន។ ខ្សែសង្វាក់ផលិតកម្មរបស់ប្រទេសបានបរាជ័យទាំងស្រុង ហើយរោងចក្រក៏បានបិទដំណើរការដែរ។ ប៉ុន្តែបន្ទាប់ពីការផ្ទុះជំងឺនេះ មនុស្សក៏បានបង្កើតចេញនូវអាជីវកម្មថ្មីៗដើម្បីឆ្លើយតបនឹងស្ថានការថ្មីនេះ។ ខាងក្រោម គឺជាគំនិតរកស៊ីថ្មីៗក្នុងប្រទេសចិនដែលកើតចេញបន្ទាប់ពីកូវីដ ១៩បានផ្ទុះឡើង៖
១. ការកម្សាន្តអនឡាញ
ព្រោះតែប្រទេសចិនសម្រេចចិត្តបិទប្រទេសកន្លែងកម្សាន្តនានាដូចជា រោងភាពយន្តក៏បានបិទដំណើរការដែរ ។ ជាលទ្ធផល វីឌីអូខ្លីៗប្រមាណ៦០០លានវីឌីអូត្រូវបានថត និងបង្ហោះលើអ៊ីនធើណែត ។ តារាកាន់តែច្រើនបានងាកទៅកាន់ប្រព័ន្ធអ៊ីនធើណែតជាវេទិកាសម្រាប់ការសម្តែងទេពកោសល្យរបស់ខ្លួន និងកំពុងតែមានប្រជាប្រិយភាពកាន់តែខ្លាំងឡើងក្នុងប្រទេសចិនផងដែរ។
២. កម្មវិធីផ្តល់សេវាដឹកជញ្ជូន
ព្រោះតែការភ័យខ្លាចចម្លងជំងឺកូវីដ ១៩ ប្រជាជនចិនភាគច្រើនព្យាយាមជៀសវាងហាងលក់ទំនិញដែលមានមនុស្សច្រើន។ ជាលទ្ធផល កម្មវិធីទូរស័ព្ទដែលផ្តល់សេវាកម្មដឹកជញ្ជីនអាហារមានប្រជាប្រិយភាពយ៉ាងខ្លាំង។ អាជីវករដែលធ្លាប់តែស្ទាក់ស្ទើរលើប្រព័ន្ធអ៊ីនធើណែតបច្ចុប្បន្ននេះកំពុងតែព្យាយាមងាកទៅរួមបញ្ចូលវាក្នុងអាជីវកម្មដែរ។
៣. ការលេងហ្គេមអនឡាញ
ព្រោះតែមនុស្សត្រូវបានបង្ខំឲ្យនៅក្នុងផ្ទះ តម្រូវការហ្គេមអលឡាញបានកើនឡើងយ៉ាងខ្លាំង ហើយអ្នកដែលធ្វើការ Live ខ្លួនលេងហ្គេមក៏បានកើនឡើងច្រើនជាង ៥០០ភាគរយទៅទៀត។ បច្ចុប្បន្ននេះ វិស័យហ្គេមអនឡាញរបស់ប្រទេសចិនមានតម្លៃប្រមាណ២១៩លានដុល្លារឯណោះ។
៤. ការអប់រំអនឡាញ
ស្ថាប័នសិក្សាជុំវិញប្រទេសចិនបានប្តូរទៅផ្តល់ការអប់រំអនឡាញវិញដែលបង្កឲ្យមានកំណើនតម្រូវការឯកសារអនឡាញកាន់តែច្រើនដែរក។ អត្រានៃការទាញកម្មវិធីអប់រំលើទូរស័ព្ទដៃបានកើនឡើងជិត ៣០០%ឯណោះកាលពីត្រីមាសទីមួយនាឆ្នាំនេះបើប្រៀបធៀបនឹងឆ្នាំ ២០១៩។
៥. ការធ្វើលំហាត់ប្រាណអនឡាញ
ព្រោះតែកន្លែងធ្វើលំហាត់ប្រាណបានបិទដំណើរការព្រោះតែកូវីដ ១៩ បុគ្គលដែលស្រលាញ់សុខភាពទូទាំងប្រទេសបានចាប់ផ្តើមស្រលាញ់ចូលចិត្តកម្មវិធីធ្វើលំហាត់ប្រាណអនឡាញវិញ។ កម្មវិធីទាំងនេះបានជួយឲ្យមនុស្សធ្វើលំហាត់ប្រាណនៅផ្ទះជាយូរមកហើយ ប៉ុន្តែតម្រូវការមិនដែលខ្ពស់ដូចពេលបច្ចុប្បន្នទេ។ ជាលទ្ធផល អ្នកបង្កើតកម្មវិធីធ្វើលំហាត់ប្រាណក៏មើលឃើញប្រាក់ចំណូលកើនឡើងដែរ។
ចែករំលែកព័តមាននេះ