រាជធានីភ្នំពេញ៖ យុវជនមួយក្រុមបានបង្កើតនូវភាពអស្ចារ្យតាមរយៈការស្វែងរកកន្លែងដើរកំសាន្តនៅក្នុងប្រទេសកម្ពុជាសម្រាប់អ្នកដែលចូលចិត្តកន្លែងដើរកំសាន្តនៅតំបន់រមណីយដ្ឋានានា ជាពិសេសសម្រាប់ដំណើរកំសាន្តខ្លួនឯងផង ក្នុងការស្វេងរកអ្វីដែលថ្មីផងដែរ ។ ក្រុមយុវជននេះមានឈ្មោះថា រត់ចោលស្រុក ( Run away) ដែលជាក្រុមដែលចូលចិត្តដើរកំសាន្ត ស្វែងរកតំបន់ថ្មីដែលគ្រប់គ្នាមិនទាន់បានស្គាល់យកមកបង្ហាញជូនបងប្អូនបានដឹង ។
អ្នកចាប់ផ្តើមបង្កើតក្រុមមួយនេះ លោក វ៉ា សុវណ្ណាបុង បានលើកឡើងថា « ក្រុមរបស់ខ្ញុំបានបង្កើតឡើងនៅចុងឆ្នាំ២០១៧ ប៉ុន្តែបានចាប់ផ្តើមនៅដើមឆ្នាំ២១០៨ ក្នុងគោលបំណង ស្វែងរកកន្លែងថ្មីនៅក្នុងប្រទេស ក៏ដូចជាក្រៅប្រទេស ដើម្បីជាគំនិតមួយអោយអ្នកដែលចង់ដើរលេង ដោយមិនដឹងទៅកន្លែងណាមួយ ហើយចង់ដើរលេង ដែលអាចអោយពួកគេចំណាយតិច បានកន្លែងប្លែកៗ ហើយសប្បាយ»។
ក្រុមមួយនេះមានសមាជិករហូតដល់ ៧នាក់ ដែលបានបែងចែកទៅតាមតួនាទីរៀងខ្លួននៅពេលចាប់ផ្តើមគំរោងទៅទីកន្លែងណាម្តងៗ ក្នុងគោលបំណងកើតចេញពីការស្រលាញ់ ចំណង់ចំណូលចិត្តទៅលើការដំណើររកំសាន្ត សម្រាប់ជាប្រយោជន៏ដល់សង្គមជាតិ។
ដោយមានទឹកចិត្តស្រលាញ់ ដំបូងក្រុមមួយនេះបានចំណាយថវិកាផ្ទាល់ខ្លួនក្នុងការទិញសម្ភារៈផ្សេងៗ នៅពេលធ្វើដំណើរ ។ នាពេលបច្ចុប្បន្ន ដោយមើលឃើញពីស្នាដៃនៃការខិតខំប្រឹង យុវជនមួយក្រុមនេះ ទទួលបានការចាប់អារម្មណ៍ និងមានចំនួនអ្នកស្គាល់ជាច្រើនជាពិសេសយុវវ័យដែលចូលចិត្តកន្លែងដំណើរកំសាន្ត ជាពិសេសកន្លែងស្អាតៗមួយចំនួននៅក្នុងប្រទេស។
លោក វ៉ា សុវណ្ណាបុង បានបន្ថែមថា« រាល់អ្នកដែលចង់បង្កើតក្រុមទាំងអស់សុទ្ធតែមានឧបសគ្គនៅខាងមុខ ហើយអ្វីដែលអាចធ្វើបានគឺត្រូវលះបង់នៅក្នុងបន្តទៅមុខទៀត ហើយសម្រាប់អ្នកដែលចង់បង្កើតក្រុមនោះ គឺកុំព្យាយាមសម្លឹងមើលឃើញតែប្រយោជន៏ ដែលផ្តោតសំខាន់ទៅលើថវិកានោះទេ ប៉ុន្តែត្រូវសំលឹងមើលសង្គមដែលជុំវិញខ្លួន»។
ជាចុងក្រោយ ដោយមានចិត្តស្រលាញ់ យុវជនមួយក្រុមនះនៅតែបន្តស្វែងរកអ្វីដែលថ្មីបន្ថែមទៀតជូនអ្នកគាំទ្រ ដែលតែងតែតាមដាន និងចូលចិត្តមើលក្រុមផ្សងព្រេងមួយនេះ ។
តោះទៅទស្សនារូបភាពរបស់ពូកគេថាតើមានភាពស្រស់ស្អាត ប្លែកយ៉ាងណាខ្លះ៖
ចែករំលែកព័តមាននេះ