ស្ថានភាពជំងឺអតីតតារាកំប្លែង នាយសង់ស៊ីស ចូលដល់ការវង្វេង
- ភ្នំពេញ
រាជធានីភ្នំពេញ ៖ រហូតមកទល់ពេលនេះ អតីតតារាកំប្លែង លោក ម៉ារីសុន ហៅនាយសង់ស៊ីស ដែលមានជំងឺលើសឈាម រហូតនិយាយមិនបាន ស្ថិតក្នុងភាពមួយប្រសើរ…
រាជធានីភ្នំពេញ ៖ រហូតមកទល់ពេលនេះ អតីតតារាកំប្លែង លោក ម៉ារីសុន ហៅនាយសង់ស៊ីស ដែលមានជំងឺលើសឈាម រហូតនិយាយមិនបាន ស្ថិតក្នុងភាពមួយប្រសើរ បើមើលលើសុខភាព។ ប៉ុន្តែលោកអ៊ុំ ត្រូវបានសាច់ញាតិព្រួយបារម្ភ ដោយសារតែឧស្សាហ៍វង្វេងដើរចោលផ្ទះ ប្រសិនបើមិនមានអ្នកណានៅជិតតាមមើលថែគាត់ទេនោះ។
លោកតា សង់ ស៊ីស ចូលឆ្នាំថ្មីនេះ មានអាយុ៧៥ឆ្នាំទៅហើយ។ លោកតាត្រូវបានជំងឺឡើងឈាម រហូតបញ្ជូនទៅសង្គ្រោះព្យាបាលរាប់ខែ ទំរាំតែវិលមករកភាពប្រសើរវិញបានដល់ពេលនេះ។ រឿងម្យ៉ាងដែលមិននឹកដល់ លោកតាជាតារាល្បីឈ្មោះម្នាក់នេះ ព្រោះតែកម្រិតឈាមឡើងខ្ពស់ធ្វើឱ្យទាញមាត់ ដៃ រហូតធ្វើឱ្យរូបគាត់និយាយលែងកើត។ លោកតា ត្រូវបាត់បង់ឱកាសថតសម្តែង ដើម្បីផ្សំថវិកាជួយគ្រួសារដូចមុនជាច្រើនខែ ហើយអ្វីៗគឺបានកូនចៅជាអ្នករ៉ាប់រង មើលថែរូបគាត់ជាប្រចាំ។
ជុំវិញស្ថានភាពជំងឺនាយកំប្លែងជើងចាស់នេះ វិវត្តន៍បែបណានោះ អ្នកនាង សុន ស្រីពេជ្រ ដែលជាកូន និងជាតារាចម្រៀងលេចធ្លោ បានឱ្យដឹងថា «ជំងឺលោកឪពុករបស់នាង មានភាពប្រសើរ សុខភាពល្អធម្មតា ប៉ុន្តែគាត់វង្វេងច្រើនណាស់ ឧស្សាហ៍ដើរទៅនេះ ទៅនោះបើមិនតាមមើលគាត់ឱ្យល្អិតល្អន់ទេនោះ គឺរកគាត់មិនឃើញនោះទេ»។
អ្នកនាងបន្តថា មានពេលមួយគាត់ដើរចេញពីផ្ទះ ដោយមិនមានអ្នកដឹង ទៅទើនៅហាងកាហ្វេមួយកន្លែងម្តុំផ្ទះ គេក៏ឃាត់គាត់ទុក ដើម្បីកុំឱ្យសាច់ញាតិតាមរកឆ្ងាយ។ គ្រានោះកូនចៅបាននាំគ្នាជិះម៉ូតូរករូបគាត់ឡើងបុកពោះ តែគេស្គាល់គាត់ក៏ឃាត់គាត់ទុកមួយកន្លែង ។ យ៉ាងណា ឪពុកនាងនៅប្រើថ្នាំពេទ្យម្តងម្កាល ដើម្បីជំនួយសុខភាព បើការនិយាយវិញ គាត់និយាយឡុលៗ មិនច្បាស់នោះទេ។ (កែសម្រួលដោយ ៖ បុប្ផា)
ចែករំលែកព័តមាននេះ