រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រី ក្រសួងមហាផ្ទៃបានអនុញ្ញាត្តឲ្យបង្កើតគណបក្សឯកភាពជាតិខ្មែរឈ្មោះ សរសេរជាអក្សរកាត់ «គ.ឯ.ជ.ខ» និងមានអាសយដ្ឋាន…
រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រី ក្រសួងមហាផ្ទៃបានអនុញ្ញាត្តឲ្យបង្កើតគណបក្សឯកភាពជាតិខ្មែរឈ្មោះ សរសេរជាអក្សរកាត់ «គ.ឯ.ជ.ខ» និងមានអាសយដ្ឋាន នៃទីស្នាក់ការកណ្ដាល ស្រុកបរិបូណ៍ ខេត្តកំពង់ឆ្នាំង ។
យោងតាមសេចក្តីជូនដំណឹងរបស់ក្រសួងមហាផ្ទៃដែលចុះហត្ថលេខាដោយសម្តេច ស ខេង នៅថ្ងៃទី២១ ខែមេសា ឆ្នាំ២០២០ ថាក្រសួងមហាផ្ទៃ អនុញ្ញាត្តឲ្យបង្កើតគណបក្សឯកភាពជាតិខ្មែរ មានឈ្មោះជាអក្សរឡាតាំងថា «EKPHEAP CHEAT KHMER PARTY» សរសេរជាអក្សរកាត់ «E.C.K.P» និងមានអាសយដ្ឋាននៃទីស្នាក់ការកណ្ដាល តាំងនៅផ្ទះលេខ A០៨៦ ភូមិសាលាឃុំ ឃុំពពេល ស្រុកបរិបូណ៍ ខេត្តកំពង់ឆ្នាំង ស្របតាមបទប្បញ្ញត្តិមាត្រា៩ ត្រង់វាក្យខណ្ឌទី១ នៃច្បាប់ស្ដីពី គណបក្សនយោបាយ។
សម្តេចបានបន្តថា ដើម្បីទទួលបានសុពលភាព និងអាចធ្វើសកម្មភាពស្របតាមច្បាប់ស្ដីពីគណបក្សនយោបាយ គណបក្សឯកភាពជាតិខ្មែរ ត្រូវស្នើសុំចុះបញ្ជីនៅក្រសួងមហាផ្ទៃ ស្របតាមមាត្រា៩ ត្រង់វាក្យខណ្ឌទី២ មាត្រា១៨ថ្មី មាត្រា១៩ថ្មី និងមាត្រា២០ នៃច្បាប់ស្ដីពីគណបក្សនយោបាយ៕
ចែករំលែកព័តមាននេះ