សហរដ្ឋអាមេរិក ៖ ជំងឺរលាកសួតថ្មី បង្កឡើងដោយវីរុសកូវីដ១៩ កំពុងវាយលុយយ៉ាងចាស់ដៃនៅសហរដ្ឋអាមេរិកនោះ ពេលនេះ បានរីករាលដាលដល់តំបន់សួនសត្វមួយកន្លែង បន្ទាប់ពីសត្វខ្លាញីពូជ ម៉ាឡេម៉ា អាយុ៤ឆ្នាំ នៅសួនសត្វ Bronx Zoo ត្រូវបានធ្វើតេស្តរកឃើញផ្ទុកវីរុសកូវីដ១៩ នេះ។
សត្វខ្លាញីខាងលើនេះ មានឈ្មោះថា Nadia ស្ថិតនៅសួនសត្វ Bronx មានទីតាំងនៅក្នុងទីក្រុងញូវយ៉ក ត្រូវបានធ្វើតេស្តរកវីរុស ហើយលទ្ធផលតេស្ត ត្រូវបានបញ្ជាក់ដោយមន្ទីរពិសោធន៍សេវាពេទ្យសត្វជាតិនៅរដ្ឋ Iowa ថា ពិតជាមានផ្ទុកមេរោគឆ្លងមួយនេះយ៉ាងពិតប្រាកដ នាំឲ្យខ្លាញីមួយក្បាលនេះ ត្រូវបានគេជឿថា ជាករណីដំបូងដែលត្រូវបានគេរកឃើញ និងទទួលស្គាល់ថា ជាសត្វខ្លាដែលបានឆ្លងវីរុសពីមនុស្សដែលមានផ្ទុកវីរុស Covid-19 ។
សូមបញ្ជាក់ថា Nadia រួមជាមួយសត្វឆ្មាធំៗ ចំនួន៦ក្បាលទៀត ត្រូវបានគិតថា ពួកវាត្រូវបានចម្លងមេរោគពីមនុស្ស ដែលជាមានតួនាទីជាអ្នកថែសួនសត្វ asymptomatic ។
លោក Paul Calle ប្រធានពេទ្យសត្វនៅសួនសត្វខាងលើ បានប្រាប់ទីភ្នាក់ងារសារព័ត៌មានរ៉យទ័រកាលពីថ្ងៃអាទិត្យថា «នេះជាលើកទីមួយហើយ ដែលយើងដឹងថា នៅគ្រប់ទីកន្លែងក្នុងពិភពលោក មិនថាមនុស្សម្នាក់ ឬសត្វនោះទេ គឺសុទ្ធតែអាចបានឆ្លងជំងឺនេះ ហើយមនុស្សមានផ្ទុកវីរុសនេះ ក៏អាចចម្លងទៅសត្វ ហើយសត្វនឹងបានធ្លាក់ខ្លួនឈឺ» ។
លោកបាននិយាយថា លោកមានបំណងចែករំលែកការរកឃើញនេះ ជាមួយសួនសត្វនិងស្ថាប័នដទៃទៀតដែលធ្វើការស្រាវជ្រាវអំពីការបញ្ជូនវីរុស Covid-19 ៕
ចែករំលែកព័តមាននេះ