ធនាគារឯកទេស វីង (ខេមបូឌា) លីមីតធីត និងក្រុមហ៊ុន ឈេហ្វរ៉ុន (ខេមបូឌា) លីមីធីតបានចាប់ដៃគ្នា ដើម្បីជួយសម្រួលដល់អតិថិជនឲ្យកាន់តែងាយស្រួលនៅតាមស្ថានីយសេវាកម្មកាល់តិច ។…
ធនាគារឯកទេស វីង (ខេមបូឌា) លីមីតធីត និងក្រុមហ៊ុន ឈេហ្វរ៉ុន (ខេមបូឌា) លីមីធីតបានចាប់ដៃគ្នា ដើម្បីជួយសម្រួលដល់អតិថិជនឲ្យកាន់តែងាយស្រួលនៅតាមស្ថានីយសេវាកម្មកាល់តិច ។
ចាប់ពីពេលនេះតទៅ អ្នកបើកបរទាំងអស់ អាចប្រើកម្មវិធីស្មាតហ្វូនវីង ដើម្បីទូទាត់ប្រាក់តាមប្រព័ន្ធឌីជីថល នៅតាមស្ថានីយកាល់តិច បានហើយ ។ ក្រោមកិច្ចសហការនេះ ស្ថានីយកាល់តិច ទាំងអស់ ដែលបើកដំណើរការដោយក្រុមហ៊ុន ឈេហ្វរ៉ុន (ខេមបូឌា) លីមីធីត នឹងដាក់ឲ្យប្រើប្រាស់នូវសេវាកម្មទូទាត់ប្រាក់តាមបច្ចេកវិទ្យាឌីជីថលចុងក្រោយបំផុតរបស់ វីង ។ ទាំងនេះមានន័យថា អតិថិជនអាចបង់ថ្លៃប្រេងឥន្ឋនៈ ថ្លៃទំនិញ និងសេវាកម្មផ្សេងៗ និងហាងកាហ្វេផ្លាស់ នៅតាមស្ថានីយកាល់តិច តាមរយៈកម្មវិធីស្មានហ្វូនវីង ដោយលោកអ្នកគ្រាន់តែប្រើចុងម្រាមដៃចុចពីរ ឬបីដងលើទូរស័ព្ទរបស់អ្នកតែប៉ុណ្ណោះ ។
លោក ម៉ានូ រ៉ាចាន់ អគ្គនាយកនៃធនាគារឯកទេស វីង បានមានប្រសាសន៍ថា៖ «ឥឡូវនេះអតិថិជនរបស់យើងមិនចាំបាច់កាន់សាច់ប្រាក់នឹងខ្លួន នៅពេលដែលពួកគេទៅស្ថាននីយ៍កាល់តិច ឡើយ ។ អ្វីៗដែលអ្នកត្រូវការ គឺស្ថិតក្នុងកម្មវីធីស្មានហ្វូនវីង ដែលអ្នកអាចទូទាត់ការចំណាយប្រកបដោយភាពងាយស្រួល និងមានការធានា ។ ភាពជាដៃគូនេះ ពិតជាស័ក្តិសមបំផុត ។ ក្រុមហ៊ុនយើងទាំងពីរនឹងនៅជាមួយគ្នា ក្នុងការជួយដល់ប្រជាជនកម្ពុជា ដើម្បីឈានទៅរកការទូទាត់ប្រាក់តាមបែបប្រព័ន្ធឌីជីថលនាពេលអនាគត់» ។
ក្នុងរយៈពេល ១១ឆ្នាំកន្លងមកនេះ វីង បានក្លាយជាក្រុមហ៊ុនដែលមានស្លាកយីហោមួយដែលត្រូវបានគេទទួលស្គាល់ និងទុកចិត្តបំផុត ក្នុងការផ្តល់ជូនសេវាកម្មទូទាត់ប្រាក់តាមទូរស័ព្ទចល័ត និងអេឡិចត្រូនិក ដែលបានកំពុងបម្រើជូនដល់អតិថិជនជាង ៥លាននាក់ និងអាជីវករជិត ៤ម៉ឺននាក់ ។ ឥឡូវនេះសេវាកម្មវីង ត្រូវបានប្រើប្រាស់ដោយអតិថិជនកម្ពុជារាប់ចាប់ពីអាជីវករលក់ដូរតាមផ្សាររហូតដល់ការទូទាត់តាម Mastercard, Western Union, MoneyGram, Wechat, និង Alipay ជាដើម ។
លោក Daniel Hwang ប្រធានផ្នែកផលិតផលនៃក្រុមហ៊ុន ឈេហ្វរ៉ុន កម្ពុជា បានមានប្រសាសន៍ថា៖ «យើងពិតជាមានសេចក្តីសោមនស្សរីករាយជាទីបំផុត ដែលបានចាប់ដៃគូជាមួយ វីង ដែលជាធនាគារចល័តឈានមុខគេមួយនៅកម្ពុជា ក្នុងការផ្តល់ដំណោះស្រាយទូទាត់ប្រាក់ដោយឥតគិតថ្លៃដល់អតិថិជនរបស់កាល់តិច ។ យើងកំពុងតែធ្វើឲ្យប្រសើរឡើងនូវការទូទាត់ប្រាក់តាមប្រព័ន្ធអេឡិចត្រូនិក ដើម្បីផ្តល់ភាពងាយស្រួលដល់អតិថិជន និងដើម្បីឆ្ពោះទៅរកបដិវត្តនៃសម័យឌីជីថល» ។
ក្រុមហ៊ុន ឈេហ្វរ៉ុន (ខេមបូឌា) លីមីធីត បានអភិវឌ្ឍខ្លួនយ៉ាងឆាប់រហ័សចាប់តាំងពីចូលទីផ្សារកម្ពុជាក្នុងឆ្នាំ ១៩៩៥ ។ ឥឡូវនេះ ក្រុមហ៊ុន ឈេហ្វរ៉ុន នៅកម្ពុជាបានដាក់ឲ្យដំណើរការស្ថានីយកាល់តិចចំនួន ២៨កន្លែងនៅក្នុងប្រទេស ក្នុងនោះ ១៨ស្ថានីយស្ថិតនៅក្នុងរាជធានីភ្នំពេញ ។ ទន្ទឹមគ្នានេះដែរ ក្រុមហ៊ុន ឈេហ្វរ៉ុន (ខេមបូឌា) លីមីតធីតបានដាក់ឲ្យដំណើរការផ្សារស្តារម៉ាតចំនួន ១៧ និងហាងកាហ្វេចំនួន ២២ រួមទាំងកន្លែងផ្តូរប្រេងម៉ាស៊ីន ៣កន្លែងនៅទូទាំងព្រះរាជាណាចក្រផងដែរ ។
ស្ថានីយសេវាកម្មកាល់តិចចំនួន ៨សាខានៅទីក្រុងភ្នំពេញបានចាប់ផ្តើមដាក់ដំណើរការប្រើប្រាស់សេវាទូទាត់ប្រាក់តាមប្រព័ន្ធឌីជីថលរបស់ វីង រួចរាល់ហើយ ខណៈពេលស្ថានីយផ្សេងទៀតនឹងត្រូវបានដាក់ដំណើរការឆាប់ៗ ។ អ្នកបើកបរយានយន្តអាចស្វែងរកស្ថានីយដែលបម្រើសេវាកម្មនេះ តាមទីកន្លែងដូចជា៖ សាខាពោធិ៍ចិនតុង សាខាជ្រោយចង្វា សាខាកែងផ្លូវព្រះមុនីវង្ស សាខាផ្លូវព្រះសីហនុ សាខាបូកគោ សាខាជិតមន្ទីពេទ្យកាល់ម៉ែត សាខាចាក់អង្រែក្រោម សាខាបឹងត្របែក និងសាខាពេទ្យលោកសង្ឃ ។
ទាំង វីង និង ឈេហ្វរ៉ុន កម្ពុជា សុទ្ធតែមានចក្ខុវិស័យដូចគ្នាក្នុងការធ្វើឲ្យប្រសើរឡើងនៅជីវិតរស់នៅប្រចាំថ្ងៃរបស់ជាជនកម្ពុជាតាមរយៈការផ្តល់ជូនដំណោះស្រាយប្រកបដោយភាពឆ្នៃប្រឌិត ។ វីង បានក្លាយខ្លួនជាធនាគារដែលមានស្លាកយីហោមួយដែលបានផ្តល់សេវាផ្ទេរប្រាក់ប្រកបដោយភាពងាយស្រួល និងមានការធានា ដែលអាចធ្វើប្រតិបត្តការតាមរយៈកម្មវីធីស្មាតហ្វូនវីង និងជាមួយភ្នាក់ងារវីងជាង ៧៥០០កន្លែងទូទាំងប្រជាណាចក្រកម្ពុជា ។ ជាមួយគ្នានេះដែរ ឈេហ្វរ៉ុន នៅកម្ពុជាត្រូវបានគេទទួលស្គាល់ជាក្រុមហ៊ុនដែលមានបណ្តាញស្ថានីយប្រេងឥន្ឋនៈ ដែលស្អាតមានអនាម័យប្រកបដោយសុវត្ថិភាព ដែលផ្តល់ជូនសេវាកម្មតាមបែបទាន់សម័យ និងទំនើបប្រកបដោយការគោរព និងបម្រើអតិថិជនបានយ៉ាងល្អប្រសើរ ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ