ប្រទេសថៃ ៖ ឆ្នេរខ្សាច់ត្រូវបានគេបោះបង់ចោល បារដែលធ្លាប់តែមានស្រីស្អាតជាច្រើន ក៏ត្រូវបានបិទទ្វារ ដោយសារតែអាជីវកម្មមិនដើរទៅមុខ ស្របពេលដែលការធ្វើដំណើរទេសចរណ៍មានការរឹតបន្តឹង និងមនុស្សគ្រប់គ្នាមានការខ្លាចរអារពីជំងឺកូវីដ១៩។ ក្នុងនាមជាកន្លែងមួយដែលជាឋានសួគ៌ទេសចរណ៍ ជាពិសេសសម្រាប់ប្រុសៗ…
ប្រទេសថៃ ៖ ឆ្នេរខ្សាច់ត្រូវបានគេបោះបង់ចោល បារដែលធ្លាប់តែមានស្រីស្អាតជាច្រើន ក៏ត្រូវបានបិទទ្វារ ដោយសារតែអាជីវកម្មមិនដើរទៅមុខ ស្របពេលដែលការធ្វើដំណើរទេសចរណ៍មានការរឹតបន្តឹង និងមនុស្សគ្រប់គ្នាមានការខ្លាចរអារពីជំងឺកូវីដ១៩។
ក្នុងនាមជាកន្លែងមួយដែលជាឋានសួគ៌ទេសចរណ៍ ជាពិសេសសម្រាប់ប្រុសៗ គឺមិនដែលបានជួបនឹងបញ្ហាបែបនេះទេ។ ម្ចាស់អាជីវកម្មនៅទីនោះប្រាប់ថា អស់រយៈពេលជាង៤០ឆ្នាំហើយ គឺមិនដែលឃើញហេតុការណ៍បែបនេះឡើយ។
នាយកប្រតិបត្តិរបស់ក្រុមហ៊ុន Alcazar Cabaret Show លោក Pawin Phettrakul បានប្រាប់សារព័ត៌មានរ៉យទ័រថា៖ «ក្រុមហ៊ុនរបស់យើងបានបញ្ឈប់អាជីវកម្ម១០០% តែម្តង។ ប៉ាតាយ៉ា គឺជាទីក្រុងទេសចរណ៍ យើងពឹងផ្អែកភាគច្រើន។ ទីក្រុងទាំងមូលរងផលប៉ះពាល់ដោយសារវីរុស»។
នៅក្នុងពេលវេលាធម្មតា កន្លែងនីមួយៗមានសុទ្ធតែស្រីស្អាតរាំសិចស៊ីធ្វើឱ្យភ្ញៀវទេសចរមើលរាប់ពាន់អ្នកក្នុងមួយថ្ងៃៗ តែពេលនេះគ្មានសូម្បីតែម្នាក់។ Alcazar Cabaret មិនមានគម្រោងបញ្ឈប់បុគ្គលិករបស់ខ្លួននៅពេលនេះទេ ប៉ុន្តែអនាគតដែលអាចមើលឃើញជាមុនហាក់ដូចជាមិនមានភាពល្អប្រសើរទេ។
គួរបញ្ជាក់ផងដែរថា ប្រទេសថៃ ពឹងផ្អែកលើវិស័យទេសចរណ៍ប្រហែល ១២% នៃ GDP។ តែសម្រាប់ប៉ាតាយ៉ាវិញ គឺពឹងផ្អែកលើវិស័យនេះស្ទើរតែទាំងស្រុងទៅហើយ៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ